NG TAHANAN Sinasalamin ng malinis na tahanan ang isang masaya at nagkakasundo na kasapi ng pamilya. Mula sa magulang hanganag sa nakababatang kapatid ay dapat na tulong –tulong sa pagganap ng tungkulin sa pagpapanatili nang masinop, maayos at malinis na tahanan. MGA TANONG 1.Bilang kasapi ng pamilya ano ang maitutulong mo para sa kalinisan ng inyong tahanan? 2.Ginagampanan mo ba ang iyong tungkulin para mapanatili ang kalinisan at kaayusan ng sariling tahanan? 3. Ano ang naidudulot sa atin ang isang malinis na tahanan? 4. Bakit mahalagang malaman ang wastong paraan sa paglilinis ng ating tahanan? 5.Gaano kayo kadalas maglinis sa inyong tahanan? 6.Paano mo ginagawa ang paglilinis? 7. Ano kaya ang mangyayari kapag hindi tayu maglilinis ng sariling tahanan? Ang mga sumusunod ay ilan sa mga naglalarawan ng malinis na tahanan. 1. Maayos ang pagkakalagay ng mga kagamitan sa loob ng tahanan. 2. Makintab at walang alikabok ang sahig, pati mga kagamitan tulad ng mesa, mga upuan at palamuti. 3. Maaliwalas 4. Mabango ang pakiramdam. WASTONG PAMAMARAAN NG PAGLILINIS NG BAHAY
1.Pagwawalis-Gumamit ng walis tambo
sa pagwawalis ng sahig. Dahan-dahan ang pgwawalis upang hindi lumipad ang alikabok. Simulan sa mga sulok at tabi ng mga silid patungong gitna ang pagwawalis. Gumamit ng pandakot at dakutin agad ang naipong dumi. 2. Pag-aalis ng alikabok- Ang mga kasangkapan ay madaling maalikabukan. Kailangang punasan ang mga ito araw-araw.Ang lumang damit o lumang kamesita ay mainam gamitin kung malambot at hindi nag iiwan ng himulmol. Simulan sa mataas na bahagi ng mga kasangkapan,pababa. Ang mga dekorasyon at palamuti ay kailangang punasan din. 3. Paglalampaso ng sahig Gamit ang mop ang ginagawa pagkatapos walisan ang sahig. Basain at pigain ang mophead. Ilampaso ito sa sahig sa pagitan ng muwebles,sa sulok at ilalim ng mesa at cabinet.Kapag marumi na ang mophead banlawan ito at pigain hangang maalis ang dumi. 3. Pagbubunot Binubunot ang sahig upang kumintab. Punasan muna ang sahig bago lagyan ng floorwax.Gawing manipis at pantay-pantay ang paglalagay. Patuyuin muna ito bago bunutin. Punasan ng tuyong basahan upang lalong kumintab. TANDAAN NATIN
Ang tulong-tulong na paggawa ng mag anak ay kailangan upang
maging malinis at maayos ang tahanan. Ang pagsunod sa wastong paraan ng paglilinis ng tahanan ay may malaking maitutulong upang makatipid sa oras,salapi at lakas. GAWIN NATIN Piliin sa kahon ang wastong karugtong ng pangungusap. Isulat ang titik nito sa patlang. a. tuyong basahan d.sulok b. dahan-dahan e.pababa c. gitna f. binubunot 1.Ang mga kasangkapan ay madaling maalikabukan.Kailangang punasan ang mga ito ng_____araw-araw. 2.Ang sahig ay____upang kumintab. 3.Ang pagwawalis ng sahig ay ginagawa nang____upang hindi lumipad anh alikabok. 4.Sa pagaalikabok,simulan sa mataas na bahagi ng mga kasangkapan______. 5.Ang pagwawalis sa sahig ay sinisimulan sa mga______patungo sa gitna.