Professional Documents
Culture Documents
Ang Panitikang Filipino Mga Layuning Pampagkatuto
Ang Panitikang Filipino Mga Layuning Pampagkatuto
Pagkatapos ng aralin,
ang mga mag-aaral ay inaasahang: 1. Naipaliliwanag ang katuturan ng
Panitikan. 2. Naiisa-isa ang Panitikan ng iba't ibang rehiyon sa Pilipinas. 3.
Nakapagbibigay ng kahalagahan sa pag-aaral ng Panitikan. Ang Panitikang
Filipino ay katulad din ng panitikan ng alinmang bansa sa daigdig na
sumasaklaw sa pasalita at pagsulat na nagpapahayag ng mga damdamin
ukol sa mga gawi at kaugaliang panlipunan, paraan ng pamumuhay, kaisipang
pampulitika at mga kapaniwalaang pangrelihiyon, ang kanilang mga adhikain,
ang kanilang mga pangarap, mula pa sa bukang liwayway ng kanilang
kabihasnan hanggang sa kasalukuyan. Ito'y maaring naisulat o naisalin sa
bibig sa iba't ibang wikain sa Pilipinas o mga salin ng panitikan banyaga o
naisulat ng Filipino sa wikang dayuhan. Kung paano ang katawan ay
pinalulusog ng pagkain ukol sa tiyan o sikmura, ang Panitikan at iba pang
likhang-sining ay pagkain ng diwa at kaluluwa. Sa tulong ng panitikan ay
mababawasan ang materyalismo ng daigdig. May sari-sariling wika ang bawat
bansa na naghahatid ng sari-saring kaugalian, pananaw sa buhay, saloobin at
pambansang pagkakakilanlan. Sa makatuwid, nararapat lamang na
magkaroon ng sari-sariling Panitikan ang bawat bansa. Ang Pilipinas ay hindi
nahuhuli sa larangang ito. May sariling panitikan ang mga Pilipino na
kinapapalooban ng kasaysayan ng kanilang lahi at kultura na minana pa nila
sa kanilang mga ninuno na hanggang sa kasalukuyan ay umiiral pa. Ang
Panitikang Filipino ay pahayag na pasalita o pasulat ng mga damdamin at
kaisipan ng mga Filipino na nagsasaad ng kanilang kasaysayan, pamumuhay,
paguugali, paniniwala at pananampalataya. Umiikot ang buong Panitikang
Filipino sa mga pasalita o pasulat na pahayag na iba't ibang rehiyon ng
Pilipinas. Kasama na rito ang panitikan na buhat sa mga Ivatan, Negrito,
Ilokano, Kapampangan, Mangyan, Bikolano, Bisaya, mga kapatid na Muslim sa
Mindanao at iba pa. Ang panitikan ay nagsasalaysay ng buhay, pamumuhay,
lipunan, pamahalaan, pananampalataya, at mga karanasang kaugnay ng iba't
ibang uri ng damdamin tulad ng pag-ibig, kaligayahan, kalungkutan,
pagkapoot, pag-asa, paghihiganti at pagkasuklam.
KABANATA II Mga Anyo At Uri Ng Panitikan
Ito ay patula at tuluyan. Patula ang panitikan kapag ito'y may sukat at
tugmang sinusunod. Ang malayang taludturan (Free verse) ay patula rin
ngunit hindi sinusunod ang pamantayan ng sukat at tugma. Tuluyan naman
ang Panitikan kapag ito'y walang sukat at tugma at tuloy-tuloy ang
pagpapahayag sa karaniwang takbo ng mga pangungusap. Ang Anyong
Tuluyan Ang tuluyan ay nasa anyong karaniwang pagpapahayag, malaya at
madaloy na pagbuo ng mga salitang Tula. Hindi limitado o pigil ang paggamit
ng mga pangungusap ng may-akda. Ang mga halimbawa nito ay kuwento,
kathang-buhay o nobela, dula, mga sanaysay, talumpati, talambuhay o
biyograpi, ulat, sanaysay, kasaysayan at iba pa. Ang Tula Ang anyong patula
ay mga pahayag na nagtataglay kadalasan ng sukat at tugma sa mga pantig
ng taludtod o ang mga salita at paraan ng pagbuo ng pahayag ay pilingpili,
matayutay at masining bukod sa pagiging madamdamin. Ang tula may sukat
at tugma o malaya man ay nararapat na nagtataglay ng magandang-diwa at
sining o kariktan. May sining o kariktan ang tula kung ang mga pananalitang
ginamit ay piling-pili at naayon sa mabuting panlasa. Ang sukat ay bilang ng
mga pantig sa isang taludtod samantalang ang tugma ay pagkakasintunog ng
mga huling pantig sa bawat taludtod ng saknong. Mayroon din mga tula na
may sukat at walang tugma (blank verse) at mayroon pa rin walang sukat at
