BATANG MAHIRAP

Kahit na ako'y batang mahirap

May ambisyon din at mga pangarap
Handang magsikap at mag-aral
Umaasa sa Diyos at nag-dadasal
Ang kahirapan ay hindi sagabal
Para mabuhay ng matuwid at marangal
Lahat ng ito ay mga pagsubok lamang
Upang sukatin ang aking kakayahan.

LAHING MATAPANG
Minsan sa isla ng Mactan
Nagpang-abot si Lapu-lapu at Magellan
Si Lapu-lapu ay sadyang matapang
Napatay ang dayuhang si Magellan

Doon naman sa isla in Bohol

Si Dagohoy naman ang taga-pagtanggol
Lumaban sa mga mapang-aping kastila
Hindi sumuko hanggang namayapa

Sa isla naman ng Luzon

Si Andres Bonifacio nangulo ng rebolosyon
Lumaban para sa ating kalayaan
Buhay ay inalay para sa bayan

Sila'y mga bayani na ating bayan

Lahing Pilipino at lahing matapang
Kanilang mga dugo sa ugat ko'y nananalaytay
Para sa bayan buhay ay handang ialay.

UNIPORME

Uniporme kong puti ay butas na

Pinaka ingat-ingatan at nag-iisa
Hindi pinaplantsa at sadyang kupas na
Pilit sinosuot hangga't pwede pa

Marihap daw kami sabi ni ina

Di ko maintidihan ewan ko ba
Mga kaklase ko'y busog at masasaya
Ako nama'y gutom at payat pa
Balang araw ako'y yayaman
Mag batang mahirap ay tutulongan
Sila ang pag-asa ng ating bayan
Di dapat pahirapan at pabayaan.

NANAY AT TATAY

Nanay ko mahal na mahal kita

Di ko po kayang mabuhay kung ika'y mawawala
Ikaw ang liwanag at pag-asa sa aking buhay
Ang aking kinabukasan ay nasa inyong kamay

Tatay ko salamat po sa lahat

Kami nabubuhay dahil sa iyong pagsisikap
Ikaw ang haligi ng ating tahanan
Mahal ko po kayo magpakaylan man

Nanay at Tatay salamat sa inyong pagmamahal

Sana kayo'y pagpalain yan ang aking munting dasal
Kayo ang biyaya ng langit para sa akin
Upang lumaking mabait at masunurin.