• Kilala ang mga manggagawang Pilipino sa mundo bilang
masisipag at madaling makibagay sa bagong kapaligiran.
• Ang kanilang kasanayan sa trabaho ang dahilan kung bakit
mas pinili sila kaysa sa ibang manggagawa mula sa ibang
bansa.
• “Ang mga Pilipino ay may mataas na antas ng moralidad at
may sariling disiplina. Masipag sila kaya nagugustuhan ng
kanilang amo. Matapat sila at nagbibigay ng mataas na kalidad
ng serbisyo” -Cristopher Moulton ng Arab News, Canadian
lecturer sa English Language Center ng King Fahd University
of Petroleum and Minerals.
MGA KATANGIAN NG MANGGAGAWANG PILIPINO:
1. Marunong sa kanilang trabaho
2. Marunong makisama
3. Madaling makibagay
4. Mabilis matuto
5. Masipag
6. Maasikaso sa pamilya
7. Magiliw at palakaibigan
MGA TERMINOLOHIYANG KAUGNAY NG
PAGTATRABAHO SA BANSA
1. Employed- mga taong iniulat na may trabaho,
nagtatrabaho, o kaya naman ay may Negosyo bagama’t hindi
nagtatrabaho.
2. At work- mga taong nagtatrabaho kahit isang oras lamang
sa panahon ng survey
3. With a job or business but not at work -yaong may mga
trabaho o Negosyo ngunit hindi nagtatrabaho sa tukoy na
panahon dahil sa mga pangyayaring panadalian Kagaya ng
pagkakasakit o pagkasangkot sa aksidente, bakasyon o
nakaliban sa trabaho, pagkakaroon ng masamang panahon,
strike,at iba pang dahilan.
4. Industriya- ang uri ng Negosyo o ang lugar kung saan
nagtatrabaho ang isang tao
5. Labor Force-ang populasyon ng tao na may 15 taong
gulang o higit pa na kasama sa paggawa o pagseserbisyo sa
bansa.
6. Underemployed- mga taong nagtatrabaho na nais
magkaroon ng karagdagang oras ng trabaho maliban sa
kanilang kasalukuyang Gawain o karagdagang Gawain, o kaya
ay magkakaroon ng trabahong may mas mahabang oras.
7. Underemployed Invisibly- mga taong may trabahong full
time ngunit gusto pa ng dagdag na trabaho.
8. Underemployed Visibly- taong may trabahong mababa sa
40 oras sa linggong kinuha ang impormasyon at gusto pa ng
dagdag na oras ng trabaho.
9. Unemployed- (new definition)- kabilang dito ang mga taong
may 15 taong gulang o higit pa na iniulat na:
a. Walang trabaho, halimbawa, walang trabaho nang kunin
ang impormasyon ng survey.
b. Puwedeng magtrabaho o yaong mga handang magtrabaho
at tumanggap ng trabahong may bayad o sariling empleyo sa
panahon na ginawa ang survey o kaya sa loob ng dalawang
lingo matapos ang survey
c. Naghahanap ng trabaho na ang ibig sabihin ay gumagawa
ng hakbang upang humanap ng trabaho o magtayo ng
Negosyo sa panahong ginawa ang survey; O kaya ay hindi
naghahanap ng trabaho dahil
(a) pagod at naniniwalang walang trabahong mapapasukan
kagaya ng taong naghanap ng trabaho sa loob ng anim na
buwan ngunit walang makuha;
(b) naghihintay ng resulta ng aplikasyon;
(c) maysakit o may kapansanan; (d) masama ang panahon; at
(e)naghihintay na tawagin muli ng dating trabaho.
MGA DAHILAN NG UNEMPLOYMENT
• Kakulangan ng oportunidad para makapagtrabaho
• Paglaki ng populasyon
• Kawalan ng pamahalaan ng komprehensibo at
pangmatagalangplano na makalikha ng trabaho
• Hindi tugma ang pinag-aralan o kwalipikasyon ng mga
mamamayan sa maaari nilang pasukan
• Masalimuot na paraan para makapagtatag ng negosyo
• Pamumulitika at katiwalian ng mga nanunungkulan sa
pamahalaan.
