para maipakita ang pagkakasunod-sunod nila at mailahad ang tunay na buod nito. Gayundin ang pag-unawa sa paggamit nang wasto at angkop na pangatnig sa bawat pangungusap. Siguradong mawiwili ka sa ating paglalakbay kaya tutukan mo itong lahat. Nananabik ka na bang simulan ang paglalakbay na ito? Subukin muna natin ang iyong kakayahan. Madali lang ito kaya huwag kang mag-alala. Ngayon ay palawakin natin ang iyong kaalaman Ano ang kahulugan ng bawat isa ? 1. Kuwento- ay salaysay na nabuo upang maipahayag ang isang bagay o pangyayari. 2. Teksto – ay maaring inyong napakinggan o nabasa na nagtataglay ng impormasyon. Sa Gamit ng pangatnig naman ang halimbawa ay Sinukmani sa Quezon at biko sa Laguna’t Pampanga. -Ano ang tawag ng kakanin sa Quezon? Sa Laguna? Sa Pampanga? -Ano ang ginamit upang mapag-ugnay o mapagsama ang mga ito? 2. Naging espesyal ang kakaning ito dahil tiyaga’t sikap ang puhunan sa paggawa nito. -Bakit espesyal ang kakanin? -Ano ang ginamit upang mapag-ugnay o mapagsama ang mga ito? Ang mga salitang may salungguhit ay ginamit upang mapag-ugnay o mapagsama ang dalawang kaisipan. Ang Pangatnig ay mga kataga o salitang nag-uugnay ng mga salita, parirala, sugnay, o pangungusap. -Pangatnig na kataga (at, o) -Pangatnig na salita (dahil, gaya, ngunit, kapag, kaya, magkagayon, palibhasa, bagkus, maging, samantala, man, pati, sapagkat, datapwat, sakali, habang, subalit, anupat, kapag, kung atbp.) Tunghayan pa natin ang sumusunod na mga pangungusap gamit ang mga pangatnig upang mas lalo pang lumawak ang iyong kaalaman. 1. Ang aking nanay at tatay ay mahal ko. 2. Maglalaro sana ako ngunit tinawag ako ni ate. 3. Ano ba ang mas masarap, lumpia o pritong manok? 4. Gusto kong bumait pero di ko magawa. 5. Bibigyan kita ng lobo kung bibigyan mo rin ako ng laruan. 6. Pag-usapan natin ang bukas habang tayo’y namamasyal. 7. Magtanim ka ng puno upang di bumaha. 8. Magdala ka ng pala saka walis. 9. Pupunta ka lang kina Myla kapag kasama ako. 10. Kinagigiliwan ng lahat si Aira dahil masayahin siyang dalaga.