PAGBASA: ARALIN 6
PAGBUO NG BURADOR
➢ Kilala sa tawag na draft, ang burador.
➢ Malimit itong gamitin lalo pa kung hindi Filipino
ang asignatura.
➢ Ito’y paraan ng pagbabalangkas kung saan hindi
pinal at maaring magbago kapag ito ay isinusulat
mo na.
➢ Sa pagbuo ng draft o burador ay kailangang may
sapat ka nang kaalaman sa pananaliksik na iyong
gagawin.
➢ Mas magiging tuloy-tuloy ang pagdaloy ng mga
kaisipan kung sapat na ang mga datos at tala na
mayroon ka.
➢ Ito rin ang magsisilbing overview mo kung may
nakaligtaang detalye ka sa iyong pananaliksik, kaya
mainam na magkaroon ng pagtatala ng iyong mga
puna, karagdagang impormasyon at mga
mapananaligang datos na magagamit mo sa pag-
aaral.
➢ Ang burador ay maaring pasulat o kaya ay
ginagamitan ng kompyuter.
➢ Sa panahon ngayon ay mas mainam ang paggamit
ng kompyuter sa pagsususulat dahil maari mo na
itong maiimbak at mabuksan anumang oras mo
gustuhin.
PANUNTUNAN SA PAGBUO NG DRAFT/ BURADOR
1. Layunin
→ Sa pagbuo ng pananaliksik ay mainam na
matukoy simula pa lang kung ano ba talaga
ang dahilan kung bakit mo isasagawa ang
nasabing pag aaral.
→ Laging isipin kung ano ba ang gusto mong
malaman o matutuhan sa pananaliksik.
→ Sunod ay ang gusto mong matuklasan
kung bakit mo isasagawa ang pananaliksik,
ano nga ba ang nais mong makalap upang
ito’y maibahagi sa iba.
→ Gawing payak, impormatibo at matapat
ang paglalahad ng anumang impomasyong
iyong nakalap.
2. Prinsipyo ng Pagsulat
→ Kinakailangang malinaw ang
pagbabalangkas ng mga ideya na iyong
gagawin.
→ Iwasang gumamit ng mga maligoy na salita
sa paghahabi ng mga ideya, huwag
kaligtaang banggitin ang mga pinagkunang
sipi lalo pa’t ito’y sulating teknikal.
→ Gawing masigla ngunit direkta ang
paglalahad ng mga kaisipan upang ito’y
makapukaw sa interes ng mambabasa.
1|jae
→ Mahalaga rin ang paggamit ng mga angkop
na salita sa lalong madaling pag-unawa ng
mga mamababasa.
3. Tinig sa Pagsulat
→ Sa pagsulat ng pananaliksik, ang mga
pinagkunan mo ng datos ay tulay lamang.
→ Ikaw ang nagsasalita kung kaya’t gawin
itong malinaw at masigla.
→ Gamitin ang sariling tinig sa pagsusulat,
maging malinaw upang lubos na
maunawaan.
4. Pagtatala
→ Gawing payak at malinaw ang pagtatala.
→ Magsisilbing gabay ito sa pag-aaral mo at
hindi para gawing malabo para sa
mambabasa.
→ Isaayos ang mga tala sa notecard upang
ito’y magamit mo nang maayos at maging
puntos ang mga ideya sa paksa.
→ Maari kang magbigay ng karagdagang
halimbawa upang maging malinaw ang
paglalahad.
5. Sanggunian
→ Mainam sa pananaliksik ang pagkakaroon
ng maraming sanggunian.
→ Ang isa o dalawang sanggunian ay
maituturing na isang kakulangan sa
pagbuo ng pananaliksik, kailangang
marami kang napaghanguan at
pinagkunan ng mga impormasyon.
→ Tandaan na ang iyong papel ay kabuuan ng
mga nakatipon mong kaalaman o datos at
hindi pag-uulit ng iilan lamang na kaisipan.
Istratehiya sa Pagsulat ng Papel
A. Panimula
• Magsimula nang may kakintalan, maaring
kahulugan ng salita, buhat sa kasaysayan,
kahulugan ng mga susing salita o mga
ideya ukol sa paksa ng pag-aaral.
• Ilahad kung bakit napili ang paksa at kung
bakit tinatalakay ang paksa. Ibigay ang
layunin at kung ano inaasahang
matuklasan sa paksa.
B. Konklusyon
• Ibuod ang mga tala na nakalap at magbigay
ng mga panibagong kaalaman.
• Tukuyin din ang mga kadahilan kung bakit
napili ang papel at ang maari nitong
kalalabasan.
• Ang katuparan ng pananaliksik ay
mananatiling nasa kamay ng mananaliksik