Gawaing Pansibiko


Gawaing Pansibiko (Civic Duties)- ay
ang mga tungkuling dapat gampanan
ng mga mamamayan katumbas ng
mga karapatang kanilang tinatamasa.
Ang paggawa nito ay paraan ng
pagiging mabuting mamamayan.
MGA PANGUNAHING
TUNGKULIN NG
MAMAMAYAN
 1. PAGBABANTAY SA KATOTOHANAN
 Laganap ang mga pekeng balita at huwad na
impormasyon sa panahon ngayon, lalo na dahil mas
malaya na ang mga tao sa paggamit ng teknolohiya
at social media. Mas maraming impormasyon na
ang nasasagap ng isang taong may access sa
computer at internet. Ito ay bunga ng karapatan sa
malayang pagpapahayag na tinatamasa ng lahat ng
Pilipino. Subalit kalakip ng karapatang ito ay ang
tungkuling pangalagaan at itaguyod ang
katotohanan.
 Nakatutulong sa pagpapanatili ng mabisang
pamahalaan ang pagtataguyod sa katotohanan
sapagkat kinakatakutan ito ng korupsyon,
katiwalian, katamaran, at karahasan. Dapat
magbantay ang mga mamamayan sa anumang
pagtatangka na supilin ang katotohanan sa
pamamagitan ng pagpapakalat ng maling
impormasyon o kaya sa pagkitil sa malayang
pagpapahayag.
PAKIKILAHOK SA
PAMAHALAAN
 Dapat lumahok ang mga mamamayan sa
pamamahala sa lipunan. Dapat matuto ang mga
mamamayan na gawing responsible ang kanilang
mga hinalal na opisyal sa pamamagitan ng
pakikipag-usap o diyalogo sa mga ito. Maaaring
sumulat ng liham sa mga opisyal ng barangay o
lungsod tungkol sa mga isyu sa pamayanan, o kaya
ay kalampagin ang kanilang mga social media
accounts tungkol sa mga suliraning
nangangailangan ng agarang aksiyon.
 Isa lamang ito sa maraming paraan ng
pakikilahok sa pamahalaan. Ang kawalan
ng pakialam sa pamahalaan ay isang
pangunahing salik na nagpaparaya sa
korupsiyon, katamaran, at kawalang bisa
ng mga opisyal at kawani ng pamahalaan.
 SUMUNOD SA LAHAT NG BATAS

Dapat sumunod sa mga simpleng batas

kahit walang nagpapatupad nito.Bukod sa
pagsunod sa batas, dapat ding paalalahanan
ang kapwa na sumunod dito. Kung hindi
natin sila masisita o kung malubha ang
paglabag na ginawa, dapat isumbong ang
mga ito. Walang masama sa pagsusumbong
tungkol sa paglabag sa batas dahil
napauunlad nito ang bansa.
PAGPAPARAYA (TOLERANCE)
sa Pananaw o Paniniwala ng Iba
 Dapat natin igalang ang pananaw at
paniniwala ng iba, lalo na kung salungat
ang mga ito sa sarili nating pananaw o
paniniwala. Karapatan nating magkaroon
ng kani-kaniyang mga paniniwala at
pananaw, at tungkulin naman natin na
igalang ang paniniwala at pananaw ng
ibang tao.
 Subalit hindi lahat ng pananaw at paniniwala
ay nakabubuti kung salungat ito sa
katotohanan. Tungkulin natin na ipaglaban
ang Karapatan ng iba na magkaroon ng
kanilang sariling paniniwala at pananaw,
subalit ang kanilang mga paniniwala at
pananaw ay dapat na naaayon sa
napatunayang mga katotohanan.
PAGWAWASTO SA MGA MALI
AT PAGGAWA NG TAMA
 Dapat nating wastuhin ang mga
maling kilos at nakasanayan. Hindi
dapat sumunod sa nakakarami
lamang lalo na kung mali ang gawain
nila.Tungkulin nating iwasto ang
mga nakasanayang mali ng ating
mga kapwa.
Participatory Governance
 Isang mahalagang paraan ng mamamayan para
maisakatuparan ang ating iginigiit na pagbabago sa
pamahalaan. Ito ay isang uri ng pansibikong
pakikilahok kung saan ang mga ordinaryong
mamamayan ay katuwang ng pamahalaan sa
pagbabalangkas at pagpapatupad ng mga solusyon
sa suliranin ng bayan. Dito ay aktibong nakikipag-
ugnayan ang mamamayan sa pamahalaan upang
bumuo ng mga karampatang solusyon sa mga
hamon ng lipunan.
Katangian ng aktibong mamamayan

1. Makabayan
• Tapat sa Republika ng Pilipinas
• Handang ipagtanggol ang estado
• Sinusunod ang Saligang Batas at iba pang
batas ng Pilipinas.
• Nakikipagtulungan sa mga may
kapangyarihan.
Makatao
• Karapatan na dapat igalang,
isaalang-alang at matugunan o
protektahan.
• May laya tayong gamitin ang maraming

karapatang tinatamasa ngunit kailangan din

nating isipin na may pananagutan at

tungkulin din tayong dapat gampanan.
Produktibo

• Matatag, may lakas ng loob at

tiwala sa sarili
• Matulungin sa kapwa
• Makasandaigdigan
MGA GAWAING PANSIBIKO
1.Pagtatag o pakikilahok sa mga organisadong
pagkilos at organisasyong nagsusulong ng
kagalingan at pag-unlad ng komunidad ng
bansa.
2. Pagpaparating sa kinauukulan ng
kinakailangang gawain.
3.Pag-angat sa kalagayan ng ating kapwa.
4. Pakikipagpalitan at pagbibigay ng
mahahalagang impormasyon.
Epekto
1. Kabuhayan
• Madaling maisasagawa ang mga gawain at proyekto
kung lahat ng mga mamamayan ay nakikilahok sa
mga gawaing pansibiko at nagtutulungan.
•Ang pagtutulungan ay nakapagbubuklod sa atin.
•Nagiging daan ito upang tayo ay magkaisa.
•Mas madaling makamit ang mithiing umunlad ang
pamumuhay sa bansa.
Lipunan
•Magiging maayos at tahimik ang ating pamayanan at
bansa kung nakikilahok tayo sa mga gawaing
pansibiko, nagtutulungan at tumutupad sa batas.
•Mas matiwasay at masaya ang mga naninirahan dito
•Sa maayos na pamayanan, ang mga mamamayan ay
may disiplina.
•Ang mga tungkulin ay tinutupad din sa lahat ng oras.
3.Pulitika

• Magkaroon ng matapat na
pamahalaan.
• Ayaw natin na tayo ay dinaraya at
inaabuso kung ang katiwalian sa
pamahalaan ay masusugpo magiging
mabilis ang pag-unlad ng bansa.