AUTHOR: N/A SECTION: OPINYON PAGE: 4 PRINTED SIZE: 199.

00cm² REGION: PHI

MARKET: Philippines PHOTO: Full Color ASR: PHP 20,385.00 ITEM ID: PH0019747331

11 MAR, 2021
Tumaas ang kaso ng COVID dahil isinantabi ng
marami ang pagsusuot ng face masks

Balita, Philippines
Page 1 of 1

EDITORIAL

Tumaas ang kaso ng
COVID dahil isinantabi
ng marami ang pagsusuot
ng face masks
INIULAT nitong Lunes ng Department of Health ang pagtaas ng bilang ng bagong
kaso ng COVID­19 hindi dahil sa mga bagong variants ngunit sa pagtaas ng kaso
ng hindi pagsunod sa basikong protocols ng pagsusuot ng mask, pagdistansya, at
palaging paghuhugas ng kamay, sinabi ni Undersecretary Maria Rosario Vefgerie.
Nakapagtala ang DOH ng higit 3,000 kaso ng COVID­19 sa bawat araw mula nitong
Marso 7, aniya. Arfg paglobo ng bilang ay nagdulot ng pansamantalang pagsasara ng
outpatient clinics ng Justice Jose Abad Santos General Hospital, dagdag niya.
Sa Malacafiang, sinabi ni presidential spokesman Harry Roque na maaaring
tumaas ang kaso ngunit handa namang magbigay ang mga ospital ng pangangalaga
sa 2 hanggang 3 porsiyento na may malubhang karamdaman. Aniya, nananatiling
available ang 65 porsiyento ng 13,500 isolation beds, gayundin ang 60 porsiyento ng
1,900 intensive care unit beds at 75 porsiyento ng 6,000 ward beds.
Kinakailangang paigtingin ang pagsunod sa minimum public health standards,
tulad ng pagsusuot ng face masks, face shields, ligtas na pagdistansya at testing.
Kailangan din aniyang palakasin ang contract tracing at isolation sa lokal na lebel,
giitni Roque.
Hanggang nitong Marso 7, nasa 594,412 na ang kabuuang bilang ng kaso sa bansa,
kasama ang 12,516 pagkamatay. Ngunit ngayon 3,000 bagong kaso ang naiuulat bawat
araw, na indikasyon ng pagtaas ng bagong mga kaso. Pinangangabahang dulot ito
ng mga bagong variants ng virus, ngunit sinabi ng DOH na ang pagtaas ay dahil sa
pagbabalewala ng maraming tao na sundin ang basikong panuntunan ng pagsusuot
ng face masks at face shields, pagpapanatili ng distansya sa ibang tao, at madalas na
paghuhugas ng kamay.
Inaakala ng marami na tapos na ang pandemya sa pagsisimula ng vaccination,
ngunit ang pagbabakuna ay simufa pa lamang at aabutin ito ng maraming buwan
upang mabakunahan ang sapat nabahagdan ng 110 milyong populasyon ng bansa
para makamit ang "herd immunity" para sa bansa.

Provided for client's internal research purposes only. May not be further copied, distributed, sold or published in any form without the prior
consent of the copyright owner.