Дестилацијата е широко користен метод за одвојување смеси врз

основа на разлики во условите што се потребни за промена на

агрегатната состојба на компонентите на смесата.
За да се оддели смеса од течности, течноста може да се загрее
за да ги принуди компонентите ( кои имаат различни точки на вриење)
да преминат во гасовита агрегатна состојба. Потоа гасот кондензира
назад во течна состојба и се собира.
Дестилацијата најчесто се применува кај течности, меѓутоа
обратен процес може да се искористи за да се одделат гасовите со
втечнување на компонентите користејќи промени во температурата
или притисокот.
Најраните познати докази за примена на дестилација
потекнуваат од апарат за дестилација од теракота, кој датира од 3000
година п.н.е. во долината Инд во Пакистан. Првично, се верувало дека
таа се користела за правење парфеми. Дестилација на пијалоци се
случила многу подоцна кога арапскиот хемичар Ал-Кинди дестилирал
алкохол во Ирак од 9 век.
Дестилацијата исто така се користи за многу комерцијални
процеси, како што се производство на бензин, дестилирана вода,
алкохол, парафин, керозин и многу други течности.
Постојат два вида дестилација: едноставна дестилација и
фракциона дестилација.
Едноставна дестилација може да се користи кога точките на
вриење на две течности се значително различни едни од други или за
одвојување на течности од цврсти или непостојани компоненти. При
едноставна дестилација, смесата се загрева за да ја смени
најнестабилната компонента од течност во пареа. Пареата се крева и
поминува во кондензатор. Обично, кондензаторот се лади и настанува
кондензација на пареата, која потоа се собира.
Фракционата дестилација се користи кога станува збор за повеќе
од две течности кои се во смеса или точките на вриење на
компонентите на смесата се блиску една до друга. При фракциона
дестилација, смесата се загрева така што пареата се крева и влегува
во нумериран стаклен сад (колоната за фракционирање). Топлината
на растечката пареа предизвикува оваа течност повторно да испари,
поместувајќи ја по колоната и на крајот давајќи примерок со повисока
чистота на испарената компонента од смесата.
Па така на пример кога би требало да одделиме алкохол од вода
ние би ја користеле постапката на фракциона дестилација. Ова се
прави со загревање на алкохолната смеса на 78.37 С (точка на
испарување на алкохолот) при што доаѓа до испарување на алкохолот
и негово одделување од водата.