4-2 Philippine Ethnic Histories Prof. Alvin Pingul
SINTESIS 4
Ang tatlong librong na ipinresenta noong nakaraang linggo ay tumatalakay sa
kasaysayan ng etnolinggwistikong grupo ng Bikol at Mindoro. Sa sintesis na ito, makikita kung paano tinalakay ang kasaysayan ng mga katutubo sa rehiyon ng Bikol at Mindoro sa magkaibang paraan, at kung paano nakaapekto ang iba’t-ibang hamon sa mga katutubo sa pag-unlad ng mga pamayanan.
Ang unang librong tumatalakay sa kasaysayan ng Bikol ay pinamagatang
Archaeology and Emerging Kabikolan ni Andrea Malaya Ragragio. Sa akdang ito, binigyang pokus kung paano ginamit ang arkeolohiya sa pagbuo ng identidad ng Kabikolan. Dito tinatalakay ang iba't ibang mga archaeological site, relikya, at kultural na kasanayan na humubog sa pagkakakilanlan ng rehiyon. Malaki ang ambag ng arkeolohiya sa kasaysayan ng Bikol dahil sa paraan na ito ibinunyag ang mga nangyari sa nakaraan ng rehiyon. Ilang halimbawa ay ang paggamit sa paghuhukay, paraan ng paglalagay ng petsa, at pagsusuri ng mga relikya. Ang mga lokal na komunidad sa rehiyon ay may pakikilahok sa pag-aaral ng arkeolohiya at kasama nito, ito ay humarap sa iba't ibang hamon tulad ng pagnanakaw, urbanisasyon, at pagbabago ng klima. Binibigyang-diin nito ang pangangailangan para sa matalinong mga patakaran upang mapanatili ang mga arkeolohikal at kultural na mga pook sa rehiyon. Kung sa akdang ito ay binigyang diin ang arkeolohiya, gumamit naman ng topograpiya si Mariano Goyena Del Prado sa pag-ungkat ng kasaysayan ng Bikol sa librong Ibalon: Ethnohistory of Bikol Region. Tinalakay niya ang kasaysayan ng mga katutubo sa rehiyon gamit ang mga pisikal na katangian nito. Isinalaysay niya ang kasaysayan mula sa prekolonyal na panahon hanggang sa matapos ito at paano nakaapekto ang kolonyalismo tulad ng pagbabago sa ilang mga pangalan ng ilang bayan. Binigyang pokus din ng may akda ang pagpapahalaga sa kultural na pamana ng rehiyon at tinalakay rin ang pinagmulan at pundasyon ng mga pangalan ng bayan, tradisyon, at paniniwala, halimbawa na rito ay ang makasaysayang pinagmulan ng “Albay” at “Ibalon”. Sa akda namang The Mangyans of Mindoro: An Ethnohistory na isinulat ni Violeta Lopez-Gonzaga, tinalakay ang kasaysayan ng Mindoro at ang mga komunidad na nabibilang dito. Kolektibong tinatawag na Mangyan ang mga katutubo na namamalagi rito. Inilahad ng awtor ang kasaysayan mula sa prekolonyal na panahon at ang kolonyalismo g mga Espanyol at Amerikano na humantong sa diskriminasyon sa pagitan ng mga Mangyan at Tagalog dahil sa mababang pagtingin sa mga katutubo ng Mindoro. Sa paglaganap ng Kristiyanismo sa rehiyon, umusbong ang mga pang- aalipin sa katutubo at sistema ng encomienda na naging isa sa mga hamon na kinaharap ng mga katutubo. Bagamat nagtuon ang tatlong libro sa iba't ibang aspeto, kapwa nagtataglay ang mga akda ng diwa ng pangangalaga sa kasaysayan at kultura ng bawat rehiyon.