TEKSTONG PERSUWEYSIB

Layunin ng isang tekstong persuweysib ang manghikayat o mangumbinsi sa babasa ng teksto.

Isinusulat ang tekstong persuweysib upang mabago ang takbo ng isip ng mambabasa at makumbinsi
na ang punto ng manunulat, at hindi sa iba, ang siyang tama. Hinihikayat din nito ang mambabasa na
tanggapin ang posisyong pinaniniwalaan o ineendorso ng teksto.
Ang tekstong persuweysib ay may subhetibong tono sapagkat malayang ipinapahahayag ng
manunulat ang kanyang paniniwala at pagkiling tungkol sa isang isyung may ilang panig. Taglay nito
ang personal na opinyon at paniniwala ng may-akda. Ang ganitong uri ng teksto ay ginagamit sa mga
iskrip para sa patalastas, propaganda para sa eleksiyon, at pagrerekrut para sa isang samahan o
networking.
Inilarawan ng Griyegong pilosopo na si Aristotle ang tatlong paraan ng panghihikayat o
pangungumbinsi. Ito ay ang sumusunod:
1. Ethos- ito ay tumutukoy sa kredibilidad ng isang manunulat. Dapat makumbinsi ng isang
manunulat ang mambabasa na siya ay may malawak na kaalaman at karanasan tungkol sa
kanyang isinusulat, kung hindi ay baka hindi sila mahikayat na maniwala rito. Halimbawa
nito ay isang taong nanghihikayat ng mga turista upang bisitahin ang isang isla ng Pilipinas
gayong hindi pa siya nakapupunta rito ay maaaring maging kaduda-duda. Ang estilo ng
pagsulat ay mahalaga upang magkaroon ng kredibilidad. Ang paraan ng pagsisipi ng
sanggunian ay maaaring makatulong sa pagpapatibay ng kredibilidad. Kailangang
mapatunayan sa mga mambabasa na ang mga datos at impormasyon ay wasto at napapanahon
upang makumbinsi na ang isinulat ay tama at mapagkakatiwalaan.

2. Pathos- ito ay tumutukoy sa gamit ng emosyon o damdamin upang mahikayat ang

mambabasa. Ayon kay Aristotle, karamihan sa mga mambabasa ay madaling madala ng
kanilang emosyon. Ang halimbawa nito ay pagsasalaysay ng isang kuwentong makaaantig ng
galit o awa ay isang mabisang paraan upang mahikayat silang pumanig sa manunulat.

3. Logos- ito ay tumutukoy sa gamit ng lohika upang makumbinsi ang mambabasa. Kailangang
mapatunayan ng manunulat sa mga mambabasa na batay sa mga impormasyon at datos na
kanyang inilatag ang kanyang pananaw o punto na siyang dapat paniwalaan. Madalas
nagiging pagkakamali ng mga manunulat ang paggamit ng ad hominem fallacy, kung saan,
ang manunulat ay sumasalungat sa personalidad ng katunggali at hindi sa pinaniniwalaan
nito. Kailangang tandaan na sa paggamit ng mga paraang ito dapat isaalang-alang kung sino o
anong uri ang mga mambabasa.

TEKSTONG ARGUMENTATIBO
Sa kabilang banda, ang tekstong argumentatibo naman ay naglalayon din na kumbinsihin ang
mambabasa ngunit hindi lamang ito nakabatay sa opinyon o damdamin ng manunulat, batay ito sa
datos o impormasyong inilatag ng manunulat. Sa tatlong paraan ng pangungumbinsi ̶ ethos, pathos,
at logos, ginagamit ng tekstong argumentatibo ang logos. Upang makumbinsi ang mambabasa,
inilalahad ng may-akda ang mga argumento, katuwiran, at ebidensiya na nagpapatibay ng kanyang
posisyon o punto.

Hindi nagkakalayo ang tekstong argumentatibo at persuweysib, kapwa ito nangungumbinsi o

nanghihikayat. Gayumpaman, may pagkakaiba rin ang mga ito.
Suriin ang talahanayan sa ibaba:
 Tekstong Argumentatibo Tekstong Persuweysib
▪ Nangungumbinsi batay sa datos o ▪ Nangungumbinsi batay sa opinyon
impormasyon ▪ Nakahihikayat sa pamamagitan ng
▪ Nakahihikayat dahil sa merito ng mambabasa at pagpokus sa
mga ebidensiya kredibilidad ng may-akda
▪ Obhetibo ▪ Subhetibo
Isiping ang pagsulat ng isang tekstong argumentatibo ay parang pakikipagdebate nang pasulat
na bagama’t may isang panig na pinatutunayan at nais panindigan ay inilalatag pa rin ang mga
katwiran at ebidensiya ng kabilang panig.

