LAYUNIN

• 1. Naiisa-isa ang mga mga dapat isaalang-alang sa

pagpaplano ng isang aralin.
2. Nakababasa ng mga teorya mula sa mga pag-aaral at
pananaliksik na may kinalaman sa pagpa- planong
pampagtuturo.
 ANG PAGPAPLANO SA
PAGTUTURO (UNANG BAHAGI)
• Bumuo ng isang hakbangin upang
maisakatuparan ang pagsasagawa ng isang
surprise party sa iyong minamahal.
• Ano-ano ang mga dapat mong ihanda o gawin
bago ang event?
ANG PAGPAPLANO... PAANO?
• Ayon kay Badayos (2008), ang pagpaplano o
paghahanda sa pagtuturo ay ekstensyon ng
katauhan at estilo ng isang guro.
Ang pagpaplano sa isang gawain ay napakahalaga at nararapat na
paghandaan.
Sa madaling sabi, bilang mga guro ay nararapat lamang na paglaanan
natin ng sapat na oras at panahon ang pagplano sa araling ating
tatalakayin sa harap ng ating mga mag-aaral.
• Ang paggawa ng isang gabay ng pagpaplanong
pampagtuturo ay magkakaiba ayon sa preferens at
oryentasyon ng isang guro.
detalyado mula sa malalaking bahagi ng talakayan hanggang
sa pinakamaliit na detalye
balangkas o kalansay lamang ng mga gagawin ang nakatala.
mga pagplano ay nasa isipan lamang ng guro at minsan ay
hindi na magawa dahil sa maraming nangyayari
palipad-hangin lamang
• Labis na nakatutulong sa epektibong pagtuturo-
pagkatuto ang pagkakaroon ng pagpaplano sa
pagkaklase. Maaaring kontrahin ito ng mga matagal
nang nagtuturo ngunit ang katotohanang ito ay hindi
basta-bastang maisasantabi ninuman.
 MGA ISINASAALANG-ALANG SA PAGPAPLANO

• Ang isang mabuting guro ay nagpaplano upang magkaroon

siya ng malinaw na tinanaw na kalalabasan at takbo ng
kanyang talakayan at gawain sa loob ng klase. Magagawa
niya ito sa pamamagitan ng pag-alam sa mga salik na
nakaiimpluwensiya sa pagkatuto sa mga tiyak na sitwasyon.
Ang mga sumusunod ay kinakailangan ng isang guro sa
kanyang pagpaplano:
SARILING KAALAMAN SA:

•  kalikasan ng wika;
 pagkatuto ng wika;
 paano natutuhan ang wika;
 mga salik sa epektibong pagkatutuo;
 mga kagamitan sa pagtuturo; at
 mga dulog, pamamaraan at teknik.
PAGTIYAK O PAGBUO NG DESISYON TUNGKOL SA:

•  ano ang dapat matutuhan;

 gaano ang maaaring matutuhan sa isang tiyak na panahon;
 pag-aayaw-ayaw ng mga episode sa pagtuturo;
 anong gawain at materyales ang gagamitin at kung saang
episode;
 paano masusubaybayan ang pagkatuto at paano makapagbigay
ng pidbak;
 paano tatayain at pahahalagahan ang pagkatuto.
 MGA PANANALIKSIK AT ILANG BATAYANG TEORETIKAL SA
PAGPAPLANO

