Noong nasira ang eroplano ng isang piloto sa gitna disyerto, hindi
niya inaasahan na may isang mausisang at munting prinsipe ang lalapit sa kanyang harapan. Berde ang kanyang suot, dilaw ang kanyang buhok pati rin ang bandanang nakabalot sa kanyang leeg. Hiniling ng prinsipe na gumuhit siya ng isang tupa at sumang-ayon naman ang piloto. Sa pagkaguhit niya ng tupa ng ilang beses dahil sa ‘di pagsang-ayon ng prinsipe, magsisimula ang kamangha-manghang na kuwento tungkol sa kalungkutan, pagkakaibigan, at pag-ibig.
Mula sa isang maliit na planeta na tinitirahan ng prinsipe,
maipakita ang kanyang paglakbay sa kalawakan upang maghanap ng kaliwanagan sa kanyang buhay bilang binata. Dito, mabubuhayan muli ang pagiging bata ng mga mambabasa dahil sa mga iba’t ibang karanasan ng munting prinsipe bago siya nakarating sa disyerto kasama ng piloto. Mabubuksan nang husto ang kanilang mga isipan, sapagkat, dito malalaman na tanging puso pala ang makakakita ng malinaw at totoo; kung ano ang mahalaga ay hindi nakikita sa paningin lamang.