Sanhi at Epekto sa Pangkalusugang Kaisipan ng mga Mag-aaral ng STEM
sa Pagbabago ng Modalidad ng Pag-aaral
ABSTRAK
Inihayag ng World Health Organization (WHO) ang pagkalat ng Coronavirus
bilang Public Health Emergency of International Concern noong Enero 2020. Ang pandemyang ito ay may malawakang epekto sa ekonomiya at sektor ng edukasyon na nagresulta sa mga pagbabago sa modalidad ng pag-aaral tulad ng online at modular learning. Bagama't matagumpay na nabuksan muli ang mga paaralan pagkatapos ng tatlong taong pakikibaka dahil dito, patuloy pa rin ang hamon na nararanasan ng mga mag-aaral na nasilayan sa pagtaas ng kaso ng mga isyu sa pangkalusugang kaisipan. Ang pag-aaral na ito ay nakatuon sa mga sanhi at epekto sa pangkalusugang kaisipan ng mga mag-aaral ng STEM (Science, Technology, Engineering and Mathematics) na nasa baitang 11 dahil sa pagbabago sa modalidad ng pag-aaral. Ang pamamaraang ginamit sa pagsasaliksik ay isang surbey, at ang sumunod na analisis ay gumamit ng weighted mean. Ayon sa nakalap na datos, may positibong epekto ang pagbabago sa paraan ng pag-aaral sa ilalim ng pandemya na nagdudulot ng mas mabuting pag-unawa sa mga aralin at positibong koneksyon sa guro at kapwa mag-aaral. Gayunpaman, may negatibong epekto rin tulad ng mga problema sa pangkalusugang kaisipan dahil sa mabilisang pagganap ng mga gawain sa distance learning. Ang face-to-face classes ay nagdudulot ng pagbabago sa rutina at nangangailangan ng pag-aadjust sa bagong kapaligiran. Pinakita ng pananaliksik ang malalim na epekto nito sa pangkalusugang kaisipan na nagpapakita ng kahalagahan ng edukasyon ukol sa usaping ito at pagpapalakas ng pangkaisipan. Binigyang-diin ng mananaliksik ang pangangailangan ng pokus sa pangkalusugang kaisipan ng mga mag-aaral sa pamamagitan ng pag- balanse ng oras. Para sa mga mag-aaral ng STEM, mahalaga ang wastong pamamahala ng oras para sa kanilang akademikong gawain upang maiwasan ang mga hamon dahil sa maling pagplano ng oras.