ESP4 YUNIT2 ARALIN5:

KAPUWA KO, NANDITO AKO!

MARLON C. LAUS
Bularit Elementary School
Gerona South District
Division of Tarlac Province
 Nabubuhay ang tao
hindi lamang para sa
kaniyang sarili kundi
para sa kaniyang
kapuwa. Mahirap man o
mayaman, may
kakayahan ang tao na
tumulong sa mga
nangangailangan.
 ALAMIN NATIN

Kuwento ni Paola.

Ako si Paola. Galing ako sa

Mindanao. Lumipat kami sa inyong
pook sapagkat isa ang pamilya
namin sa nakaranas ng maraming
kalamidad. Ang iba’y gawa ng tao
at ang iba nama’y dahil sa bangis
ng kalikasan. Ito ang larawan ng
karanasan ng aming pamilya.
Kaguluhan sa Mindanao Pamilya na nakatira sa ilalim
ng tulay
 Ang nasa unang larawan ay
nangyari noong bata pa ako. Sabi ni
Inay, dalawang taon pa lamang
daw ako nang mangyari ito.
Nalaman ko ito dahil ikinuwento nila.
Napakarami raw ng naapektuhan
ng gulong ito sa Mindanao.
Subalit ang gulo sa aming bayan
ay nagpaulit-ulit. Noong
nakaraang taon ay muling
sumiklab ang kaguluhan at
nadamay pati ang aming
paaralan. Nasunog ito kasama ng
iba pang mga bahay at gusali.
Ang aming mga klase ay
pansamantalang ginagawa
sa mga dampa habang
itinatayong muli ng
pamahalaan ang aming silid-
aralan.
 Sapagkat wala na rin kaming
bahay na matitirahan kaya’t
napilitan kaming lumipat dito
upang makaiwas sa kaguluhan at
makapagpatuloy kaming
magkapatid ng aming pag-aaral.
Dahil wala kaming bahay,
natutulog kami sa ilalim ng tulay
kasama ang iba pang biktima ng
iba’t ibang kalamidad. Naglalatag
kami ng karton at banig sa aming
kariton. Nagtitiis kaming mabasa
kapag umuulan.
Upang matustusan ang aming
pagkain sa araw-araw,
nangongolekta ng bote at plastik
ang aking mga magulang mula sa
mga tambak ng basura. Ibinibenta
nila ito sa junk shop upang may
maibili ng bigas at ulam.
Nag-aaral akong mabuti sapagkat nais
kong matupad ang aking mga pangarap sa
buhay. Nais ko ding makatulong sa aking
mga magulang. Kapag walang pasok,
nagtitinda ako ng mga basahan sa kalye.
Nag-iingat naman ako sapagkat iyon ang
laging bilin sa akin ng aking mga magulang.
Naniniwala ako na
pagpapalain din kami ng
Diyos sapagkat nagsisikap
kami at naghahangad ng
mabuti para sa aming
kapuwa. Ipinagdarasal ko
rin na sana magkaroon
ako ng mga kaibigan dito.
Matapos mong marinig ang kuwento ni Paola, ano
ang nais mong itanong sa kaniya?
1.
2.
3.
4.
5.
1. Ano ang iyong naramdaman habang tinitingnan
ang mga larawan? Naawa ka ba sa kanila? Bakit?
Ano ang maaari mong gawin para sa mga katulad
ni Paola?
2. Kung isa ka sa kanila, ano ang iyong
mararamdaman? Kanino ka lalapit at hihingi ng
tulong?
Ang aking plano upang
matulungan si Paola.
 ISAGAWA NATIN
Gawain 1
Basahin ang diyalogo nina
Marla at Rolan.
Rolan, binabati kita. Salamat Marla. Maganda rin
Pinuri ni Gng. Rosales naman ang plano mo. Siguro
ang iyong ginawang may nakalimutan ka lang
plano ng pagtulong sa isulat kaya may mga punang
mga nakatira sa ilalim ng hindi maganda.
tulay.
Naisip ko rin iyon, marami
pa ang kulang sa aking
plano kaya kailangan ko
pang baguhin at ayusin.
Kapag nagawa ko na nang
higit na maganda, ipakikita
ko ulit sa inyo. Paano ka nga
ba tutulong kina Paola?
Susulatan ko ang mga ahensiya ng
pamahalaan tulad ng Department
of Social Welfare and Development
(DSWD). Di ba may napag-aralan
tayo tungkol sa programa nilang
"Pantawid Pamilyang Pilipino
Program (4Ps)?" May mga kaklase
nga tayo na kasali roon.
 Alam mo, hindi lang naman sila
ang nangangailangan ng tulong.
Ang galing mo naman, Rolan.
Napakarami pa nating
Naisip mo silang ilapit sa DSWD
kababayan na talagang
para maisali sa 4Ps. Ito iyong
nakakaawa ang kalagayan,
programa ng pamahalaan na
tulad ng mga nabiktima ng
tumutulong sa mahihirap.
kalamidad sa Tacloban, lindol sa
Bohol, at madalas ding may
nasusunugan.