EPEKTO NG KAWALAN NG TRABAHO PAMUMUHAY NG
MGA MAMAMAYAN
• Nagpupunta sa ibang bansa ang mga manggagawa o brain
drain
• Humihina ang ekonomiya ng bansa dahil sa mas mahina ang
produksyon ng bansa at marami ang mahihirap
• Mabagal ang pag-unlad ng bansa dahil mahina ang
ekonomiya nito.
• Tumitinding kahirapan
• Naapektuhan ang mental health o kalusugan ng pag-iisip ng
mga tao
• Dumadami ang mga dayuhan at dambuhalang lokal na
negosyante kayat nalugi ang napakaraming maliliit na negosyo
na nakapagbibigay ng trabaho sa ating bansa
ANG 21ST CENTURY SKILLS
Creativity
Communication
Collaboration
Critical Thinking
SKILLS
•Etika sa pagtatrabaho
• Pakikitungo at pakikipagkapwa
• Socioemotional na kasanayan
• Pakikipagtulungan
• Pagkakaroon ng mga makabagong ideya
• Wastong paggawa ng desisyon
• Malikhaing paglutas ng problema
•Kagalingan sa pagtatrabaho
• Magaling mag-organisa
• Kakayahang mamuno
• Bukal sa kaloobang matuto
• May inisyatiba
• May kakayahan na kayanin ang stress
• Mahusay na pamamahala ng mga gawain.
IMPLIKASYON NG KAWALAN NG TRABAHO
•Unang-una ay ang epekto sa taong walang kakayahang
bumili ng kailangan at ito ay may direktang epekto sa
ekonomiya.
• Kapag walang perang pambili ang mga tao, bababa ang
pangangailangan sa mga produkto.
• Dahil dito bababa rin ang kita ng mga nasa produksyon at
kailangang magbawas ng produksyon.
• Ang pagbabawas sa supply ay pagbawas din sa buwis na
nakokolekta ng pamahalaan at bawas sa pondo.
• Kapag nabawasan ang pondo, apektado ang mamamayan.
• Ang isang ama ng tahanang walang trabaho ay mapipilitang
maging taongbahay at gumawa ng mga gawaing bahay na
hindi madaling tanggapin sa isang lipunang patriyarkal.
• Ang kawalan ng trabaho ay maaaring maging sanhi ng
kalungkutan, kawalan ng pag-asa, o mababang tingin sa sarili
na maaaring mauwi sa depresasyon.
• Ang matagal na pagkawala ng trabaho ay maaari ding
magresulta sa pagkabawas ng kasanayan at nasasayang na
talento.
• Ang isa pang maaaring maging bunga ay ang pagtaas ng
kriminalidad.
MGA SOLUSYON:
1. Pantay na oportunidad sa mga pamayanang rural at urban
2. Ugnayan ng edukasyon at empleo
3. Suporta ng pamahalaan sa Negosyo
4. Gawing makabuluhan sa lipunan ang edukasyon
5. Sistema sa pagpapalaganap ng impormasyon ukol sa labor
market.
PAGLUTAS NG SULIRANIN NG UNEMPLOYMENT
Ayon sa mga Ekonomista…
• Ang pagpaparami ng mga oportunidad sa mga trabahong
makapagbibigay ng security of tenure, mga benepisyo tulad ng
health insurance at social security, at pagpapaunlad ng mga
impraestraktura ng bansa ay ilan sa mga solusyon sa isyu ng
unemployment o kawalan ng trabaho sa bansa.
Ayon sa pamahalaan…
• Ang pagpapalago sa mga industriya sa manufacturing,
turismo, agribusiness, at impraestraktura ay ilan sa mga
solusyon sa isyu ng unemployment.
ANG DEPARTMENT OF LABOR AND EMPLOYMENT
Ang Department of Labor and Employment (DOLE) ang
kagawarang namamahala sa paggawa at pagpapatupad ng
mga polisiya at programa ng pagserbisyo sa mga
manggagawang Pilipino.
• Ito rin ang nagbibigay ng payo sa ehekutibo ukol sa
pagbabalangkas ng mga polisiya na may kaugnayan sa mga
manggagawa.
• Layunin ng Department of Labor and Employment na
matamo ng manggagawang Pilipono ang disente at
produktibong trabaho.
• Makikita ito sa bisyon ng ahensya na isulong ang mga
oportunidad sa pagtatrabaho, hubugin ang yamang tao,
ipagtanggol at isulong ang kabutihan ng manggagawa, at
panatilihin ang kapayapaan sa larangan ng paggawa.
