• Sino ang iyong tunay na Kaibigan? • Ano ang naimpluwensiyang mabuting gawain galing sa iyong kaibigan? • Anu-ano kaya ang mga aspeto ng impluwensiya sa pakikipagkapuwa? • Ang tao ay likas na panlipunang nilalang, kaya’t nakikipag-ugnayan siya sa kaniyang kapuwa. Ang ating kapuwa ay malaki ang nagiging impluwensiya sa atin, maging sino man tayo. • Mayroon tayong kaibigan, matalik na kaibigan at iba pang nakakasama nang matagal sa iba’t ibang gawaing ating ginagampanan. Sa iba’t ibang pagkakataon, nakatatanggap tayo ng impluwensiya sa aspetong intelektuwal, panlipunan, pangkabuhayan at politikal. Mahalagang bigyan ng pansin ang mga impluwensiyang nabanggit, na siyang nakatutulong sa ating pagiging ganap na tao. Ang Impluwensiyang Intelektuwal • Ayon kay Mehta (2013), ang ma kaibigan ng isang mag-aaral ay nakaiimpluwensiya sa kaniyang marka, higit sa impluwensiya ng kaniyang mga magulang. • Gamit ang mga salita ni Vera Borukhov, isang guro, sinabi ni Mehta na ‘’Ang mga kabataang may positibong panlipunang buhay, ay kadalasang mataas ang gawaing pang-akademiko.’’ Kapag nakikita ng mga bata na ang kanilang mga kaibigan ay mahilig sa mga gawaing pampaaralan, malamang na magpupunyagi siya sa gawaing pang-akademiko upang makasunod siya sa naabot na mataas na marka ng kaniyang mga kaibigan. Kapag ang isang batang nakatatanggap dati ng katamtamang marka, ay biglang napasama sa isang kaibigang nasa honor roll, malamang na biglang tataas din ang kaniyang marka dagdag na paliwanag ni Mehta. • Napatunayan ng isang pananaliksik ni Hiroko Sayama, isang system scientist sa State of New York sa Birmingham, na nakahahawa ang pagkakaroon ng mataas na marka. • Pinasagot ni Sayama ang 160 na mag-aaral sa high school ng isang sarbey, at hiniling niyang maglista ng kanilang matalik na kaibigan, malapit na kaibigan, mga kakilala at mga kamag-anak. Ang mga mag- aaral ay binigyan ng class rank mula junior hanggang senior na taon. Gayundin, ang mga mag-aaral na sumasama sa mga mag-aaral na may mabababang marka ay nakikitaan rin ng pagbaba sa kanilang marka. Ang nakakagulat, ang mga mag-aaral na matatas ang marka ay hindi nagbago ang mga marka. • Iminumungkahi ng resulta ng pagsasalik ni Sayama na ang academic performance, ay maaaring maituring na ''social contagion'', (Sa simpleng paliwanag, panlipunang-gawi na nakaka-engganyong gayahin). • Ayon sa isa pang pananaliksik sa 145 na mga kabataang may edad 13. (Spavins:2007), napatunayan na ang uri ng pakikipagkaibigan at kaugnayan ay nahuhulaan ang maaaring kahinatnan ng akademiko ng pananagumpay sa pagdaan ng panahon. Bilang patunay sa haka ng mga nananaliksik, ang mga kabataan ay nag-ulat ng mataas na antas ng pagiging malapit sa kani-kanilang mga kaibigan noong sila ay 13 taon pa lamang ay nagkaroon ng mataas na akademikong pananagumpay sa edad na 17. Ang mataas na antas ng kalidad ng pagkakaibigan, tulad ng pagpuri at pag-alaala, noong sila ay may edad 13 ay napapatunayan din ang kanilang hula(prediction) na ito ay makapagdadala sa mataas na antas ng akademikong pananagumpay para sa mga kabataang edad 17 na kasali sa pananaliksik. • Sa madaling sabi, malalim ang impluwensiyang intelektuwal sa mga magkakaibigan. Maaaring ang impluwensiya ay positibo o negatibo. Dito na pumasok ang gabay ng mga magulang at guro sa pagbibigay ng payo sa mga kabataan sa pagbili ng kanilang magiging kaibigan na dadalhin sila sa mabuti at hindi sa masama. Ang Impluwensiyang Panlipunan Ang impluwensiyang panlipunan ay ang epekto ng isang tao sa paniniwala o ugali ng iba. -Mayroong tatlong aspeto ng impluwensiyang panlipunan: • Impluwensiyang panlipunan kung saan ang mga tao ay nagbabago ng pananaw o ugali upang sumunod sa umiiral na sosyal na pamantayan. • Isang porma ng sosyal na impluwensiya kung saan ang isang tao ay tuwirang nag-uutos upang isagawa ang mga tiyak na kilos. • Isang porma ng sosyal na impluwensiya na may direktang kahiligan mula sa ibang tao patungo sa iba. • Ang impluwensiyang panlipunan ay katulad sa peer pressure, kung