walang tugma (free verse). Maibibigay na halimbawa ng tula ang mga
sumusunod: (a) tulang liriko o padamdamin (kantahin, oda, elehiya, soneto at
iba pa); (b) ang tulang pasalaysay o narrative (mga tulang nagsalaysay na
tulad ng epiko, awit at kurido.. (c) tulang pandulaan o dramatic (tulad ng
komedya, duplo, senakulo at iba pa). Sinasabing ang tula ay higit na unang
anyo ng panitikan na nalilinang alinman sa daigdig. Bago nalinang ang tuluyan
sa panitikan ng isang lahi ay mayroon na siyang kalipunan ng mga tula. Ito'y
madaling maipaliwanag na bunga ng kawalan ng kaalaman sa pagsulat at
pagbasa, kailangan pang matutunan ng mga tao upang malinaw na maulit o
maipabatid sa iba ang isang akdang tuluyan. Samantalang, ang akdang patula
ay madaling makabisa o mamemorya at kayang maisalaysay o maulit sa iba
maging sa mga kasunod na salin-lahi. Ang dalubhasang manunulat na si Iñigo
Ed Regalado, ang siyang nagsabi: Ang tula ay kagandahan, diwa, katas,
larawan at kabuuan ng tanang kariktang makikita sa silong ng alinmang
langit." MGA URI NG TULA AYON SA LAYUNIN O KAALAMAN Apat ang
pangkalahatang uri ng tula: tulang liriko, tulang pasalaysay, tulang pandulaan
at tulang patnigan. Mayroon pa ring pang-ilalim na kaurian ang mga ito: 1.
TULANG LIRIKO o tula ng Damdamin Ang tulang liriko ay may himig, may
musika at puno ng damdamin. Ang uri ng tulang liriko ay ang mga: kantahin o
oda, elehiya, soneto, awito himno. Ang kantahin ay binubuo ng mga payak na
salita at sukat; ang matatandang awitin, ang mga awiting panrelihiyon at ang
kantahing makabayan. b. Mga Uri ng Tulang Liriko a. Awit - ay nagbigay daan
sa oda, isang tulang liriko na may marangal na uri at karaniwang pinapaksa ay
may kinalaman sa pag-ibig, kalungkutan, pag-asa, pangamba, poot at
kaligayahan. Soneto - maikling tula, awit, o balad. Ito ay may labing-apat na
taludtod. Ang unang nagpakilala ng soneto bilang isang anyo ng tulang liriko
ay si Petrerka ng Italya. Ang kanyang tula ay binubuo ng dalawang bahagi, ang
oktabo o unang walong taludtod at ang sestet o anim na huling taludtod. Ito
ay binigyan ni Shakespeare ng pagbabago. Ang mga soneto ni Shakespeare
ay may tatlong kahatian ang mga taludtod sa ganitong ayos: tatlong apatang
taludturan o quatrain at isang tambalang taludturan o couplet. May mga
paglihis sa dalawang anyo nito ngunit tiyak sa soneto ang 14 na taludtod.
Nagtataglay din ito ng ng mga pag-aaral ng buhay. Ang nilalaman ay tungkol
sa damdamin, kaisipan at may malinaw na kabatiran sa likas na pagkatao. c.
Elehiya - ay isang uri ng tulang liriko na nagpapahayag ng pagninilay sanhi ng
isang pangyayari o guni-guni hingil sa kamatayan. Magandang halimbawa ang
"Elegy" ni Thomas Gray.
Patula ang anyo nito kapag taludturan at saknungan. Ang bawat taludtod ay
maaring may sukat at tugmaang pantig sa hulihan o sadyang malaya na ang
ibig sabihin ay walang sukat at tugma. Pantuluyan ang anyo nito kapag sa
karaniwan o ayon sa tuwirang kasanayang pagsasalita ng tao ay
ipinapahayag. Madali itong basahin at unawain, di-tulad ng patula na
kailangan mo pang pakaintindihin dahil napakatatalinghaga at hindi laging
naririnig ang ginagamit na mga pananalita. At kung ang patula ay
pataludturan at saknungang isinusulat ang patuluyan ng patalata. Nabibilang
dito ang maikling kuwento, nobela at sanaysay. Patanghal naman ang anyo
nito kung ito'y ipinalalabas sa tanghalan o isinasadula. Pumapailalin ito sa
dalawang naunang anyo - patula at patuluyan - dahil ang mga dayalogo ay
maaring isulat sa alinman dito. Pasalitaan o padayalogo kung ito'y ilahad at
karaniwang nahahati sa yugto na maaring iisahin, dadalawahin o tatatluhing
yugto, ang kabuuan. Ang bawat yugto ay binubuo naman ng mga tagpo.
Samakatuwid, ito ay drama o dula.