LABOR CODE OF THE PHIL. (PRESIDENTIAL DECREE
NO.442)
• Ito ay isang kalipunan ng mga polisiya ng pamahalaan na
nagtatakda ng mga patakaran ukol sa paggawa at kagalingan
ng mga manggagawa mula sa simula ng empleo hanggang sa
katapusan ng pagiging empleo.
• Ayon sa pangkalahatang probisyon nito, ang Estado ay
magbibigay ng proteksyon sa paggawa anuman ang kasarian,
lahi, o paniniwala, at magpapanatili ng maayos na ugnayan ng
manggagawa at mga nagpapatrabaho.
• Dagdag pa, ginagarantiya nito ang mga Karapatan ng
manggagawa sa pagbuo ng organisasyon o samahan,
pakikipag-usap sa may ari bilang samahan, seguridad sa
pananatili sa trabaho, at makatarungan at makataong
kondisyon ng trabaho.
KAHALAGAHAN NG END OF CONTRACT (ENDO)
• Ito ay tumutukoy sa Sistema ng pagtapos sa empleo ng isang
manggagawa.
• Sa ilalim ng batas ng Pilipinas, ang empleyado ay binibigyan
ng anim na buwan bilang probationary period bago sila gawing
regular na empleyado.
MASLOW'S HIERARCHY OF NEEDS
Meeting one's full potential in life, different for every person – Self actualization Self fulfilment needs
Respect, status, recognition, strength self-esteem – Esteem
Psychological needs
Friendship. intimacy, family, connections - Love/ belonging
Security, health finances – Safety Basic needs
Food, sleep, water - Biological & Physiological
• Ngunit, may mga nagpapatrabaho na tinatapos na ang
kontrata ng bago manggagawa matapos ang anim na buwan.
• Dahil dito, hindi nakukuha ng empleyado ang mga benepisyo
kagaya ng kontribusyon sa SSS,Phil Health, PagIBIG fund,
13th month pay at iba pa.
KONTRAKTUWALISASYON
• Sa Artikulo 106 ng Labor Code, isinasaad ang probisyon na
nagbibigay pahintulot sa Kalihim ng DOLE na ipagbawal ang
kontraktuwalisasyon upang protektahan ang Karapatan ng
mga manggagawa subalit pinapayagan pa rin ito sa ilalim ng
administrasyon ni Pangulong Duterte.
KABUTIHAN:
1. Pinapayagan nito ang madaliang tugon sa mga pagbabago
sa pamilihan kagaya ng pagtaas o pagbaba ng supply ng mga
paninda.
2. Mas maluwag ang pagkuha ng mga manggagawa batay sa
sitwasyon ng kompanya para sa kabutihan ng kompanya at
para din sa mga manggagawang nangangailangan ng
pansamantalang trabaho.
3. Mas pabor sa kompanya dahil walang binabayarang
benepisyo.
4. Sa pagkuha ng mga empleyadong mula sa mga ahensya
hindi kailangang magbigay ng benepisyo ang kompanya, kaya
mas kaunti ang gastos nito
5. Ang mga estriktong polisiya sa pagkuha ng mga regular na
manggagawa at ang madaling pagkuha ng pansamantalang
empleyado ay magbubunga ng pagbibigay trabaho sa mas
maraming manggagawa.
HINDI MABUBUTING EPEKTO:
1. Ang mga kompanya ay may oportunidad na magbigay ng
mababang sahod sa mga manggagawa.
2. Nawawalan ng pagkakataon ang mga manggagawang
ipaglaban ang kanilang Karapatan. Sa halip na bumuo ng
samahan upang ipaglaban ito, sila ay natatakot na matanggal
at mawalan ng trabaho.
3. Ang mababang sahod ay nagpapababa sa kalidad ng
pamumuhay ng mga manggagawa.
4. Ang mga manggagawa ay hindi nakikisali sa mga
demokratikong pagtalakay sa mga paraan ng pagpapabuti ng
kanilang kalagayan.
5. Kailangan ang mas masusing pagsasanay at pagmamasid
sa mga pansamantalang manggagawa upang mapabuti ang
trabaho ayon sa kailangang kompanya.
6. Ang paghahambing ng sahod at benepisyo ng mga
pansamantala at regular na empleyado ay maaaring
magbunga ng di pagkakaunawaan sa lugar ng trabaho.