Matias Pandemya; Huling Limang Libong Piso sa Pitaka
Anunsyo sa balita: Ipinatupad na ang nationwide lockdown sa
ating bansa, dahil ito sa patuloy na pagtaas ng kaso ng Covid- 19. Ang lahat ay hindi na puwedeng lumabas ng bahay kung hindi kinakailangan. Pati ang paliparan ng Ninoy Aquino International Airport ay ipinasara narin ng gobyerno lalo na ang pagpasok at paglabas ng mga turista at mga mamamayang Pilipino galing sa ibang bansa upang maiwasan ang lalong pag- usbong ng virus dito sa bansa.
Ama: Paano na ang ating hanap buhay? Saan na tayo kukuha ng
pangkain natin kapag naubos na ang hawak kong limang libo?
Anak: Tay, kailangan po nating sumunod sa protocols na
ipinatupad nang sa gayon ay makatulong tayo sa pagsugpo ng virus na kumakalat.
Ama: Kailangan nating magtipid at umisip kung saan tayo
kukuha ng pera sa araw-araw.
Anak: Kakayanin po natin yan tay!
Dalawang taon na ang nakalipas ng dumating ang isang
kinatatakutang virus na kumalat sa ating mundo. Tinatawag itong Covid-19 na kung saan kapag nadapuan ka ay pupuntiryahin ang iyong buong katawan. Maraming mga trabahador at negosyante ang nawalan ng trabaho at mapagkukunan ng pera sa ating bansa, sa panahon na ito. Ang iba ay hindi na alam kung ano ang diskarte na gagawin makakuha at makahanap lamang ng pera sa maayos na paraan. Sa kasagsagan ng Covid-19, mayroon bang nagbago sa pamumuhay ng bawat Pilipino? Ano ang naidulot nito sa iba't ibang pamilya sa ating bansa na nakaranas sa hagupit ng virus na ito?
Alam naman nating lahat na nag-iba ang buhay ng bawat
isa ng dumating ang virus na nagdala ng sakit, panghihinayang, takot, at pangamba sa bawat mamamayan dito sa ating bansa. Maraming tao ang nanghihinayang, dahil kung hindi dumating ang pandemya ay hindi mawawala ang mga trabaho ng bawat isa, na kanila din itong pinagkukunan ng pera upang pantulong at pangtustos sa kani -kanilang pamilya. Karamihan din sa mga pamilya sa panahon ng pandemya ay puro problema nalamang ang nararanasan. Hindi naman kasi natin maitatanggi na mahalaga ang pera sa bawat isa sa atin. Ngunit nagiging problema ito ng karamihan simula ng nadapuan ang ating bansa ng isang pandemya. Sa kadahilanang hindi alam ng iba kung saan kukuha ng pera at ito ay napupunta sa hindi pagkakaintindihan ng bawat pamilya. Ang iba na noon ay limang libong piso ang laman ng pitaka na kanilang magagamit upang pangtustos sa kanilang pamilya, ngayon ay hirap na nila itong makuha.
Ano-ano ang mga pasakit na pinaranas ng pandemya sa
bawat mamamayang Pilipino? Sa paanong paraan ito nalagpasan ng bawat isa?
Simula ng dumating ang pandemya sa ating bansa ay
maraming mga tao ang nahirapan na mag-adjust sa bagong pamumuhay na mayroon tayo. Maraming dinulot na pasakit ang pandemyang dumating sa ating bansa lalo na sa bawat pamilyang nangangailangan. Hindi lang sa pisikal na damdamin ang naging dalang sakit ng pandemyang ito, pati na rin sa emosyonal at mentalidad na damdamin ng bawat tao sa ating bansa. Gayon pa man ay makikita natin na naging maabilidad parin ang bawat isa sa atin upang malagpasan ang hamon na dala ng pandemyang kinakaharap natin. Ang iba ay gumagawa ng iba’t ibang diskarte na pang hanap-buhay. Ginamit nila ang kanilang mga kakayahan na ngayon lamang nila nakita at natuklasan sa kanilang sarili, halimbawa nalamang ang mga tao na kinahihiligan ang paggawa ng mga cake at iba pang tinapay na naging libangan na nila at hanap-buhay na rin. Ilan lamang ito sa mga paraan na ginawa ng bawat Pilipino upang malagpasan ang dagok na dala ng pandemya sa ating lahat.
Ngayon sa kasalukuyang panahon unti-unti ng
napupuksa ang kalaban na hindi natin nakikita at nahahawakan. Bawat isa sa ating mga Pilipino ay nag-iba na din ang pamumuhay nila noon at sa ngayon. Marami mang pagsubok ang naranasan ng bawat isa sa panahon ng pandemya ay patuloy parin tayong lumalaban sa buhay. Mahirap man ang naranasan natin sa dalawang taon na ito ay makikita parin natin ang mga ngiti sa mga labi ng bawat isa. Isa lamang itong patunay na tayong mga Pilipino ay maabilidad at sumasabay sa hamon ng buhay, at ng panahon. Kaya ano pa ang ating hinihintay mga kapwa ko Pilipino? Hindi pa ba tayo kikilos at susunod ng maayos sa mga protocols tungkol sa Covid-19? Hahayaan pa ba natin na mangyari ang lockdown tulad noon na naging dahilan ng pagkawala ng ating mga trabaho at negosyo? Ikaw, kayo, susunod ba kayo o babalik kayo sa taong 2020?