Pero marami naman ang
nagpapadala ng tulong mula sa
ibang bansa, di ba? Napanood
ko nga sa telebisyon, marami
ang nanggagaling sa
malalaking kompanya at
mayayamang tao.
Marami nga pero mas kailangan
ng ating mga kababayan ang
dadamay sa kanila nang may
pagmamahal. Hindi lang basta
nagpapadala ng mga pagkain.
Kailangang nararamdaman natin
ang kanilang paghihirap at dapat
bukal sa loob ang ating
pagbibigay.
Bilib na talaga ako sa iyo. Pero
sabi ni Inay, mayroon daw
umaabuso. Iyon bang umaasa na
lang sa ibibigay ng kapuwa, hindi
na naghahanapbuhay. Dapat
pala, alam natin kung sino talaga
ang dapat tulungan.
Oo nga. Hindi bale,
tatalakayin pa naman
natin ang tungkol sa
pagtulong sa mga
darating na araw.
Gawain 2
1. Maglaro tayo ng "Regalo’t Hagdan." Bumuo ng apat na
pangkat at sundin ang panuto ng laro.
2. Pumunta sa iyong pangkat.
3. Bawat miyembro ay bibigyan ng isang pirasong papel na
hugis bilog. Ito ang magsisilbing butil mo sa paglalakbay sa
"Regalo’t Hagdan."
4. Gamit ang dice, ihahagis ito ng bawat miyembro pataas
upang malaman kung pang-ilan siya sa pila ng mga aakyat
sa "Regalo’t Hagdan.“
5. Basahin ang nasa kahon. Ayon sa iyong sagot maaari ka
na namang umakyat sa ibang kahon.
6. Ang lider ng bawat pangkat ang magsasabi kung saang
kahon ka makakapunta ayon sa iyong sagot.
7. Ulitin ang paghagis ng dice kapag lahat ng miyembro ay
nakaakyat na para sa susunod na bilang at pila ng pag-
akyat.
8. Ang mag-aaral na unang makaakyat sa kahon bilang 25
ang siyang mananalo.
MAPA NG "REGALO’T HAGDAN"
21 22 23 24 25
Walang aalalay Kailangang Paano Kahanga-hanga
sa lola na tatawid tumulong sa maipakikita ang ka! Ipagpatuloy
sa kalye. Ano nangangailangan pagiging bukas- ang pagiging,
ang gagawin palad? matapat, totoo,
mo? at bukas-palad!

20 19May 18 17 16
Kailan maaaring maitutulong Sori, kailangang Sa bahay ninyo
ipakita ang ka ba sa mga bumalik ka sa iniimbak ang
pagiging nasalanta ng kahon 11 relief goods para
bukaspalad? bagyo? sa nasalanta ng
bagyo. May
nagustuhan kang
laruan sa mga ito.
Ano ang
gagawin mo?
11 12 13 14 15
Ano ang Sori, kailangang Maaari kang
gagawin mo sa bumalik ka sa umakyat sa
natirang baon? kahon 6 kahon 23
Bakit ito ang
gagawin mo?
10 9 8 7 6
Magbigay ng Kanino ka dapat May outreach
isang bagay na tumulong? Program ang
kaya mong iyong
ibahagi sa mga Paaralan para sa
nasunugan. mga
nasunugan.Alin
sa iyong
Mahalagang
mga gamit
ang kaya mong
ibigay
1 2 3 4 5
Maaari kang Paano mo May batang Magbigay ng Ano ang
umakyat sa matutulungan walang pagkain isang bagay gagawin mo
kahon 6 ang sa oras ng na kaya kapag may
isang tinderang meryenda at mong gawin batang nadapa
nakita mong nasa isang para sa mga sa kalye?
kinukupitan ng sulok lang. Ano nasalanta ng
mga paninda ng ang gagawin bagyo
isang bata? mo?
Pagnilayan at sagutin.