Hakbang sa Pagsulat ng Tekstong Argumentatibo

1. Pumili ng paksang isusulat na angkop para sa tekstong argumentatibo.
2. Itanong sa sarili kung ano ang panig na nais mong panindigan at ano ang mga dahilan mo sa
pagpanig dito.
3. Mangalap ng ebidensiya. Ito ay ang mga impormasyon o datos na susuporta sa iyong
posisyon.
4. Gumawa ng burador (draft)
▪ Unang talata: Panimula
▪ Ikalawang talata: Kaligiran
▪ Ikatlong talata: Ebidensiyang susuporta sa posisyon. Maaaring magdagdag pa ng
talata kung maraming ebidensiya.
▪ Ikaapat na talata: Counter argument. Ilahad dito ang iyong mga lohikal na dahilan
kung bakit iyon ang iyong sinulat.
▪ Ikalimang talata: Unang kongklusyon na lalagom sa iyong sinulat.
▪ Ikaanim na talata: Ikalawang kongklusyon na sasagot sa tanong na “E ano ngayon
kung ‘yan ang iyong posisyon?”
 Tekstong Persuweysib
Paggamit ng mga hayop sa pananaliksik ng
makabagong gamot
Ang paggamit ng hayop upang subukan
ang mga bagong gamot ay lubos na
nakatulong sa modernisasyon ng gamot.
Mangilan-ngilan na lamang ang nagkakaroon
ng polio ngayon dahil sa bakunang
sinubukan sa mga hayop. Ang pagsulong ng
antibiotics, insulin, at iba pang gamot ay
naisakatuparan sa tulong ng mga
pananaliksik gamit ang mga hayop.
Nararapat lamang na ipagpatuloy ang
paggamit nito dahil walang dudang malaki
ang naitutulong nila sa pagsulong ng
industriya ng gamot.
Kung iisipin natin, hindi hamak na
matipid ang paggamit sa mga hayop sa mga
eksperimento upang makatuklas ng mga
tamang gamot sa mga sakit. Maraming
laboratory ang gumagamit ng daga upang sa
kanila subukan ang mga tinutuklas na
gamot. Hindi rin gaanong kamahal ang
magparami ng daga upang magamit sa
kanilang pananaliksik. Tunay nga namang
naisasalba ng mga hayop na ito ang buhay
ng maraming tao.
May 99 na porsiyento ng mga doktor ang
sumasang-ayon sa pagsubok ng mga gamot
sa mga hayop imbes na sa tao. Hindi nila
lubos maisip kung ilang tao ang magbubuwis
ng buhay upang malaman kung epektibo ba
ang isang gamot. Tunay nga naming
nakadudurog ng puso kung mamamatay ang
maraming tao. Hindi natin
matatawaran ang napakalaking tulong ng
mga hayop sa pananaliksik ng mga
modernong gamot na tutulong sa pagsagip
ng mga tao. Ang tungkulin natin ay
pangalagaan ang mga ito at
Tekstong Argumentatibo
Paggamit ng mga hayop sa pananaliksik ng
makabagong gamot
Ang paggamit ng hayop upang subukan
ang mga bagong gamot ay lubos na
nakatulong sa modernisasyon ng gamot.
Mangilan-ngilan na lamang ang nagkakaroon
ng polio ngayon dahil sa bakunang sinubukan
sa mga hayop. Ang pagsulong ng antibiotics,
insulin, at iba pang gamot ay naisakatuparan
sa tulong ng mga pananaliksik gamit ang mga
hayop. Sa kabila ng maraming kabutihang
naidulot ng paggamit ng hayop sa mga
ganitong klaseng pananaliksik, marami pa ring
naniniwala na hindi tama ang paggamit nito.
Kung iisipin natin, hindi hamak na
matipid ang paggamit sa mga hayop sa mga
eksperimento upang makatuklas ng mga
tamang gamot sa mga sakit. Maraming
laboratory ang gumagamit ng daga upang sa
kanila subukan ang mga tinutuklas na gamot.
Hindi rin gaanong kamahal ang magparami ng
daga upang magamit sa kanilang
pananaliksik. Ngunit maraming pumipigil sa
gawaing ito dahil hindi raw ito makatarungan
para sa mga hayop. Sila raw ay mga nilalang
na may buhay na dapat igalang, isa raw itong
pagmamalupit sa mga hayop. Subalit hindi ba
hamak na mas malupit kung ang gagamitin sa
pananaliksik ay mga bata? At hindi ba’t isang
kalupitan din kung hahayaan nating mamatay
na laman ang maraming tao dahil hindi
nalunasan ang kanilang sakit?
May 99 na porsiyento ng mga doktor ang
sumasang-ayon sa pagsubok ng mga gamot sa
mga hayop imbes na sa tao. Hindi nila lubos
maisip kung ilang tao ang magbubuwis ng
siguraduhing sulit ang kanilang sakripisyo buhay upang malaman kung epektibo ba ang
para sa ikabubuti ng sangkatauhan.
isang gamot. Tunay nga naming nakadudurog
ng puso kung mamamatay ang maraming tao.
Hindi natin matatawaran ang napakalaking
tulong ng mga hayop sa pananaliksik ng mga
modernong gamot na tutulong sa pagsagip ng
mga tao. Ang tungkulin natin ay pangalagaan
ang mga ito at siguraduhing sulit ang kanilang
sakripisyo para sa ikabubuti ng
sangkatauhan.