ULAT SANAYSAY PASALAYSAY

PATASerye’ 2018 : Patuluyang Pagsasanay ng mga Guro sa Antas Elementarya,

Sekondarya at Senior High School

Ang pagiging guro sa mga mag-aaral ng ika-21 siglo ay hindi madali. Ito’y isang
malaking hamon na kinakailangan makasabay ang mga guro sa agos ng globalisasyon at sa mga
makabagong teknolohiya na magagamit at makatutulong tungo sa mabisang pagkatuto ng mga
mag-aaral.

Bunsod nito, ang Tagamasid Pansangay sa Filipino lungsod ng Navotas na si Dr. Rico
Tarectecan ay pinangunahan ang pagbibigay ng seminar o PATASerye’ 2018 para sa mga guro
sa Filipino, na ginanap ang unang bahagi noong Nobyembre 17, 2018 sa Paaralang Elementarya
ng Daanghari.

Ang ikalawang araw naman ay noong Disyembre 1, 2018. Nagsimula ang programa sa
pag-awit ng pambansang awit na sinundan naman ng isang mataimtim na panalangin, pagkanta
ng awit ng Navotas, pagsayaw ng pampagpasigla at pagpapanuod ng bidyo ng mga larawan ng
kaganapan sa unang araw ng seminar. Ang mga ito’y sinundan ng pagbibigay ng panimulang
mensahe ni Dr. Rico C. Tarectecan (Tagamasid Pansangay sa Filipino lungsod ng Navotas).
Winika niya ang mga paksang tatalakayin, layunin ng PATASerye 2018’ , at ang iba pang mga
aktibidad ng kagawaran na may kinalaman sa pagpapataas ng antas ng kalidad ng pagtuturo ng
mga guro sa Filipino. Kasunod nito ay pinakilala ng guro ng palatuntunan ang unang
tagapanayam para sa araw na iyon.

Ang unang tagapanayam ay isang Puno ng Kagawaran ng Filipino sa Far Eastern

University at tagapangulo ng PASADO o Pampelikulang Samahan ng mga Dalubguro. Ang
kanyang paksa ay “Kagamitang Panturo: Pagbuo at Paggamit”. Ang mga nakapaloob sa kanyang
paksa ay ang mga sumusunod:

 Kahulugan, Layunin, at Mga Kabutihang Naibibigay ng mga Kagamitang

Pampagtuturo
 Paglikha ng Lunsaran sa Paglalahad ng mga Aralin sa Filipino
 Paraan at Paggamit ng Tula at Anekdota
 Pagsulat at Hakbang sa Paggawa ng Alamat
 Komik Istrip at Balita
 Kahulugan at Halimbawa ng Paraan ng Paggamit ng Anunsyo
 Pagbuo at Pagsulat ng Teksbuk/Aklat
 Uri ng Publishing para sa mga Awtors at Ekspektasyon ng mga Awtors
 Bahagi ng Aklat at Pagsulat ng Manuscript

Matapos ang kanyang lektyur ay nag-workshop na ang mga guro. Ang gawaing iyon ay
bubuo ang mga guro ng halimbawa ng kagamitang panturo, tulad ng iba’t ibang panitikan.Sa
kasalukuyan ng worksyap, ang tagapanayam ay nagbigay ng kanyang opinyon at mungkahi, isa
rito ay paglikha muna ng Alamat ng Navotas at saka bubuo ng iba’t ibang gawain at mga
paksang maaring ikonekta. Sa pagpapatuloy, ang mga likha ng mga guro ay agad na sinuri,
binigyan ng komento kung paano ito higit na maiaayon sa pagkatuto ng mga mag-aaral at
nagkaroon ng malayang tanungan nang sa gayon ay mabigyang linaw ang mga katanungan sa
isip ng mga guro.

Sa ganap na 12:00 ng tanghali ay tuluyan ng natapos ang makabuluhang seminar ni Dr.

Emmanuel S. Gonzales at siya’y ginawaran ng sertipiko ng pagkilala sa pangunguna ng ating
Tagamasid Pansangay sa Filipino lungsod ng Navotas na si Dr. Rico C. Tarectecan. Pagkatapos
nito ay pansamantalang nagpahinga at kumain kanilang tanghalian ang lahat.

Sa ganap naman na 1:00 ng hapon ay agad na pinakilala ng guro ng palatuntunan ang

ikalawang tagapanayam para sa araw na iyon. Ito ay si Ginoong Dr. Rico C. Tarecteran, ang
siyang Tagamasid Pansangay sa Filipino lungsod ng Navotas. Ang kanyang paksa ay
“Estratehiya ng Pagtatanong”. Sinimulan niya ang kanyang paksa sa pagbibigay ng layunin ng
sesyon. Siya rin ay nagpanuod ng bidyo ukol sa kanyang lektyur at nagpagawa ng mga
makabuluhang tanong na mula sa kanyang paksang ibinigay. Ang mga tanong na nilikha ng mga
guro ay agad na sinuri, binigyan ng mga komento at paraan upang higit na maisaayos ang
pagbuo isang tanong.

Sa kahuli-hulihan ng kanyang panayam ay agad din siyang nagbigay ng kanyang

pangwakas na pananalita para kanyang mga kaguruan sa Filipino. Matapos nito ay agad na ring
isinagawa ang paggawad ng sertipiko. At bilang alaala ng araw na iyon, ang lahat ay nagsama-
sama para isang masayang litratuhan.

Sa kabuaan, tunay ngang napakalaki ng ambag ng mga ganitong makabuluhang gawain

para maingat pa ang antas ng kahusayan at kaalaman ng mga guro sa Filipino, nang sa gayon ang
lahat ng mga kaguruan ay higit na manguna sa mga kaalaman at sa mga makabagong estratehiya
ng pagtuturo tungo sa hamon ng pag-usbong ng globalisasyon, makabagong teknolohiya at
lalong-lalo na sa mga mag-aaral ng ika-21 na siglo.
 Mga Larawan ng Kagapanan ng Ikalawang Sesyon ng PATASerye’ 2018

“ Patuluyang Pagsasanay Para sa Mga Guro ng Ika-21 Siglo sa Antas Elemtarya,

Sekundarya at Senior High School”