Iba’t Ibang Sitwasyong Pangwika sa Bansa

Sitwasyong Pangwika Blg. 1

Wikang Filipino, Anong Pagkakaiba sa Wikang Pilipino at Tagalog?

Ang Wikang Tagalog

-ang wikang ito ay ginagamit sa Bulacan, Batangas, Rizal, Laguna, Quezon, Cavite, Mindoro, Marinduque, at ilang
parte ng Nueva Ecija, Puerto Princesa at Metro Manila.

-Tinagurian itong “Wikang natural” dahil sa ito ay may sariling mga katutubong tagapagsalita, gayundin ito ay
partikular na wikang ginagamit sa etnolingguwistikong pangkat.

-Malaki ang gampanin sa edukasyon at pagkakaroon ng Wikang Pambansa noong Disyembre 31, 1937, alinsunod
sa Executuve Order No. 134 bilang batayang wika.

Ang Wikang Pilipino

-ang tawag sa pambansag wika noong 1943 na nakabatay sa Tagalog.

-tinawag na wikang opisyal at wikang pampagtuturo at asignatura o sabjek sa wikang pambansa nang ipasa ang
Department Order No. 7 ng kagawaran ng Edukasyon.

-Nahinto lamang ito nang pagtibayin ang Filipino bilang wikang pambansa ayon sa Konstitusyon ng 1987.

Ang Wikang Filipino

-naging wikang pambansa alinsunod sa Konstistusyon ng 1987.

-binatay ito sa maraming wika sa Pilipinas gayundin sa Ingles at Kastila.

-nilinang gamit ang first language o unang dila na tinawag na MTB-MLE ( Mother Tongue Based-Multilinggual
Education) ayon sa isinasaad sa Republic Act 10533 alinsunod sa naunag DepEd Order no. 74 s. 2009 na
nilagdaan ng dating Sec. Jesli Lapus na sinundan ni Sec. Bro. Armin Luistro.

Suliraning kinakaharap ng Wikang Filipino

Tagalog Imperialism

-mas pinipili nating gamitin ang salitang “Taglaog” sa pagtawag sa ating wika..

-ginagamit ito sa text, sa telebisyon at tipikal itong ginagamit ng mga turista o dayuhan.

Halimbawa:

“Marunong ka bang mag-Tagalog?”

“Can you speak Tagalog?”

 * Tagalog kasi ito ang wika ng Metro Manila na sentro ng Pilipinas.

Wikang Filipino bilang Lingua Franca

-konsepto ng Filipino bilang batayan sa mga wika ng Pilipinas o bilang Linuga Franca nito.

-nabubuo ang barayti dahil sa interference o paghalo ng mga unang wika ng mga tagapagsalita.

Halimbawa:

“Lumakad na siya papuntang Luneta” (Naglakad na siya papuntang Luneta)

-Kung ipagpipilitan natin ang nakaugaliang balarilang nabuo ni Lope K. Santos, isa tayong purista at hindi tayo
makalagpas sa anino ng kahapon at maiiwan tayo sa modernisasyon ng wika sa buong mundo.

Sitwasyong Pangwika Blg. 2

Ang Filipino Bilang Intelektwalisado at Estandardisadong Wika

Ang Intelektwalisasyon ng Wikang Filipino

- Ito ay proseso upang ang isang wikang di pa intelektuwalisado nang sa gayo’y mabisang magamit sa mga
sopistikadong lawak ng karunungan.

- Sa kalahatan, mabisa ang wikang intelektuwalisado hindi lamang bilang wika ng tahanan, wika ng
lansangan, wika ng malikhaing panitikan, kundi bilang wika rin ng agham, ng teknolohiya at ng iba pang
tenikal at maitaas na antas ng karunungan. Ayon kay Magdalena Jocson, isang propesor ng wika.

Suliranin ng Intelektuwalisadong Filipino

• Wika mismo ang suliranin, sapagkat may malaking kahulugan sa mga katawagang teknikal at iba pang
salitang kailangan sa mga paksang intelektuwal tulad ng edukasyon, abogasya, at marami pang iba.

• Pagkakaniya-kaniya at pagkakawatak-watak ng kaisipan at paniniwala ng masusugid na tagapagtaguyod

ng wika

• Kakulangan ng mga salita o katawagan kailangan sa mga intelektuwalisadong paksa

• Suliranin sa ortograpiya

Paraan ng Pag-iintelektuwalisasyon ng Filipino

• Dapat nang isagawa sa pamamagitan ng batas ang sapilitang pagpapagamit ng Filipino sa lahat ng lawak
ng antas ng karunungan sapagkat ito ay matatamo lamang sa pamamagitan ng aktuwal na paggamit ng
wika
 • Dapat ay magsimula sa mga taong may mataas na tungkulin sa pamahalaan ang angkop na paggamit ng
wika, pababa sa masa.

• Maaari rin namang mula sa masa patungo sa mga taong mataas na tungkulin sa pamahalaan ang maayos
na pagtangkilik ng wika.

• Simulan ang intelektuwalisasyon sa mga lawak na ang gamit ng wika ay masasabing intelektuwalisado
na.

• Magsimula mula sa itaas-pababa.Ito ay proposal ni Joshua Fisherman, isang amerikanong lingguwista.

Naniniwala rin si Bonifacio Sibayan, isang lingguwista, na simulan ito sa antas tersyarya pababa sa
sekondarya hanggang elementarya.

• Ayon naman sa Kagawaran ng Edukasyon, magsimula sa mababang antas patungo sa mataas na antas.
Mula sa elementarya, sekondarya, tungo sa tersarya.

• Magsimula sa lahat ng antas sapagkat dapat lamang na magkaroon ng kaniya-kaniyang uri ng

intelektuwalisasyon sa lahat ng antas.

• Kailangan linangin nang husto ang iba’t ibang paraan at estratehiya ng intelektuwalisayon sa lahat ng
antas ng leksikon sapagkat narito ang pinakamalubhang problema tulad ng paglikha ng mga salita sa
maugnaying paraan.

• Pagbubuo ng mga paraan ng panghihuram lalo na sa mga katawagang siyentipiko at teknikal. Ito ay ayon
kay Alfonso Santiago, isang gramatista.

• Pagpapalutang ng mga katutubong salitang sinasapol sa mga konseptong pinag-aralan.

Ang Estandardisadyon ng Wikang Filipino

-ayon sa pananaliksik na ginawa sa aklat ni Magdalena Jocson, Hipolito Rozul, at Dennis Mangubat, mga
propesor, ang Filipino bilang wikang oambansa ng Pilipinas ang patuloy na pinauunlad at pinakaganap sa buong
bansa.

Ang estandardisasyon ayon kay Perez (1980) ay isang paraan o proseso kung paano maaaring tanggapin at
gamitin ng nakararaming taong gumagamit ng wika ang isang tiyak na talaan ng mga talasalitaan o bokabularyo
sa isang tiyak na disiplina ng karunungan.

Kailangan ng estandardisasyon dahil ang wikang buhay tulad ng Filipino ay hindi namamalagi sa kakanyahan
nito, nagbabago dahil sa pag-unlad at pagyaman sa pamamagitan ng mga salitang nagmumula sa Ingles, Tsino,
Indian, Hapon, Rusian, Italian, at iba pang wikang nakakatagpo nito.