Professional Documents
Culture Documents
CN 3. 13 Pagkilatis Sa Mga Tauhan NG Kuwento
CN 3. 13 Pagkilatis Sa Mga Tauhan NG Kuwento
Ikatlong Markahan
Upang mapalitaw ang mga katangian ng tauhan, kinakailangan ang mahusay na paglalarawan. Ayon kay
Paquito Badayos (2000), ang paglalarawan ay paraan ng pagpapahayag ay naglalayong magsaad ng larawan
ng kabuuan ng isang bagay, o magbigay ng isang Biswal ng konsepto ng tao, bagay, pook o pangyayari. Higit
itong makikita sa paggamit ng mga salitang kaugnay ng pandama ng tao gaya ng paningin, pang- amoy,
panlasa, at iba pa. Ayon naman kay Clemencia Espiritu (2002), layunin ng paglalarawan na maipamalas sa
nakikinig o mambabasa ang hugis o anyo ng kabuuan ng isang tao, bagay o pangyayaring nangangailangan
ng mabuting sangkap upang makabuo nang maayos at malinaw na larawan sa imahinasyon at isipan ng
bumabasa at nakikinig.
Halimbawa:
Halimbawa:
Talagang matanda na noon si Ina. Pilak na ang kaniyang nandadalang na buhok, luyloy na ang
kalamnan ng mga braso, lumaladlad na ang mga pisngi. Ngunit sa larawang iyon ng katandaan ay
mababakas pa rin ang katatagan, at sa may kalabuan nang mga mata ay masasalamin ang
kawalang- pagsisisi sa kaniyang buhay at sa kaniyang pagiging isang ina.
III. PAGTATAYA:
GAWAIN 3.13
A. Magbigay ng 10 mahahalagang detalye ng aralin.
B. Basahin ang sumusunod na paglalarawan ng tauhan. Tukuyin kung ang nasabing paglalarawan ay
Obhektibo (o). o Subhektibo (S), Isulat ang titik ng sagot sa patlang.
________1. Nang muling mapailalim, pinilit niyang pumaibabaw at sa wakas, napailalim niya muli si Ogor. Dito
samu’t saring suntok ang pinaulan niya kay Ogor na nagpahina at nagpasuko dito. Tumayo siya at tiningnan
ang mga tao, ang mga ito’y nahihiya na sa kanya. Dito, natuklasan niya ang kakaibang lakas na taglay at
nadama ang tibay, tatag at kapangyarihan. At sa gitna ng matinding sikat ng araw, siya’y naging isang
mandirigmang sugatan na nakatindig sa napagwagihang larangan.
________2. Tinanaw ni Adong ang ininguso sa kaniya ni Aling Ebeng. Si Bruno nga, Ang malapad na
katawan, ang namumutok na mga bisig. Ang maliit na ulong pinapangit ng suot na gora.
________3. SIya ay isa sa mga pangkaraniwang guro noon. Walang sinumang nag-ukol sa kaniya ng pansin.
Mula sa kaniyang pananamit hanggang sa paraan ng pagdadala niya ng mga pananagutan sa paaralan,
walang masasabing anumang pangkaraniwang sa kaniya.
________4. Isa siya sa pinakamaliit sa klase. At isa rin sa pinakapangit. Ang bilog at pipis niyang ilong ay
lubhang kapansin- pansin at tingnan lamang iyo’y mahahabag na sa kaniya ang tumitingin. Kahit ang paraan
niya ng pagsasalita ay laban din sa kaniya. Mayroon siyang kakatuwang “punto”na nagpapakilalang siya’y
taga- ibang pook.
_______5. May isang batang mahirap. Nag- aaral siya. Sa paaralan ay kapansin- pansin ang kaniyang
pagiging walang-imik. Malimit siyang nag-iisa. Laging nasa isang sulok. Kapag nakaupo na’y tila ipinagkit.
Laging nakayuko, mailap ang mga mata, sasagot lamang kapag tinatawag ng guro. Halos paanas pa kung
magsalita.
IV. SANGGUNIAN: Jocelyn M. Collado at Richard de Leon, 2019, Bukal ng Lahi 10, Brilliant Creations
Publishing, Inc. Pahina 222-225