Pangalan: Tang, James Clein T.

Petsa: Oktubre 25, 2022

Student Number: 12225622
Seksyon: A64D

Mungkahing Gawain:

Ang Pagkatuto ng Pangalawang Wika at Asimilasyon ng Kultura

Josefina C. Mangahis, Phd

A. Upang higit na maunawaan ang kaugnayan ng Wika at Kultura sa Pag-aaral ng

Pangalawang wika, Basahin ang kalakip na Power Point:

Wika, Kultura at Kaakuhang Pilipino

Emma O. Sison
Panayam : Pambansang Samahan Sa
Linggwistika at Literaturang Filipino
B. Ipaliwanag at magbigay ng sariling halimbawa:

1. Ang pagkatuto nang maayos ng pangalawang wika ay ang pagsipat sa mundo kung
paano ginagamit ang sariling wika ng mga mamayan nito, pagkatuto kung paano
nauugnay ang tradisyon, kaugalian, pananaw, at saloobin ng kanilang sariling lipunan sa
pagtatamo ng wika ng pag-iisip o language of the mind.

Ang pagkatuto ng pangalawang wika ay ang pagsipat sa mundo kung paano ginagamit
ang sariling wika ng mga mamayan nito sapagkat bilang isang indibidwal na mamayaman
ng ating bansa, malalaman natin kung ano ang nakasanayan o tradisyonul na ginagawa,
kaugalian, pananaw at saloobin na mayroon ang wika. Sa ganitong paraan, maaari nating
ihalintulad ang mga nakasanayan ng ating sariling wika sa mga nakasanayan at gawain
nitong pangalawang wika. Ito ay mahalaga sa pagkatuto sa pangalawang wika ng isang
lipunan sa kadahilanang, ito ang sumasalamin sa kuluturang Pilipino, sa wikang
kinagisnan bago pa tayo masakop ng dayuhan at magkaroon ng kolonyalismo't sigalot.
Ang pagkatuto ng pangalawang wika ay hindi maidadaan sa simpleng pagbasa at pag-
aral ng wika at ang mga panuntunan nito. Upang lubos na maintindihan nang maayos
ang pangalawang wika, kailangan natin intindihin at alamin ang kultura na nagsisilbing
repleksyon ng nasabing wika. Kasama sa pag-intindi ng kultura ay ang pag aaral sa pag-
iisip, paniniwala, pamumuhay, at mga tradisyon ng mga taong gumagamit ng
pangalawang wika na inaaral bilang kanilang pangunahing wika. Ito ay sa kadahilanang
ang wika ay parte at kasabay lumaganap ng kultura at hindi natin maiintindihan ng lubos
ang wika pag hindi natin inaral ang kulturang kalakip nito.

2. Hindi mapaghihiwalay ang wika at kultura.

Ang kultura ay mayroong sariling wika at ang wika ay may pinanggalingang kultura. Ang
dalawang ito ay hindi napapaghiwalay dahil hindi magkakaroon ng wika kung ito ay
walang kultura at hindi magkakaroon ng kultura kung ito ay walang sariling wika. Kalakip
ng kultura ang pag-uugali ng tao, kanyang kaisipan, pakikipagkomunikasyon, wika,
nakagawian, paniniwala, pagpapahalaga, kaugalian, ritwal, paraan ng paggalang at
pakikisalamuha sa kapwa. Likas na katangian ng isang kultura ang pagsasalin ng isang
kultura sa isang wika. Ito ay maaari sa pasalitang paraan, sa pamamagitan ng kilos,
senyas o maging sa pagsulat. Ito ay mahalagang katangian ng kultura at ang
pagkakasanib nito sa wika. Hindi lubos na mauunawaan ang isang wika kung hindi
uunawain ang kulturang kalakip nito. Ayon sa mga halimbawang ito, naibabahagi at
naipapahayag natin ang ating sarili sa pamamagitan ng lingguistika at wika, ito ang
nagsisilbing medyum na ating ginagamit upang ipakita ang ating pagkatao, bagkus ito rin
ay nag sisilbing medyum para ipahayag sa iba ang ating kultura at karanasan sa buhay.
Ang wika ay nagiging repleksyon ng ating kultura. Halimbawa nito ay tayong mga Pilipino,
ang wikang Filipino ay pagmamay-ari natin. Ito ay nakadikit na sa ating kultura at araw-
araw na pamumuhay. Kung tatanggalin natin ang wikang Filipino sa ating
pagkakakilanlan at kultura, di hamak na mag-iiba ang ating pakikisalamuha, pag-iisip at
paraan ng pakikipag-usap. Sa simpleng pagtanggal ng ating wika, malaking pagbabago
ang ating makikita sa ating kultura.