• Natuklasan nina Clark at Yinger (1979), na karamihan sa mga guro ay hindi

matapat na sumusunod sa paglalapat ng mga simulating natutuhan nila sa mga
ekspertong edukador hinggil sa pagpaplanong pampagtuturo. Sa ginawang
pag-aaral naman nina Peterson, et.al. (1978), nadiskubre nilang mas unang
binibigyang-pansin ng mga guro sa pagpaplano ang nilalaman at mga
estratehiya sa pagtuturo bago ang mga layunin. Mas mahaba di umano ang
oras na inilalaan ng maraming guro sa pag-iisip kung paano ilalagay sa isang
konteksto ang proseso ng pagtuturo-pagkatuto kaysa sa mga layunin at
pagtataya.
• Nakasaad naman sa aklat nina Levin at Long (1981), na
maganda ang kalalabasan ng pagkatuto kung may
kabatiran ang mga mag-aaral hinggil sa mga tiyak na
layuning lilinangin nila sa loob ng isang aralin.
Pinatunayan din sa kanilang pag-aaral na pagsasabi ng
mga layunin sa mga mag-aaral ay magbibigay ng
direksyon at seguridad sa kanilang pagkatuto.
• Napag-alaman naman nina Clark at Yinger (1980), na humigit-
kumulang 12 oras sa loob ng isang lingo ang ginugugol ng mga
guro sa pagpaplanong pampagtuturo. ang proseso sa
pagpaplano ay karaniwang nagsisimula sa isang ideya at unti-
unting nagkakahugis sa pamamagitang ng patuloy na
modopikasyon at elaborasyon. Ang inihahandang banghay-
aralin ay maliit na bahagi lamang sa kabuuang plano sa
pagtuturo. Ang karamihan ay nasa isipan lamang ng guro.
• Pinatunayan ito ni Earle (1992), dahil maraming mga guro di
umano ang bumubuo ng mga imahen o senaryo sa proseso ng
kanilang kabuuang plano sa pagtuturo. Ang karamihan dito
ay nanatili lamang sa isipan ng guro. Lumilikha sila ng
larawan sa kanilang isip o diwa kung ano ang maaaring anyo
ng leksyon at paano ito epektibong mailalahad sa loob ng
klase. Sa madaling sabi, para karamihan ng ating mga guro
higit na nagaganap ang pagpaplanong pampagtuturo sa isipan
kaysa sa papel.
• Saad naman ni Westerman (1991), mas komprehensibo
ang pananaw ng mga bihasang guro sa mga mag-aaral at
sa mga kaalamang kanilang itinuturo. Samantalang ang
mga baguhan ay nakapokus sa pagkamit sa layunin sa
halip na isaalang-alang ang dating alam ng mga mag-aaral
at iugnay ang mga ito sa bagong kaalaman.
• Nagagawa ng mga sanay na guro na maiugnay sa isa’t isa ang
mga mahahalaga at komplikadong bahagi ng isang paksang-
aralin kaya mas nabibigyan nila ito ng ibayong diin ayon kay
Tyson (1991). Dagdag pa ni na bibihirang lamang di umano ito
nagagawa ng isang baguhang guro. Tinitiyak din kasi ng mga
sanay na guro na nauunawan ng mga mag-aaral ang
kasanayang nilinang sa halip na ipalagay lamang na natutuhan
na nila ang mga ito tulad ng lagging iniisip ng maraming bago
pa lamang sa larangan ng pagtuturo.
Ipinahiwatig ni Cooper (1990), na ang isang epektibong guro ay
iyong nagagawang maihatid sa mga mag-aaral ang mga
inaasahang bunga ng pagkatuto. Mahirap isipin na magagawa ng
isang epektibong guro ang pagharap niya sa isang klase kung
wala siyang malinaw plano at tiyak na desisyon sa mga layunin,
metodo, estratehiya at ebalwasyon sa isasagawang pagtuturo
batay sa mga pananaliksik na inilahad at mga desisyong binubuo
sa pagtiyak ng maaaring maganap sa pagkaklase.
• Sa kabuuan, ang pagpaplanong pampagtuturo ay isang
esensyal na gawain ng isang guro, baguhan ka man o
matagal na sa larangan dahil ang mga nabubuong plano sa
ating isipan ay hindi lubusang maisasakatuparan kung hindi
naidesenyong mabuti sa isang pirasong papel. Tulad na
lamang ng isang bahay na nais mong ipagawa, hindi ito
tuluyang mabubuo kung walang modelo/balangkas na
makikita.
PAGTATAYA

• Sa loob ng lima (5) hanggang sampung (10) pangungusap, sagutin

ang katanungan: Naniniwala ka bang ang epektibong pagtuturo ay
nakabatay lamang sa isang masusing pagpaplano ng isang aralin o
mayroon pa bang ibang gawi na mas Malaki ang impluwensiya sa
mahusay na pagtuturo? (Kalapan ng matibay na suporta ang iyong
kasagutan sa pamamagitan ng mga pag-aaral ng mga dalubhasa.)
PAMANTAYAN

• Nilalaman - 8
• Gramatika - 5
• Baybay - 2
15