1. Ano ang naramdaman mo habang naglalaro ng

"Regalo’t Hagdan?" Nasiyahan ka ba? Ipaliwanag
ang sagot.
2. May napulot ka bang magandang aral sa larong
ito? Ibahagi sa klase.
 ISAPUSO NATIN

Gumawa ng sulat sa isang ahensiya ng pamahalaan

na nais mong hingan ng tulong para sa mga katulad
ni Paola. Banggitin mo sa iyong sulat kung bakit nais
mo silang matulungan ng pamahalaan.
 TANDAAN NATIN
Lahat ng tao ay may pangangailangan. Walang tao na
nasa kaniya na ang lahat. Ang mahihirap ay hindi
nangangahulugang wala na silang maibibigay o
maitutulong sa ibang tao at mga kaibigan. Wala ring taong
sobrang yaman na hindi na mangangailangan ng tulong ng
iba.
Ang pagiging bukas-palad ay pagbibigay ng kung ano
ang mayroon ka nang bukal sa kalooban.
Ang mga munting regalo na kayang ibigay, tulad ng
pagtulong sa pag-akyat ng hagdan, ay isang kaginhawaan.
Lahat ay magiging masaya at walang maiiwan.
 TANDAAN NATIN
Ang mga gawa ni Mother
Theresa, isang Santa mula sa
Calcutta India, noong siya
ay buhay pa ay likas na
pagiging bukas-palad.
 TANDAAN NATIN
Hanggang sa huling mga sandali ng kaniyang buhay ay
tumulong siya sa mga may sakit at wala siyang inasahang
kapalit. Hindi kayamanan ang ibinahagi niya kundi ang
kaniyang oras, serbisyo, at pagmamahal, na maluwag sa
kaniyang puso. Ang kaniyang mga gawain ay nagsilbing
inspirasyon sa maraming tao upang maging bukas-palad
din sa pakikisalamuha sa kanilang kapuwa.
 TANDAAN NATIN
Ibahagi sa iba ang biyayang mayroon ka na maluwag sa
damdamin at walang inaasahang kapalit. Lubos na
kasiyahan ang maidudulot nito sa iyo. Kapag tapat at totoo
ang damdamin sa pagbibigay o pagbabahagi, tiyak na
pagpapalain ka ng Maykapal at mapasasaya mo ang iyong
kapuwa.
 ISABUHAY NATIN
Muling balikan ang ginawa ninyong plano sa pagtulong kay
Paola at sa iba pang batang natutulog sa ilalim ng tulay.
Pag-usapan ang maaaring maging sagot ng Department of
Social Welfare and Development (DSWD) sa inyong liham.
Maglikom ng mga tulong na maaaring ipadala sa mga
naging biktima ng kalamidad at sa mga tunay na
nangangailangan ng inyong tulong. Ilagay sa gift box ang
inyong mga ibibigay upang madala ito sa susunod na
buwan. Kasama ng materyal na tulong, padalhan din sila ng
card at sulat upang ipadama mo sa kanila ang iyong
pagmamahal .
 SUBUKIN NATIN
Basahin ang sitwasyon at sabihin kung anong damdamin
mayroon sa sumusunod na uri ng pagbibigay:

A. Napipilitan lamang magbigay

B. Nagbigay nang bukal sa kalooban
C. Nakikigaya sa ibang mga nagbibigay
D. Nagbigay dahil nasa batas ng kanilang samahan
E. Nagbigay dahil hindi na niya kailangan ang ipinamigay
 1. May dumating na donasyon galing sa bansang Japan
para sa mga biktima ng lindol. Ang nais ng mga Hapones ay
sila ang mag-aabot sa mga biktima sapagkat may listahan
sila ng bilang at pangalan ng mga bibigyan.
2. Isang grupo ng mga kabataan ang nangalap ng
pagkain, gamot, damit, at higaan para sa mga biktima.
Nagpunta sila sa evacuation center upang makausap ang
mga inilikas na biktima. Nararamdaman nila ang pagdurusa
ng mga bata kaya’t magkakaroon pa sila ng susunod na
pagdalaw sa mga ito.
 3. Nakita ng mayaman mong kapitbahay na marami ang
nagdadala ng relief goods sa covered court ng barangay.
May inilikas na mga nasunugan at walang nailigtas na gamit
ang mga ito. Inutusan niya ang kaniyang kasambahay na
ilabas ang mga damit na hindi na nasusuot at ang mga de-
latang malapit nang masira.
4. Nagbigay ng isang sakong bigas ang pamilya ni Mang
Oca sa mga biktima ng bagyo. Nalaman ito ng kanilang
kapitbahay kaya nagpadala rin sila ng dalawang sakong
bigas at mga damit.
 5. Ang pag-aaral mo at ng iba mo pang kaklase ay
sinusuportahan ng isang samahang nagkakawanggawa sa
mga mahihirap na may kasipagan at kakayahang mag-aral.
Ipinadadala sa inyong paaralan ng samahang ito ang mga
kailangan ninyo sa pag-aaral.
Ngayon ay alam mo na kung
paano maging bukas-palad
sa pagbibigay ng tulong.
Pagyamanin mo ito at
ipagpatuloy ang mabuting
gawi. Isa kang huwarang
mag-aaral na dapat tularan.