ANG PAPEL NG PAGSASALIN SA INTELEKTWALISASYON NG WIKANG FILIPINO

Ayon kay Propesor Ramilito B. Correa ng De La Salle University, “ang pagsasalin ay mabisang
sandata at kalasag bilang tagapaghawan ng tinatahak na intelektwalisasyon ng Filipino.”

Hindi gaya ng ibang wika tulad ng English, German, Russian, French at Japanese, ang ating wikang
Filipino ay nasa proseso pa lamang sa pagtahak sa pagiging intelektwalisado nito at mahalaga ang gampaning
ginagampanan ng pagsasalin patungkol dito.

Paano nga ba masasabi na intelektwalisado ang isang wika? Ano ang mga batayan para rito?

Ayon sa artikulong isinulat ni Benjamin P. Sibayan na pinamagatang “The Intellectualization of Filipino”:

“An intellectualized language is that language that can be used for giving and obtaining a complete
education in any field of knowledge from kindergarten to the university and beyond.”

Mula sa pahayag na ito, malalaman natin na ang ating wika ay hindi pa intelektwalisado sapagkat kung
sa larangan ng edukasyon ang pag-uusapan, isang katotohanan na hindi lahat ng pinag-aaralan natin ay nasa
Filipino. Isang halimbawa na rito ay simula pa lamang sa elementarya, may mga asignaturang itinuturo na
nasa wikang Ingles gaya na lamang ng Mathematics at Science. Sa kolehiyo naman, imposibleng makakuha
ng degree na puro Filipino lamang ang pag-aaralan kahit pa ang iyong kurso ay nakatuon sa pag-aaral ng
Filipino gaya ng BSED Major in Filipino. Kahit ang mga kursong tulad nito ay dapat pa ring mag-aral ng Math
at Social Sciences,mga asignaturang kung pag-aralan ay nasa Ingles. Ang mga halimbawang ito ay taliwas
pagpapakahulugan ng pahayag sa itaas.

Para masabing intelektwalisado ang isang wika, dapat ito ay magagamit natin na panturo at dapat
tayong matuto na ito lamang ang ginagamit na wika at dito na pumapasok ang mahalagang gampanin ng
pagsasalin.

Pagsasalin sa Intelektwalisasyon ng Wikang Filipino

Sadyang napakahalaga ang ginagampanang papel ng pagsasalin sa Filipino ng mga tekstong

nakalimbag sa Ingles upang maabot ng wikang Filipino ang intelektwalisasyon.Nakatala ito sa 1987
Saligang-Batas ng Pilipinas, Artikulo 14, Seksyon 6:

Ang wikang pambansa ng Pilipinas ay Filipino. Samantalang nalilinang, ito ay dapat

payabungin at pagyamanin sa salig sa umiiral na wika sa Pilipinas at sa iba pang mga wika.

Alinsunod sa tadhana ng batas at sang-ayon sa nararapat na maaaring ipasya ng Kongreso,

dapat magsagawa ng mga hakbangin ang Pamahalaan upang ibunsod at puspusang itaguyod ang
paggamit ng Filipino bilang medium ng opisyal na komunikasyon at bilang wika ng pagtuturo sa
sistemang pang-edukasyon.

Kung maisasalin sa Filipino ang lahat ng mga asignaturang pinag-aaralan na nasa sa Ingles o iba pang
wika at magagamit ito sa pagtuturo sa lahat ng larangan ng pag-aaral, ganap na makakamtan ang
intelektwalisasyon ng ating wika ngunit, hindi ito magiging madali. Ayon kay Propesor Ramilito B. Correa ng
De La Salle University, ang tatahaking daan ng wikang Filipino tungo sa hinahangad ng intelektwalisasyon ay
masukal, masalimuot, at punong-puno ng panganib at pangamba. Kinakailangan ng maingat na paghahawan
sa landasing ito upang hindi mabigo, at sa dakong huli’y maging matagumpay.
TALASANGGUNIAN :

http://ncca.gov.ph/about-ncca-3/subcommissions/subcommission-on-cultural-
disseminationscd/language-and-translation/the-intellectualization-of-filipino/

https://prezi.com/8q_rics3pmml/intelektwalisasyon-ng-wika-magsulat-at-magsalinreport/