PANDEMYA – isang salitang kailanman ay hindi makakalimutan ng
bawat mamamayang Pilipino na nakaranas ng kahirapan dulot nito. Ang dala man nito ay kapighatian sa puso ng bawat isa ay hindi pa rin nawalan ng pag-asa ang Pilipinas na muling makakabangon sa sitwasyong ito. Ang COVID-19 sa Pilipinas ay tila hindi na masyadong malupit habang papalapit ang 2022. Noon, araw-araw ay may mga naitatalang libo-libong naapektuhan ng pandemyang ito. Ngunit ngayon ay parami nang parami ang mga bilang ng nababakunahan, bilang proteksyon ng bawat mamamayan. Ayon sa mga eksperto sa kalusugan ang Delta variant ay naging sanhi ng pagtaas ng bilang ng mga kaso ng COVID-19 noong nakaraang taon. Kasing taas ng mahigit 20,000 bagong impeksyon na naitala araw-araw. Nag-udyok ito sa mga opisyal ng gobyerno na ipatupad ang pinakamahigpit na hakbang upang mapabagal ang pagkalat nito. Marami pang mga bakuna ang na-deploy sa mga lugar na nakakaranas ng mga surge. Muling ibinalik sa alert level 3 ang mga lugar na muling dumami ang naimpeksyon. Ito ang naging daan kung bakit mas dumami ang mga nagnais na mabakunahan. Target din ng pambansang pamahalaan na ganap na mabakunahan ang humigit-kumulang 90 milyong Pilipino bago bumaba sa pwesto si Pangulong Rodrigo Duterte sa 2022, ayon kay Duque. Ang bakuna ang nagsilbing sandalan ng Pilipinas sa panahong ito. Ang programa ng pagbabakuna sa COVID-19 ay higit na lumawak noong nakaraang taon hanggang sa kasalukuyan. Naaprubahan din ang mga booster shot para sa lahat ng nasa hustong gulang. Ito ay orihinal na inirerekomenda para sa mga mamamayang nagtatrabaho para sa pamilya, gayundin sa mga senior citizens. Malaki ang naging pagbabago ng bilang ng mga naapektuhan ng virus, bagaman marami pa rin ang hindi pa nagpapabakuna dahil sa takot na maaaring maging epekto nito sa katawan. Ayon sa isang senior citizen na si Nanay Remy, “napakalaking tulong sa akin ng bakuna, nabawasan ang aking takot na ako ay mahawahan ng covid”. Isang patunay na tuluyan nan gang nagtitiwala ang mga mamamayan na muli tayong makakabangon sa pagsubok na ating kinakaharap. Hindi pa man lahat ng mamamayang Pilipino ay nababakunahan, hindi pa rin nawawalan ng pag-asa ang mga tao na muli nating makakamtan ang kalaayan sa pandemya. Muli nating masisilayan ang liwanag ng pag-asa.