AKADEMIKONG SULATIN NA NAGLALAHAD AT NANGANGATUWIRAN
Ang PAGLALAHAD ay isang anyo ng pagpapahayag na naglalayong
mabigyang-linaw ang isang konsepto o kaisipan, bagay o paninindigan upang lubos na maunawaan ng nakikinig o bumabasa. ❖ Sa pamamagitan ng paglalahad ay nagiging ganap ang pagkatuto ng isang tao dahil nabibigyan siya ng pagkakataong makatuklas ng isang ideya o kaisipan na makapaghahatid sa kanya ng kasiyahan at kalinawan sa paksang pinag-uusapan. ❖ Ang PAGLALAHAD ay ginagamit sa lahat ng pagkakataon at larangan. Ito'y ginagamit sa: 1. pagsagot ng mga tanong na nangangailangan ng pasanaysay na kasagutan 2. pagsulat ng mga ulat tungkol sa Agham at Kasaysayan 3. pagsusuri sa maikling kwento at mga nobela 4. pagpapaliwanag sa iba't ibang aralin sa paaralan. 5. Tumutugon sa walang katapusang pagkama-usisa ng tao Mga Katangian ng Isang Mahusay na Paglalahad 1. KALINAWAN Hindi mauunawaan ng nakikinig o bumabasa ang anumang pahayag kung hindi malinaw ang paliwanag. • Dapat isaisip na ang kakulangan ng kalinawan ay maaring magbunga ng di pagkakaunawaan. 2. KATIYAKAN • Ang katiyakan ay matatamo kung malalaman ng nagpapaliwanag ang kanyang layunin sa pagpapaliwanag. 3. DIIN • May diin ang isang akda o talumpati kung naaakit ang nakikinig o bumabasa na ipagpatuloy ang pakikinig o pagbasa. • Ito'y kinakikitaan ng diwang mahahalaga 4. KAUGNAYAN • Dapat na magkakaugnay ang diwa ng lahat ng sangkap ng pangungusap Ang PANGANGATWIRAN • ay isang pagpapahayag na nagbibigay ng sapat na katibayan o patunay upang ang isang panukala ay maging katanggap - tanggap o kapani- paniwala. ❖ Layunin nito na hikayatin ang mga tagapakinig na tanggapin ang kawastuhan ng kanilang pananalig o paniniwala sa pamamagitan ng makatwirang pagpapahayag. ❖ Sa pangangatwiran, ang katotohaanan ay pinagtitibay o pinatutunayan sa pamamagitan ng mga katwiran o rason. ❖ Ang PANGANGATWIRAN ay isang sining sapagkat ang paggamit nang wasto, angkop at magandang pananalita ay makatutulong upang mahikayat na pakinggan, tanggapin at paniwalaan ng nakikinig ang nangangatwiran. ❖ Ang PANGANGATWIRAN ay maituturing ding agham sapagkat ito ay may prosesong dapat isaalang-alang o sundin upang ito ay maging mahusay at matagumpay, lalo na sa formal na pangangatwiran gaya ng debate. ❖ Ang PANGANGATWIRAN ay isa ring kasanayan dahil ang kahusayan ay maaaring matamo nino man subalit hindi sa paraang madali at sa maikling panahon lamang. MGA KATANGIAN NG ISANG MABUTING MANGATWIRAN 1. May lubos na kaalaman sa paksa. 2. May malawak na talasalitaan o bukabularyo 3. May malinaw na pananalita 4. Maayos maghanay ng kaisipan 5. May tiwala sa sarili 6. Mahinahon 7. Mabilis mag-isip 8. Nakauunawa sa katwiran ng iba 9. Marunong kumilala ng katotohanan 10.Tumatanggap ng kamalian at itinutuwid ito.