Professional Documents
Culture Documents
Krystel Ann Q-Mga Tula NG Alpabetong Pilipino
Krystel Ann Q-Mga Tula NG Alpabetong Pilipino
Atis ni Ama
Ang tamis ng atis na ani ni ama
Sintamis ng asukal, sindami ng abaka
Anim kay Ate Aya, apat kay Aling Ana
Ang natira ay sa akin, sa sarap ay kulang pa.
Bigas sa Bilao
Mga butil ng bigas na nasa bilao
May bilog, may haba, may puti at kulay abo
Kaysarap isaing, pwede ring gawing biko
Malutong, malinamnam lalo na’t binayo.
Dampa sa Damuhan
Ang amin pong tirahan doon sa malayong bayan
Ay maliit na dampa sa gitna ng damuhan
May sariwang hangin na kay sarap langhapin
Payak na pamumuhay doon mo lang mararating.
Enteng Elepante
Ako’y nanaginip, isang dambuhalang hayop.
Malaki pa s’ya sa akin kaya ako ay natakot.
Agad ginising ni ina sa pagkakabaluktot
Si Enteng Elepante lang pala na aking napanood.
Gagamba sa Garapon
Namasyal ako kanina sa itaas ng gulod.
May dalang garapon lalagyan ng mga dahon.
Ngunit ang aking nakita ay kaibigang gagamba
Agad ko siyang hinuli ng hindi na gumala.
Halaman sa Hardin
Magandang pagmasdan ang mga bulaklak
Kaysarap langhapin ng kanilang halimuyak
Heto nga’t si Hannah ay aking napansin
Hinahalikan n’ya ang mga halaman sa hardin.
Si Ninong at Si Ninang
Nagsilbing magulang ko sina ninong at ninang
Gumagabay sa akin kapag wala si nanay.
Inaalagaan ako, binibigyan ng patnubay
Nais nilang ako’y magkaroon ng magandang buhay.
Tortang Talong
Pumitas si tatay ng bunga ng talong
Amin daw iuulam sa araw na yaon
Tinanong ni nanay, “Ano’ng luto ba yon?
Ang aking sagot, “torta pong talong”.
Yaya ni Yolly
May yaya si Yolly, pangalan ay Yana
Masarap magluto, mag-alaga, mamalantya
Sa kanilang tahanan, kilala na ang yabag niya
Kaya si Yolly ay palaging masaya.