nakawiwili at nakatutuwang pangyayari sa buhay ng isang tao. Layon nito ay makapagpabatid ng isang magandang karanasan na kapupulutan ng aral. Mga Katangian ng Anekdota 1. Dapat maging makatotohanan ang paksa. 2. Dapat maging kapana-panabik. 3. Dapat may isang paksa lamang. 4. Sa bawat pagwawakas ng anekdota, dapat isinaalang-alang ang kakintalang maiiwaan sa kaisipan ng mga mambabasa. 5. Dapat maging payak ang pafbibigay ng hindi pangkaraniwang pangyayari. 6. Tuwirang isinusulat ang anekdota. 7. Dapat magtaglay ng konkretong pangalan, aktibong pandiwa at ilan lamang ang pang- uri at pang-abay sa pangungusap. Mga Uri ng Anekdota 1. Anekdotang hango sa tunay na buhay ng isang tao
Nagbibigay sa mga mambabasa ang pagkakataong
lalong makilala ang pansariling buhay ng taong iyon. 2. Anekdotang hindi hango sa tunay na buhay
Madalas na katatawanan ngunit madalas din na may
mahalagang tinutukoy. APAT NA KOMPONENT O SANGKAP NG KASANAYANG KOMUNIKATIBO 1. GRAMATIKAL
Ang komponent na nagbibigay-kakayahan sa
nagsasalita upang epektibong makipagtalastasan gamit ang angkop na mga tuntuning panggramatika. 2. SOSYO-LINGGUWISTIK
Ang komponent na nagbibigay-kakayahan sa
nagsasalita upang magamit ang salitang naaangkop sa sitwasyon at sa kontekstong sosyal ng lugar kung saan ginagamit ang wika. 3. DISKORSAL
Ang komponent na nagbibigay-kakayahang
magamit ang wikang binibigkas at wikang ginagamit sa pagsulat sa makabuluhang paraan upang maipabatid ang mensahe at maunawaan din ang tinatanggap na mensahe. 4. STRATEGIC
Ang component na nagbibigay-kakayahang
magamit ang berbal at hindi berbal na mga hudyat upang maihatid nang mas malinaw ang mensahe at maiwasan o maisaayos ang mga hindi pagkakaunawaan p mga puwang sa komunikasyon. PAGSUSULIT 1 1. Mula sa Iloilo ay lumipat sina Daniel sa Maynila. Isang araw, habang naglalaro sila ng basketball ay napatingala si Daniel sabay sabing “May pating sa court.” Nagtawanan ang kaniyang mga kalaro. Ang kahulugan pala ng pating sa salitang Ilonggo ay “kalapati.” Napakamot na lang ng ulo si Daniel. Alam na niya ngayon na hindi dapat gamitin ang salitang pating kapag nasa Maynila siya kung kaya ang ibig pala niyang sabihin ay “kalapati.” 2. Pumasok si Ella sa palikuran ng isang mall. Nang maghuhugas na siya ng kamay ay wala siyang nakitang sabon. Tinanong niya ang babaeng naglilinis kung nasaan ang sabon. “Hayun,” ang sabi ng babae, habang nakaturo ang kaniyang kamay at nakaturo rin ang nguso sa direksiyon na lalagyan ng liquid soap na nakadikit pala sa gilid ng dingding. 3. Lumaki sa Davao si Jen kaya’t nang mapunta na siya sa Maynila upang mag-aral ay naging maingat siya sa paggamit ng tamang gramatika tulad na lang ng mga panlaping nakasanayan niya para mas maintindihan siya ng mga klase at mga kaibigan. Halimbawa, sa halip na ang nakasanayang: Gi basa mo na ba ang libro? Ay inaayos niya sa Nabasa mo na ba ang libro? O kaya nama’y Maka-inis talaga ang traffic, uy! Ay inaayos niya sa Nakakainis talaga ang traffic, ah. 4. Sumusulat si Allen ng isang sanaysay at ngayo’y pinag- aaralan niyang mabuti kung paano niyang mapagsasama- sama ang mga naiisip niyang salita, parirala, at pangungusap upang mabuo at maipahayag nang maayos ang mensaheng nais niyang ipabatid sa mga mambabasa. 5. Mula Cebu ay magbabakasyon sa Maynila si Alex. Sinundo siya ng pinsang si Jamie sa airport. Sumakay sila ng taxi. Habang nagbibiyahe ang taxi ay malakas na sinabi ni Alex “Tabi na tayo” na ang ibig palang sabihin ay “Mag chikahan na sila ni Jamie.” subalit nang marinig siya ng Manong drayber ay bigla nitong itinabi o ipinara ang taxi dahil ang akala niya’y ipinatabi na siya ni Alex.