maikling salaysay na karaniwang naglalarawan ng panlahat na katotohanan o panuntunan o kaya’y isang makatawag-pansing katangian ng isang tao. Dapat na maging payak ang pagpapahayag dahilan sa naglalayong manlibang sa pamamagitan ng pagbibigay ng di-karaniwang pangyayari, ng matapat at mapalagay na pagtingin sa isang kilalang tao o pangyayaring nakawiwili at tipikal sa isang lahi o relihiyon o pangkat ng mga tao Anekdotang hango sa tunay
Ang anekdotang hango sa tunay na
buhay ng isang tao ay nagbibigay sa mga mambabasa ng pagkakataong lalong makilala ang pansariling buhay ng taong iyon sapagkat ang mga pangyayari’y naglalarawan sa katauhan nito. Anekdotang hindi hango sa tunay na buhay
Ang anekdotang hindi hango
sa tunay na buhay ay madalas na katatawanan ngunit madalas din na may mahalagang tinutukoy GAWAIN 5: Hayop AKO! Ang mga hayop katulad ng elepante, kamelyo, at iba pa ay ilan sa mga hayop na may mahalagang bahagi ng kasaysayan ng mga bansa. Karamihan sa mga hayop ang nagiging sagisag ng bansa sapagkat nagiging kasa-kasama ito sa hanapbuhay, pangunahing transportasyon noon, kaya’t lubos na pinahahalagahan ito ng mga mamamayan. Gumuhit ng hayop na sasagisag sa iyong pagkatao. Ipaliwanag. ANEKDOTA: Ang Batang si Aurangzeb nang Lumaban sa Elepante salin mula sa wikang Persian Si Aurangzeb (1618-1707) ang ikaanim na Mogul ng India at ang pinakahuling “Magaling na Mogul”. Ipinanganak siya noong Okt. 24, 1618 sa Dohad at pangatlo sa anak na lalaki ni Emperador Shah Jahan. Sa edad na labingwalo si Aurangzeb, ay naging viceroy ng Decca. Noong 1645 naging gobernador siya ng Gujarat. ANG BATANG SI AURANGZEB NANG LUMABAN SA ELEPANTE
Nang si Emperador Shah Jahan ay
nanatili sa Lahor, madalas siyang makakita ng kombat ng mga elepante sa hardin ng Shalamar. Minsan, ang gobernadora ng Bengal ay nagpadala ng apatnapung kahanga-hangang pandigma sa mga elepante. Naupo ang emperador sa balkonahe habang ang kanyang apat na anak na prinsipe ay natatanaw niyang nangangabayo. Isang elepante ang nakawala sa kanyang kalaban at nakatakbo papunta sa mga prinsipe. Ang tatlong prinsipe ay mabilis na kumanan at umalis na. Tanging si Muhammed Aurangzeb, na noon ay labing-apat na taong gulang pa lamang ang nanatiling nakatayo at walang kagalaw-galaw. Ang tumatakbong elepante ay dumaan sa kanya. Inundayan niya ng sibat na hawak niya sa kanyang kamay. Ang malakas na atungal ng elepante ay nakasugat sa kabayo nang masuwag ito ng sungay ng elepante. Lumundag ang prinsipe at hinagilap ang sibat upang asintahin ang anggulo ng elepante. Sa ganitong pagkakataon, nagmamadali ang mga tagapagsilbi na dumaluhong upang tulungan ang panginoon at ang Emperador ay nag-aalalang bumaba sa balkonahe. Dahan- dahang pumunta si Aurangzeb sa kamahalan. Si Itimid Khan, ang nazir na lumalapit bilang pinakamatandang tagapaglingkod, naglilingkod na siya mula pa sa angkang Asaf Khan-ina ng kanyang ama, habang umiiyak ay nagsabi na “Umalis ka nang malumanay samantalang ang iyong ama ay nagdudumali sa matinding pag- aalala. Sumagot ang prinsipe sa mababang tinig, “Kung ang elepante ay naririto, maglalakad ako nang napakabilis. Pero ngayon wala nang dahilan para magmadali ako. Nang malapitan ni Aurangzeb ang ama, ibinigay ng Emperador ang isang lakh ng rupee bilang handog sa paghingi ng pabor (nisar) sa prinsipe at sinabing, “Anak ko, salamat sa Panginoon at natapos nang maayos! Kung (Huwag namang itulot ng Diyos!) naiba ang nangyari noon, napakalaking kahihiyan kung nagkataon.” Yumukod si Aurangzeb at sumagot, “Kung natapos iyon nang kabigtaran man walang kahihiyang naganap. Ang kahihiyan ay nangyari sa ginawa ng aking mga kapatid.” Anong aral ang mapupulot sa kuwento? GAWAIN 6: Aurangzeb I. Sagutin ang mga sumusunod. 1. Ilarawan ang mga tauhan sa anekdota batay sa pangyayari. - Aurangzeb, -Emperador Shah Jahan, -Itimid Khan, -Tatlong kapatid 2. Bakit labis na nag-aalala ang Emperador? Makatwiran ba ang sinabi niya sa anak? Ipaliwanag. 3. Ano ang ginawa ng batang Aurangzeb nang lusubin siya ng elepante? 4. Kung ikaw ang nasa kalagayan ni Aurangzeb, gagawin mo rin ba ang ginawa niya? Bakit? 5. Ibigay ang mga hinihinging impormasyon buhat sa binasang anekdota. - Paksa - Tagpuan - Aral II. Kung ikaw ang sumulat ng anekdota, paano mo ito bibigyan ng wakas? Ilahad ito sa paraang pakwento.