C. Sagutin ang mga tanong:

1. Ano-anong kultura ng Kanluraning bansa ang napasanib na sa ating kultura dahil sa

pag-aaral natin ng wikang Ingles?

Sa simpleng pag-aaral ng wikang Ingles ng mga Pilipino, kitang-kita sa ating lipunan ang
epekto at impluwensiya ng kultura nito sa ating sariling kultura. Naging malaking parte na
ng ating kultura ang kumuha sa kultura ng iba. Mula sa simpleng klase ng pananamit, sa
mga palabas na ating pinapanuod, sa pakikipag-usap sa ibang tao, ito ang ilan sa mga
halimbawa ng kulturang napasanib sa ating kultura. Sinasadya man o hindi, ang
pagsasalita at mga kaalaman natin sa wikang Ingles ay naging daan upang maintindihan
natin ang kanilang kultura, pag-iisip, kasuotan, kagamitan at pananaw sa buhay.
2. Ano ang dalawang setting sa klase sa pagtuturo ng wika? Ipaliwanag ang bawat isa at
magbigay ng halimbawa.

Ang dalawang setting sa klase sa pagtuturo ng wika ay ang language classroom at

second language setting. Ang language classroom setting ay ang setting na kung saan
ginagamit ang tinuturong wika sa loob lamang ng silid-aralan at hindi ginagamit sa labas.
Ang halimbawa nito ay ang pagtuturo ng Japanese language sa mga nakuha ng Bachelor
of Arts in International Studies major in Japanese Studies. Ipinapakita dito ang language
classroom setting na kung saan sa loob ng silid-aralan, dapat gamitin ng estudyante ang
wikang Hapon pero hindi nila ito magagamit sa labas dahil hindi lahat ng tao ay
nakakaintindi ng salitang Hapon. Ang second language setting ay ang setting na kung
saan ay ginagamit ang tinuturong wika sa loob at labas ng silid-aralan. Ang halimbawa
nito ay ang pagtuturo ng Filipino o English na wika sa kanilang mga asignatura.
Magagamit ang dalawang wika na ito sa loob at labas ng silid-aralan sapagkat karamihan
ng mga tao ay may kaalamanan sa mga wikang ito at may kakayahang umintindi ng mga
wikang nabanggit.

3. Paano nag-iiba ang panimulang pagbati ng mga Pilipino sa Kanluranin? Magbigay ng

halimbawa.

Ang madalas na pagbati ng mga Pilipino ay ang salitang “Kamusta?” at ang mga bansang
Kanluranin naman ay madalas na “Hello! How are you?”. Ito ay may pagkakaiba sa
anyong salita na kung paano nila ito sinasabi. Ang mga Pilipino ay may katangian na
pagyakap, pagmamano o kaya mayroong human interaction. Sa kabilang dako, ang mga
taga kanluran ay madalas kamay lang na nakaway o kaya handshake. Ang halimbawa
ng pagbati ng mga Pilipino ay ang dalawang kaibigang matagal nang hindi nagkikita dahil
sa maraming ginagawa sa trabaho. Nagkita ulit sila at nagyakapan at beso-beso bilang
pagbati. Samantalang halimbawa naman sa mga taga Kanluran ay ang dalawang
magkaibigang matagal nang hindi nagkikita kasi malayo sila sa isa’t isa. Sila ay nagkita
at ang ginawa nila ay ang pagkaway o kaya pag handshake bilang pagbati nila sa isa’t
isa. Ang mga bansa o kultura ay may sariling pagbati depende kung paano sila
magkakaroon ng interaksyon, maaari ito ay human interaction o kaya sa pamamagitan
lamang ng pagsasalita.