Professional Documents
Culture Documents
Wengi ieu urang sadaya kempel di ieu masjid, dina kajadian anu jarang kaalaman,
pikeun nohonan sakumaha anu diparentahkeun ku Rosululloh SAW nyaeta sholat sunat
diteraskeun ku Khutbah samagaha. Mangrupa hiji diantara seueurna kaagungan Alloh SWT anu
ditingalikeun ngalangkungan kajadian aheng, pikeun jadi pelajaran keur urang sadaya. Yen
sadaya anu kumelendang di ieu alam kalebet bulan, bintang panonpoe anu rokaha, aya anu
pangaturan Dzat Alloh SWT.
Urang sadaya kacida leutikna upama disandingkeun sareng makhluk sejen, komo sareng
bulan atawa panonpoe, estuning taya hargana. Kusabab kitu naon atuh anu rek dipikaagul ku
manusa. Dalah sasatoan saperti gajah, maung, jarapah, badak jeung sajabana, anu kacida kuatna.
Moal bisa ditandingan lamun seug dilawan ku kakuatan badan jasmaniah urang. Namung Alloh
SWT maparinkeun ka urang sadaya akal jeung pikiran, pikeun bisa ngatur sarta nyuburkeun ieu
alam, lain keur ngaruksak jeung ngagunasika. Kumargi sakitu, ngagunakeun akal jeung pikiran
kana jalan anu pimaslahateun estuning diparentahkeun ku Alloh SWT pikeun ngokolakeun ieu
alam akur sareng kahoyong anu nyiptakeunana, nyaeta Alloh SWT. Muga-muga urang sadaya
sing kagolongkeun jalma-jalma anu syukur ni’mat, ditebihkeun tina golongan jalma-jalma anu
kufur ni’mat.
Hadirin Rohimakumulloh !
Dina kapercayaan urang Cina baheula, Samagaha teh nyaeta lantaran sato Naga langit
ngagolontorkeun getihna ka walungan tuluy diteleg. Matak dina basa Cina disebatna “Chih” anu
hartina ngadahar. Dina kapercayaan urang Jepang Samagaha teh lantaran aya racun anu
diawurkeun ka dunja. Matak jalma-jalma nutupan sumur-sumur ngarah teu karacunan. Di
Indonesia baheula aya kapercayaan di daerah Jawa, lantaran aya Batara Kala atawa buta jahat
anu ngadahar bulan. Mangka tuluy sok rame-rame nakolan kohkol jeung nu sejena dina waktu
samagaha pikeun nyingsieunan jeung ngusir Batara Kala. Dina kapercayaan urang Arab
Jahiliyah Samagaha teh sok disangkut pautkeun jeung kajadian anu tumiba saperti aya nu maot
atawa aya nu lahiran. Kapercayaan ieu teh terus nerekab, jadi kayakinan dina jaman harita.
Nyakitu deui waktos putra kangjeng Rosululloh SAW anu jenenganana Ibrohim ti ibuna
Mariya Al-Qibtiya pupus nalika bayi. Kaleresan harita kajantenan samagaha. Nepi ka urang
Jahilityah nyebutkeun eta samagaha teh lantaran Ibrahim putra Rosululloh pupus. Nya waktos
harita Rosululloh SAW ngadawuh:
ِا
َ ِ فَِإذَا َرأَيْ تُ ْم َٰذل، ت اَ َح ٍد َوََل ِْلَيَاتِِه
ك ؛ فَا ِ ان لِمو
ِ ِ ِ ِ ان ِمن
ْ َ آَّيت هللا ََل يَ ْن َخس َف
ِ
َ ْ َس َواْل َق َم َر آيَت
َ م
ْ َّ
الش َّ
ن
Pidawuh Rosululloh SAW eta, netelakeun yen kajadian samagaha teh estuning kajadian
alamiah anu teu aya kaitanana jeung kalahiran age maotna hiji jalma, boh ti kaom terhormat
atawa ti kaom cacah (lemah). Oge teu aya kaitanana jeung kajadian-kajadian tahayul nu
sumebar di masyarakar awam jaman baheula. Tapi samagaha teh mangrupa tanda kakawasaan
Alloh SWT, anu ngatur alam pawenangan. Kalayan hiji kajadian ku ayana bulan teu tiasa
katingali kahalangan ku panonpoe, lantaran dina waktu-waktu anu tangtu kaayaanana sajajar,
lempeng ngahalangan kana cahaya bulan, disebatna samagaha bulan. Anapon nalika sajajar dina
waktu beurang, nepi ka cahaya paonpoe kahalangan ku bulan, mangka disebatna Samagaha
panonpoe. Pikeun tapakuraneun umat manusa yen Alloh SWT Dzat anu Maha ngatur. keur
jalma-jalma nu ariman kajadian ieu teh matak ningkatkeun kayakinan, mageuhan kaimanan yen
Alloh SWT Maha Kawasa kana sagala urusan.
“aya opat ucapan anu paling dipikaresep ku Alloh SWT, nyaeta: Subhanalloh, alhamdulillah, laa
ilaaha illalloh, Allohu akbar. Moal dosa keur anjeun milih kalimat nu mana wae “ HR. Muslim)
“Hiji pameget sumping ka Rosululloh SAW, lajeng tumaros: ...Ya Rosulalloh sodaqoh
naon nu paling seueur ganjaranana ? Rosululloh SAW ngawaler: “anjeun sodaqoh nalika anjeun
dina kaayaan sehat jeung pedit, sieun jadi fakir jeung boga angen-angen hayang jadi jalma
beunghar. Mangka anjeun ulah ngengke-ngengke nepi ka datang waktuna nyawa aya dina tikoro
anjeun. Terus anjeun ngomong si anu kieu si anu kitu. Padahal harta teh milik si anu”. (HR
Bukhori).
Naon rupi kaayaan ieu alam kalebet ayana samagaha bulan dina ieu wengi, sadayana
kalayan aturan Alloh SWT mugi dijantenkeun ibroh kanggo urang. Yen hirup, maot, usik,
malik... aya dina pangriksa sareng pangyuga Mantena. Mudah-mudahan urang sadaya janten
jalma anu mibanda akhlakul karimah pikeun bekel jaga di yaumil akhir.
Muga-muga Alloh ngahapunten kana dosa urang sadayana, maparin kasalametan sareng
kasehatan boh lahir kitu deui batin. Dijembarkeun dina rizkina supaya tiasa langgeng sodakoh,
Oge mugia urang sadaya tiasa teras ningkatkeun kaimanan sareng kataqwaan.
Khutbah II: