Professional Documents
Culture Documents
Paniwalaan Mo Ito Buhay at Paniniwala Sa
Paniwalaan Mo Ito Buhay at Paniniwala Sa
(World Ethnography)
Page 1 of 12
Panimula
Ang lugar ng Quiapo ay kilala bilang isa sa busy na lugar sa lungsod ng Maynila dahil na rin sa
maraming tao at maaaring masabi na magulong lugar – maraming kalat, may ilang mga nakapaskil sa
may simbahan, at iba’t ibang uri ng mga tinitinda tulad ng pagkain, mga gamit tulad ng tsinelas, mga
bulaklak, mga santo o may kinalaman sa mga kagamitan na sumisimbolo sa Katoliko, at herbal medicine.
Ang naging pokus ng Etnograpiyang ito ay ang mga tindera na nagtitinda ng herbal medicine.
simpleng tindera at tindero lamang ang mga nandoon na tulad ng mga tindero/a sa Divisoria na ang
“Tanong ka lang.”Ito ang katagang madalas kong marinig mula nang magsimula akong
magpabalik-balik sa Quiapo. Minsan pa nga’y tinatawag ako ng ilang mga tindera at sinasabing
magtanong lang ako dahil karaniwan sa mga namimili doon ay nahihiyang lumapit sa kanila lalo na kung
Malaki ang Quiapo ngunit ang mga tindera na nagtitinda ng mga herbal medicine ay halos
nakapalibot lamang sa simbahan ng Katoliko. Ang istruktura sa ibaba ay ang ayos kung saang bahagi ng
Page 2 of 12
Ang mga arrow ang magsisilbilbing batayan kung saan matatagpuan ang mga tinderang ito.
Pagsisimula ng Pagtuklas
Nakarating na ako ng Mediola at Isetann. Sa katunayan, isa sa mga unibersidad doon ang aking
pinagsanayan noong nasa kolehiyo pa ako pero kahit isang beses ay hindi ako nagawi sa may simbahan
ng Quiapo. Hindi ko rin alam ang mga tinitinda roon, basta ang alam ko lang, maraming tao roon at
delikado. Sa unang pagkakataon, ako’y nagpunta roon upang alamin at tingnan ang lugar kung saan ako
magsasagawa ng fieldworks. Gabi nang makarating ako, wala ng tao, walang nagtitinda, sarado ang
simbahan na para bang isang mapayapang gabi para sa buong Quiapo ang araw na iyon. Mag-aalas-
onse pa lang naman ng gabi, maaga pa kung titingnan para sa ganoong lugar lalo na’t araw ng Sabado,
ngunit kahit ang mga sasakyan na dumadaan ay madalang na rin. Kaya nabuo sa aking isipan na parang
tindahan o mall din sila na may oras ng pagbubukas at pagsasara. Makikita rin sa kapaligiran ang pwesto
nila sapagkat ang kanilang mga tinitinda, hindi man lahat ay iniiwan nila, tinakpan lamang ng mga plastik
at ang iba’y trapal. Ibang-iba naman ang kalagayan nito kapag may araw o Biyernes at Linggo sapagkat
maraming tao dahil na rin sa simbahan ng Katoliko na matatagpuan doon. May ilang mga taong
Page 3 of 12
pagkatapos magsimba ay dumidiretso sa ilang mga tindera/o, karamihan ay sa mga kandila. Minsan pa
nga’y nagdarasal lang sa may labas ng simbahan tapos diretso na sa bangketa para bumili ng kandila
dahil ang bawat kulay ng kandila na kanilang tinitinda ay may katumbas na kahulugan tulad ng white –
purity, green – financial, black – conscience, at marami pang iba na makikitang nakapaskil sa tabi ng mga
kandila. Isa ito sa nakita kong dahilan kung bakit mas pinili ng mga tindera/o na magtinda sa labas ng
simbahan.
Araw-araw ganito halos paulit-ulit ang pamumuhay sa Quiapo. Ang ibang mga tindera/o ay handa
na magtinda ng alas siyete ng umaga, samantalang ang iba naman ay kung anong oras makarating tulad
ni Aling Nora na nagmumula pa sa Caloocan kaya’t kung minsan ay alas-otso na siya nakapagsisimula
magtinda. Para sa kaniya ay ayos lang naman basta ang mahalaga ay makabenta siya sa buong araw at
may maiuwi sa kaniyang pamilya. Kung isa ka rin namang mamimili ay hindi mo iisipin na sayang ang
pagpunta mo doon kung maaga ka nakapunta sapagkat ang mga tindera/o doon ay tabi-tabi lamang at
pare-pareho ang tinitinda, ikaw na lang ang bahalang pumili kung saan ka bibili. Sa tingin ko rin ay hindi
na alintana ng simbahan ang bawat bagay na tinitinda sa paligid nito, mabuti man o hindi ito sa paningin
ng nakararami. Batay sa aking obserbasyon, mas pinipili ng pari na lumabas ng simbahan sa kabilang
bahagi (kalsada) para magbigay ng bendisyon kung saan ang tao ay payapang dumadaan lamang kaysa
sa kabilang bahagi (mga tindera/o) kung saan ang bahaging ito ay maaaring sumimbolo ng pagiging
makasalanan batay sa turo ng Bibliya. Sa bahagi rin kasi ng kalsada makikita ang pagiging malawak ng
daan kaya nakagagalaw nang maayos ang pari, maaari siyang makapaglakad dito o doon na hindi
Ang pangkat nila ay matatawag na isang komunidad dahil na rin sa mayroon silang karaniwang
ginagawa at paniniwala kaya patuloy silang nanatili doon kahit araw-araw silang nakikipagsapalaran sa
Page 4 of 12
Pananalig o Pananampalataya?
ang pananalig ay kinakailangan ng paniniwala kahit kanino (UP Diksiyonaryong Filipino). Ang ganitong
Katoliko.
Sa loob ng simbahan ng Katoliko sa Quiapo maaaring makita ang pinakamaraming bilang ng tao sa
lugar na iyon dahil na rin sa nagsisimba sila, minsan napadaan lamang sa simbahan upang magdasal,
mayroon namang iba na nagkataon lamang na sa tapat noon huminto kaya naghandog muna ng dasal
ngunit sa labas lamang, pumipila ng mahaba upang makapasok sa loob ng simbahan, at ang iba naman
ay ginagawang daanan (shortcut) lang ang simbahan upang tumawid sa kabilang lugar ng Quiapo. Ngunit
kahit ganoon, maaaring makita na may pananampalataya ang bawat tao na naroon dahil sa kabila ng
mga nakapalibot sa simbahan ng Katoliko at sa mga kaguluhan na nangyayari sa Quiapo, ito pa rin ang
nagiging takbuhan ng tao, nananampalataya pa rin sila sa Diyos batay na rin sa ilang tao na aking
nakapanayam at naobserbahan.
Sa labas naman ng simbahan kung saan makikita ang iba’t ibang tindero/a at ang kanilang tinitinda
papasok ang konsepto ng pananalig lalo na sa mga nagtitinda ng herbal medicine. Sa palagay ko, unti na
lamang ang gumagamit o nagtitiwala dahil na rin sa mga teknolohiya kasabay ng patuloy na pagbabago
ng panahon, na ginagamit upang pagalingin ang mga karamdaman na ang tingin ng mga doktor ay
medisina lamang ang nakagagawa. Ngunit sa kabilang banda, may mga taong naniniwala na hindi lahat
pagsuway sa mga kaugalian ng isang angkan kaya’t madalas ay sa mga nilalang na sinasabing may
angking kakayahang manggamot na hindi gumagamit ng kahit anong bagay na may kinalaman sa
Page 5 of 12
siyensya sa halip mga herbal na gamot, dasal, o engkantasyon ang sinasambit upang labanan ang mga
espiritu na may likha ng ganitong uri ng sakit (Cultural Anthropology II edition). Ayon kay Aling Judy,
kadalasan ang mga manggagamot na ito ang nagmumungkahi sa kanilang mga pasyente kung tawagin,
ang lugar ng Quiapo upang bumili ng mga herbal na gamot na kanilang kakailanganin para tuluyang
gumaling. Ang mga taong ito’y patuloy na naniniwala sa mga “manggagamot” at sa herbal na gamot
kaya binabalik-balikan nila ang Quiapo. Isa ito sa dahilan kaya nakilala ang Quiapo sa mga ganitong
konsepto.
Ang huli, ang mga tindera na nagtitinda ng herbal medicine ay patuloy na namamalagi sa Quiapo at
tumatagal doon nang mahigit sa ilang dekada, ang iba pa nga’y minana pa sa kanilang ninuno kaya’t
makikita na mayroon silang pananalig na kahit anong mangyari, mabubuhay sila kahit na kung titingnan
ay simple lamang ang kanilang paninda pero hindi pangkaraniwan (not common), alam nilang may bibili
sa kanila. Para sa mga tinderang naroroon, sila’y nagtitiwala hindi lamang sa kanilang paninda kung ‘di sa
mga bumibili sa kanila dahil ang hangad lamang naman nila ay makatulong sa kapwa. Ang ganitong
kultura ay salungat sa kultura ng mga Pirahas (pangkat sa Etnograpiya ni Daniel Everett) kung saan wala
sa kanilang nakaugalian ang tumulong sa kapwa dala na rin ng pagkakaiba sa kultura na mayroon sila.
Hindi rin sila gumagawa ng paraan (effort) para masolusyunan ang isang problema lalo na kung may
kinalaman ito sa sakit. Sabi nga ni Aling Judy na, “Hindi ka naman namin pipilitin maniwala at bumili.
Kung gusto mong gumaling at hindi na kaya ng medisina, nasa sa iyo kung susubukan mo ang aming
tinda. Sa’yo naman ang may mawawala.” Kahit sino ata ang makarinig ng ganito ay magdadalawang-isip
na subukang gumamit ng herbal medicine ngunit maaaring mahikayat dahil pansariling kawalan kapag
hindi sinubukan. Kung dumating naman sa punto na ikaw ay bibili, bukod sa pagbibigay ng direksyon sa
tamang paggamit ng gamot ay sinasabihan na “Magtiwala ka para tumalab ang iyong binili” dahil kapag
hindi ito tumalab, ang tanging may dahilan o dapat sisihin ay iyong gumamit nito (Posadas 2012-2013).
Katulad ng misyonero na si Daniel Everett sa kaniyang akda na Don’t Sleep There Are Snakes kung saan
Page 6 of 12
naranasan niya ang matinding pagsubok, ang kaniyang pananampalataya ay nasubok kung hanggang
saan siya mananalig sa kabila ng sitwasyon na kaniyang pinagdaraanan, mga Pirahas na nakapaligid sa
kaniya, at ilang mga tao na hindi handang tumulong para sa iba. Makikita sa akdang ito ang pagkakaroon
pagsubok na pinagdadaanan.
Isa sa makikita sa lalagyanan ng mga nagtitinda ng herbal medicine ay ang kilalang “Pamparegla”
na pinakakilala sa lahat at may tatlong uri - liquid na nakalagay sa bote na may halagang P150-200.00 at
madalas na nakadisplay, powder na nakalagay sa pakete at kulay berde na may halagang P100.00, at ang
capsule na patagong binebenta sapagkat ito’y pinagbabawal doon na may halagang P250.00 bawat isa.
Bukod sa “Pamparegla,” makikita rin sa kanilang lalagyanan ang ilan pang herbal medicine tulad ng
“Makabuhay” na gamot sa Diabetes ngunit sinasabi rin ng iba na maaari itong maging pamparegla, ang
“Pito-pito” ay pitong uri ng dahong gamot sa diarrhea at nagpapantal na mabibili sa halagang P20.00
maaaring maging proteksyon upang hindi lapitan ng mga ito, ang “tawa-tawa” ay isang halamang gamot
na ginagamit sa may dengue (Randolf), mayroon din namang gamot sa rayuma, binti, pangontra sa
gayuma, pure coconut oil (Randolf), at marami pang iba na makikita roon. Ang mga nabanggit ay
Page 7 of 12
Ang iba’t ibang herbal medicine na makikita sa kanilang lalagyanan.
Dahil ang “pamparegla” ang kilala, ito ang aking pinakanasiyasat sa lahat dala na rin ng kuryusidad.
