Narrator 2 – Khurt Pari - Albert Popoy – Jale Basha – Lyca Crisanto – Daniel
Narrator 1: Mataas na ang sikat ng araw
ngunit hindi pa din makapagsimula ang misa ni padre. Sa dam ing taong pumunta sa makipot at maliit na pook sambaha, siksikan na ang mga tao.
Narrator 2: Sa hindi kalayuan makikita
ang dalawang magkasintahan, panay ang halakhakan, tila ba wala silang pakialam sam ga taong nakapaligid sa kanila. Basha: Ano ba! Doon ka nga Popoy, ang harot mo naman.
Narrator 2: Ngisi ngising sabi ni Basha.
Popoy: Sus, gusto mo lang magpasuyo,
eh. Oh sya, mamaya pagkatapos ng simba kakain tayo sa plaza. Masaya kana?
Narrator 1: Pabirong saad ni Popoy.
Narrator 2: Ngumisi lamang si Basha at umupo ng maayos sapagkat nagsisimula na ang misa. Narrator 1: Habang nagsesermon ang pari panay ang sulyapan ng dalawa pagkatapos ay biglang ngingiti na parang mayroon silang naalalang nakakatawa.
Pari: Bakit mo tinitingnan ang puwing sa
mata ng iyong kapatid? Ngunit hindi mo tinitingnan ang troso na nasa iyong mata. Narito, papaano mo sasabihin sa iyong kapatid: Payagan mong alisin ko ang puwing sa iyong mata. At narito, isang troso ang nasa mata mo. Ikaw na mapagimbabaw. Alisin mo muna ang troso sa iyong mata. Kung magkagayon, makikita mong malinaw ang pag-aalis ng puwing sa mata ng iyong kapatid. Lagi nating tatandaan-
Narrator 1: Hindi na naipagpatuloy pang
pakinggan ni Basha ang sinasabi ng pari sapagkat masyado ng naokupa ang isipan niya ng tumabi sa kaniya ang lalaking punong-puno ng tattoo sa katawan. Kinalabit niya si Popoy at itinuro ang lalaki ng palihim.
Basha: Tingnan mo itong katabi ko oh
Narrator 2: Pabulong na sabi ni Basha
Popoy: Huwag mo na lang tingnan. Diyos
ko ano bang pinaggagagawa ng taong ito sa balat niya
Narrator 1: Medyo may kalakasang usal
ni Popoy kaya namay napatingin sa kanila ang lalaking nagngangalang Crisanto. Crisanto: May problema po ba kayo sa’kin? Handa akong makinig.
Narrator 2: Mahinahon ngunit may
bakas na inis na sabi ni Crisanto. Narrator 1: Marahil ay hindi na napigilan ni Basha ay tuluyan na niyang sinabi na…
Basha: Ang balat mo’y puno ng tinta.
Ginawa mong sulatan. Sigurado akong hindi ka makakapasok sa tahanan ng Diyos.
Popoy: Tama hindi pwede doon ang nag-
aadik na katulad mo. Crisanto: Ang sinasabi niyo po ba ay porke may mga tattoo ako ay masamang tao at adik na ako?
Basha: Oo dahi lang mga gumagawa ng
ganiyan ay puro adik lamang.
Crisanto: Paano niyo ho nasasabi ‘yan sa
harap ng Diyos at habang nagmimisa pa ang pari? Hindi po ba’t kayo ang klase ng mga taong hindi tinatanggap sa kaharian ng Diyos?
Popoy: Aba’t hindi rin maganda ang
lumalabas sa bibig mo ha! Adik ka talaga!
Basha: Kaawaan ka sana ng Diyos!
Narrator 1: Hindi sumagot si Crisanto at nakinig na lamang muna sa paring nagmimisa sa harapan. Narrator 2: Matapos ang pagmimisa ng Pari at nagsitayuan at nagsipag-alisan na ang mga tao maliban sa tatlo, si Basha, Popoy at Crisanto.
Crisanto: Hindi po ba’t sinabi niyo na ang
taong katulad ko na maraming tattoo ay isang adik?
Narrator 2: Pagtatanong ni Crisanto sa
magkasintahan habang nakaharap sa kanila. Crisanto: Hindi ho ako masamang tao. At mas lalong hindi ako adik. Pinalaki ho ako ng mga magulang ko ng may respeto at takot sa Diyos. Ang dahilan ho kaya ako maraming tattoo ay dahil para sa akin ay sumisimbolo ito sa katauhan ko at nagbibigay ito ng disenyo sa akin.
Narrator 1: Pagkatapos magsalita ni
Crisanto ay tumayo siya at muling humarap sa magkasintahan.
Crisanto: Nawa’y matutunan niyo hong
gumalang at rumespeto sa tao ng hindi lamang tinitingnan ang panlabas na anyo. Huwag niyo rin po sanang kasanayang tawagin ang isang taong maraming tattoo na “adik”. Ipagdarasal ko po na kaawaan kayo mg Diyos at bigyan ng malawak na pag-iisip. Mauna na ho ako sa sa inyo.
Narrator 1: Bago pa makapagsalita ang
magkasintahan ay lumakad na paalis si Crisanto. Naiwang nakasunod ng tingin ang dalawa pagkatapos sabihin iyon ng lalaki.