saan ang epekto nito ay mula sa ibang tao. Dahil dito, ang impluwensiyang panlipunan ay maaring magkaroon ng positibo o negatibong bunga. Sa maikling pagpapaliwanag , ito ay mga epekto kung paano tayo nag-iisip at kumiikilos bilang tugon sa iba't ibang tao, bunga ng ating pakikipagkapuwa. • Sa inyong paglalgo bilang nagdadalaga o nagbibinata, mahalaga ang paalaala na pumili ng mga taong positibo ang pananaw sa buhay, upang ang maging impluwensiya nila sa inyo ay magbubunga ng mabubuting bagay. • Ang wika nga ni Simon Alexander Ong (2013), “Ang ating tagumpay sa buhay ay kadalasang dahil sa mga taong pinili nating maging kasama nang matagal.” Sa bandang huli, ayon kay Ong, tayo ay nagiging katulad ng mga taong lagi nating kasama. Ang Impluwensiyang pangkabuhayan
• Sa apat na impluwensiyang nabanggit sa araling ito, ang
pangkabuhayang impluwensiya sa kabataan ay hindi gaanong nabibigyan ng pansin ng mga mananaliksik. Ang kadalasang napag-uusapan sa impluwensiya ito ay may direktang kaugnayan sa kakayahang pinansyal ng pamilya sa mga kabataan. Sa obserbasyon ng marami, ang nagsisilbing bigkis sa pagsasama-sama ng mga kabataan ay naaayon sa kani-kanilang kakayahang pinansyal. Ito ay napatunayan sa isang pag- aaral nina Hjalmarsson at Mood (2015). • Inalam ng mga nabanggit na mananaliksik ang kaugnayan ng kakayahang pangkabuhayan at relasyon ng mga kabataan sa kanilang kaibigan. • Upang matiyak na mapag-aaralan ang pangkabuhayang kakayahan ng mga mag-aaral na ginamit sa pagsasaliksik, pinaghambing nila ang pangkabuhayang sitwasyon ng mga mag-aaral at ang mga napiling kaibigan ng buong klase, sa pamamagitan ng sociometrico. Natuklasan sa pananaliksik na apektado ng pinasyal na kakayahan ng pamilya ang mga mag-aaral. • Ang mga mag-aaral na nagmumula sa mababang kabuhayan at ang mga lumiliban sa mga pampaaralang gawain, dahil sa kakulangang pangkabuhayan ay nakatanggap ng mabababang bato sa mga piniling mga kaibigan sa sociometric. • Sa kabuuan, ang mga resultang ito ay nagmumungkahi ng direktang kaugnayan ng mababang kabuhayan ng pamilya ng mga kabataang ito, sa relasyon nila sa kapuwa nila kabataan. Subalit, ayon sa mga mananaliksik, mas mahalaga ang nabubuong relasyon ng mga kabataan, kaysa sa kanilang pangkabuhayang kondisyon. ANg Impluwensiyang politikal • Sa kadahilanang ang mga magulang ang unang guro ng mga anak at pamilya ang unang paaralan, sa pamilya rin natutuhan ng kabataan ang usapang pampolitikal. Sa kanilang paglaki naman ay nadadala nila ang impluwensiyang ito sa kanilang mga kaibigan. • Sa artikulong “How Family Communication Can Influence Our Political Identities”, sinabi ni Hoffman (2012) na sa hapag-kainan pinag-uusapan ng pamilya ang mga isyu sa politika. Binigyang- diin ni Hoffman na, anomang uri ng komunikasyon ang ginagamit ng pamilya-kung ukol man sa pamahalaan o hindi, ay maaaring magkaroon ng impluwensiya sa pagkiling nito sa politika. • Nadadala tayo sa kapaligirang politikal, ayon kay Hoffman, sa pamamagitan ng paaralan, mga kaibigan at ng media. Ang komunikasyong pamilya, na hinihimok ang mga anakl na maghayag ng opinyong politikal ay mas maalam sa mga pampublikong pangyayari, dagdag ni Hoffman. Sa bandang huli, ipinaalaala ni Hoffman na mahalagang malaman kung saan nanggaling ang ating pagkakakinlanlang politikal, upang higit nating maunawaan ang ating sariling politikal na pananaw at ikinikilos. • Kung susuriin nang mas malalim ang mga impluwensiyang nabanggit, malaki ang maitutulong nito upang malaman ng tao, kung alin sa mga ito ang kaniyang magagamit tungo sa pagiging ganap niya bilang tao. Sagutin ang mga sumusunod na katanungan: • Ano-ano ang impluwensiyang nakukuha natin sa ating pakikisalamuha sa ating kapuwa? • Sa anong impluwensiya ng kapuwa nasasakop ang pagkakaroon ng isang kasamang mag-aaral na matataas ang marka sa paaralan? • Anong aral ukol sa impluwensiyang pangkabuhayan sa mga mahihirap na kabataan ang natutuhan mo? • Ayon kay Hoffman, bakit mahalagang kilalanin ang ating politikal na pagkakakinlanlan?