Ang pamparegla ay nilikha hindi lamang sa mga nais magpalaglag, ginagamit din ito kapag ang isang
babae ay irregular ang menstruation period, delay dahil may mga kinain na bawal kapag mayroon ang
isang babae, o hindi pa nagkakaroon kahit nasa hustong edad upang datnan. Ang “Pamparegla with
herbal medicine 1-2 months” ay ang natatanging produkto sa kanilang tinitinda na may malaking
pangalan kaya’t malayo pa lang mapapansin na. May ibang mga tindera na ang paskil ng pangalan nito
ay inilalagay sa ibang bahagi ng produkto na kaniyang tinitinda upang hindi mahalata. Sa unang tingin,
aakalaing honey sapagkat gaya ng pangkaraniwan na nabibiling honey, nakalagay rin ito sa bote ng
Ang ayos ng bawat isang produkto ay naaayon sa laki at uri (solid, liquid, dry) nito. Bukod sa herbal
medicine, makikita rin ang tawas, mothball, at pure 100% honey na kabilang sa mga nakahilera sa herbal
medicine. Tinanong ko si Aling Nora kung gumagamit din ba siya ng mga produkto na kaniyang tinitinda,
agad niyang kinuha ang tawas at sabay sagot ng “Oo, gumagamit ako nito.”
Page 8 of 12
Karanasan bilang pagtuklas
Kung hindi mo mararanasan at mararamdaman hindi ka naman maghahanap ng lunas. Ito ang
patuloy na nagtutulak sa mga tindera sa Quiapo, at sa mga patuloy na naniniwala at bumibili sa kanila.
Sa hirap ng buhay ngayon kahit ano papasukin para mabuhay at may ipangtustos lamang sa pamilya.
Hindi iniisip ang possibleng kahinatnan ng kanilang ginagawa lalo na kung isang komunidad silang
nagkakaisa (Society and Personality). Ilan ito sa mga pananaw ng aking mga nakapanayam na tindera na
nagtitinda ng herbal medicine, hindi naman alintana na mas mabili ang mga tinitinda ng kanilang mga
kasamahan ngunit patuloy pa rin nila itong pinanghahawakan dahil na rin sa iba’t ibang dahilan tulad na
Si Aling Judy ay matagal ng tindera sa Quiapo, ang pagtitinda ng herbal medicine ang ikinabubuhay
ng kaniyang mag-anak. May kumuha lamang sa kaniya upang pumalagi sa Maynila at sa Quiapo
magtinda. Ayon sa kaniya, hindi madali magtinda nito lalo na sa panahon ngayon na matumal ang
bentahan kaya madalas ay wala siyang kita pero patuloy pa rin siya sa ganitong gawain. Minsan ay
nangungutang na lang sila para malampasan ang mga pangangailangan sa isang buong araw. Ang
pangungutang ay karaniwan sa mga tindera na namamalagi doon. Pero bago ko siya nakapanayam ay si
Aling Linda muna ang aking nakausap, hindi pa sana si Aling Linda papayag na makapanayam kaya ang
naging sagot niya ay, “Sige, may anak rin naman ako.” Sa pakikipag-usap sa kaniya, kapansin-pansin ang
hindi niya pagiging komportable, bukod sa limitado ang kaniyang sagot, hindi siya makatingin sa akin,
ang galaw niya rin kaya sa huli noong dumating ang kaniyang kasamahan, ipinasa niya ako kay Aling
Judy. Tulad ng naunang tindera, hindi rin tumitingin si Aling Judy sa akin habang kinakausap niya ako.
Marahil ay naghahanap siya ng mamimili kaya minsan tinutulungan ko na lang siya magtawag sa mga tao
upang lumapit. Sa kabila nito, unti-unti siyang naging komportable kaya may mga pagkakataon na
nagbabahagi siya, mapalawak lamang ang sagot na aking kailangan tulad ng pagbibigay ng personal na
Page 9 of 12
karanasan kung saan mismong siya at ang kaniyang mag-anak ang gumagamit ng herbal medicine. Tulad
ng pagbibigay ng halimbawa, ang kaniyang ama na may cancer, bukod sa umiinom ng gamot ay
sinasabayan din nito ng ilang herbal medicine. Ayon sa kaniya, “Sino pa ba ang magpapatunay nito kundi
ako lang naman dahil naranasan at nasubukan na namin. Nanay ko ang nagturo at nagpakilala sa amin
nito at nakita ko talaga ang pagiging epektibo nito. ” Ang kaisipan na ganito ay makikita hindi lamang kay
Aling Judy kung ‘di sa mga tao na lubos na may pagtitiwala sa kanilang paninda kaya’t alam nila na hindi
sila bibiguin nito. Ito ang patuloy na magbibigay kasiguraduhan sa kanilang pinansyal na
pangangailangan kahit maging matumal man ang bentahan ng mga ito. Sa ganitong pangyayari kaya ako
nagpasya na maghanap ng isang matandang tindera nang saganoon makakuha ako ng sapat na
impormasyon na aking kakailanganin. Ngunit nabigo ako dahil ang mga matatandang tindera bukod sa
marami silang alam, iwas silang makipag-usap kung ang layunin mo ay kapanayamin sila tungkol sa
kanilang buhay at tinitinda. Sanay na sila sa mga ganitong tao at alam nilang sa impormasyon na ibibigay
nila ay maaaring magdulot ng kapahamakan o pagkawala ng lahat ng ito sa kanila kaya naman pinili ko
Sa aking pag-iikot pilit kong iniiwasan kausapin ang mga tindera na halos magkakatabi dahil nakita
kong isa rin ito sa dahilan kaya ayaw nilang makipanayam. Dahil nabigo ako sa pangalawang tindera na
matanda kaya nauwi ako sa isang tindera na napapalibutan ng ilang mga tinderang nagtitinda rin ng
herbal medicine. Noong una, ayaw niya rin pumayag dahil wala siyang boses pero tingin ko tulad din ng
iba, ayaw niya lang magbigay ng impormasyon, sa huli, pumayag din siyang makipag-usap sa akin. Hindi
tulad ng mga naunang tindera na aking kinausap, si Aling Nora ay napakadaldal, bukod sa mga tanong
ko, siya na mismong nagkukuwento at nagsasabi ng mga impormasyon, para bang naging komportable
na siya sa akin kaya lumabas na nagkukuwentuhan lang kami. Kaya nga bago magsimula ay nagsabi na
siya na, “Ano kapalit nito? Kahit pang-meryenda lang. Syempre kinuha mo oras ko kaya dapat kahit
meryenda lang.” Naging maganda ang pag-uusap namin mula sa buhay tindera niya, sa kaniyang mga
Page 10 of 12
tinitinda, sa kaniyang pananaw, at personal na karanasan tungkol sa mga herbal medicine. Ipinakilala
niya rin sa akin kung sino iyong kinukuhanan nila ng plastik, kung paano ang kalakaran nila sa kaniya at
ang pag-utos na bumili ng ilang herbal na mga bagay na kinukuha sa Divisoria. Sa lahat ng kaniyang mga
paninda, natuon ang aking atensyon sa pamparegla kaya iba’t ibang karanasan ang kaniyang mga
binahagi ukol dito. Nabanggit niya rin na para sa kaniya, ang pagtitinda sa labas ng simbahan ay isang
simpleng gawain lamang katulad sa ibang mga lugar. Hindi niya rin nakikita na kasalanan ang kanilang
ginagawa bagkus ang kaniyang pananaw ay nakatuon sa kanila bilang isang dekorasyon sa labas ng
simbahan kapag nawala ay magiging simple at hindi kapansin-pansin tingnan. Nang malapit ng matapos
ang aming usapan, nagtanong ako ngunit hindi nasagot dahil bigla siyang tinawag ng kaniyang mga
kasamahan, ilang minuto rin siyang nawala at pagbalik niya, sabi niya, “Ok na ‘yan, masakit na
Maliban sa karanasan ay kinakailangan din na may personal na kaalaman sa medisina dahil ito rin
ay nakatuon sa paniniwala at ugali ng isang tao lalo na’t ito’y kinakailangan ng ibayong pag-iingat
sapagkat buhay ng tao ang nakasalalay (Good). Hindi sapat ang paniwalaan lamang ang sinasabi ng iba,
kinakailangan din magsaliksik upang magkaroon ng matibay na ebidensya lalo na kung ang magiging
basehan lang ay ang tiwala. Marahil sa mga tindera, hindi man sila direktang nanggagamot, sila ang
nagiging tulay sa paggaling ng isang nangangailangan kaya’t ang pananalig at pananampalataya ang
Page 11 of 12
Sanggunian:
Everett, Daniel L. (2008) “Don’t Sleep, There Are Snakes (Life and Language in the Amazonian
Jungle)”
Randolf, Flores L., et.al, “Scholars Academic Journal of Bioscience (SAJB),” Ethnomedical Study of
Plants Sold in Quiapo, Manila, Philippines. Scholars Academic and Scientific Publisher
Posadas, Kathleen, et.al (2012-2003) “Organized Chaos (A Cultural Analysis of Quiapo)” Quiapo on
Page 12 of 12