See discussions, stats, and author profiles for this publication at: https://www.researchgate.

net/publication/356853584

Pagtuturo ng Asignaturang Filipino Ngayong Online Class

Article · December 2021

CITATIONS READS
0 6,712

1 author:

Ronnel Lopez
La Consolacion University Philippines
1 PUBLICATION   0 CITATIONS   

SEE PROFILE

Some of the authors of this publication are also working on these related projects:

Mga Kagamitang Maaaring Magamit sa Pagtuturo ng Asignaturang Filipino Ngayong Online Class View project

All content following this page was uploaded by Ronnel Lopez on 08 December 2021.

The user has requested enhancement of the downloaded file.

Paksa: Pagtuturo ng Wika at Panitikang Pilipino sa Panahon ng Pandemya

Pagtuturo ng Asignaturang Filipino Ngayong Online Class

Ronnel V. Lopez
ronnel.lopez@email.lcup.edu.ph
Disyembre 2021

Abstrak: Ang pagtuturo ng asignaturang Filipino ay isang malaking hamon sa bawat kaguruan.

Ang kawalang interes ng mga mag-aaral na matutunan ang sariling wika ay lubhang

nakalulugmok para sa damdamin ng isang guro. Nakaragdag pa ang pangkasalukuyang krisis sa

kalusugan na kinakaharap din ng sektor ng edukasyog kung paano maipagpapatuloy pa rin ang

pag-aaral kahit nasa gitna ng pandemya. Ang sulating ito ay tatalakay sa ilang pamamaraan na

maaaring magamit at makatulong sa pagtuturo ng wika at panitikan sa asignaturang Filipino.

Kung paano ito magiging nakalilibang at sa kabilang banda ay may matutunan.

Mga Susing Salita: online class, gamified application, asignaturang Filipino, at teknolohiya

1. Ako Bilang Guro ng Asignaturang Filipino

Ang pagtuturo ng wikang Filipino sa kabataan noong bago ang pandemya ay lubhang

mapanubok para sa ilang mga guro. Ang kakulangan ng interes ng mga mag-aaral na matutunan

ang sariling wika ay kapansin-pansin sa karamihan ng mga kabataan ngayon. Dagdag pa rito ang

matinding impluwensya ng mga dayuhang kultura tulad ng anime ng Japan, Kpop ng Korea, at

mga pelikula ng mga Thai na mas nakaaagaw pansin sa mga kabataang Pinoy at mas nais nila itong

matutunan. Mas binibigyang pansin ang pagkatuto sa wikang Ingles upang makipagsabayan sa

umuunlad na panahon.

1
 Paano nga ba mapananatili ang pagmamahal sa sariling wika kung hindi interesado ang

mga mag-aaral sa wikang sarili? Unti-unti nga bang nawawala ang pagmamahal sa sariling wika?

Ikinukunekta ng wika ang nakaraan sa kasalukuyan. Iniingatan din nito ang ating kultura at mga

tradisyon. Maaari raw mawala ang matatandang henerasyon subalit sa pamamagitan ng wika,

naipapabatid pa rin nila ang kanilang mga ideya, tagumpay, kabiguan, at maging ang kanilang mga

plano o adhikain (Barker, 1993). Ang wikang Filipino ay pamana ng ating mga ninuno na hindi

dapat mawala bagkus ay pagyamanin.

Ang biglaang pagbabago ng pormat ng edukasyon ngayon dahil sa pandemya ay

makadaragdag pa sa suliranin ng mga guro kung paano magiging kapana-panabik ang pagtuturo

ng asignaturang Filipino. Kailangang ng mabisang estratehiya upang ang pagmamahal sa pag-aaral

ng sariling wika ay maibalik o tumimo sa puso ng bawat mag-aaral ang kahalagahan nito. Ang

sumisidhing kagustuhan ng mga guro sa Filipino na maturuang mahalin ng mga kabataan ang

wikang atin ay patuloy na lumiliyab.

Ang pagiging masaya sa serbisyo bilang guro at ang pagiging masaya sa klase ay

magbubunga ng ibayong kahusayan sa pagtuturo (Cabigao, 2021).

Anuman ang husay ng mga pamamaraan at kagamitan ng guro sa pagtuturo, huwag pa rin

nating kalilimutan ang malaking ambag ng mga magulang at ng tahanan sa lubos na pagkatuto ng

mga mag-aaral. Habang tayo ay nagpapakahusay sa pagdukal ng karunungan sa larangan ng

pagtuturo, alalahanin natin na ang pakikipag-ugnayan ng guro sa tahanan ng mga mag-aaral ay

isang mahalagang estratehiya upang patuloy na mahikayat ang mga mag-aaral na makatugon sa

mga pangangailangan ng kanilang mga asignatura sa paaralan. Ang pakikilahok ng mga magulang

sa pag-aaral ng kanilang mga anak ay lubhang mahalaga (Cabigao, 2014). Makakamit ang inaasam

na layunin kung ang bawat guro sa paaralan, kaisa ng mga magulang sa tahanan ay magtutulungan.

2
2. Ang Pagtuturo ng Wika [at Gramatika]

Napakahalaga ng papel na ginagampanan ng wika noon at maging ngayon sa kasalukuyan.

Mas nagkaka-intindihan ang bawat mamamayan dahil madali at malayang naipapahatid ng mga

Pilipino ang kanilang saloobin at kaisipan (Albay, 2019). Hindi sapat na malaman lamang ng mga

bata kung paano makipag-usap na gamit ang ating sariling wika, nararapat lamang na tama ang

mga pangngalang kanilang gagamitin. Kung ito ba ay pangngalan ng tao, lugar, o hayop. Maging

ang tamang gamit ng mga panghalip ay dapat din nilang matutunan nang tama. Kung ang

pinapalitan ba ng panghalip ay para sa tao o hayop. Kung ang itinuturo ba ay nasa malayo o malapit

lamang. Kailangan matutunan ito ng mga kabataan upang magkaintindihan nang mabuti ang mga

nag-uusap at hindi magkaroon ng kalituhan.

Habang ang ayos ng ating paaralan ngayon ay online, maaaring samantalahin ang

paggamit ng mga gamified application sa pagtuturo upang maging mas epektibo ang mga ito. May

mga gamified application na maaaring magamit upang ang patuturo ng wika ay maging mas

kapana-panabik at nakalilibang at sa kabilang banda ay may matutunan. “Ang laro ay nagbibigay

ng mga pagkakataon sa mga bata na matuto habang tumutuklas, lumilikha, kumakatha at

naghihiraya. Nagagawa ng laro na maging kaenga-enganyo ang kapaligiran upang ang mga bata

ay magtanong, lumutas ng problema at sumabak sa kritikal na pag-iisip. Napalalawak ng laro ang

pag-iisip ng mga bata at pinalalakas ang pagnanasang umalam at matuto.” (EYLF, 2009)

Ang mga sumusunod na gamified application ay maaaring gamitin sa pagtatalakay sa wika

at gramatika:

1. Kahoot

2. Genially

3
 3. Nearpod

Pinakita ng mga pag -aaral sa buong mundo na ang mga bata ay natututo at umuunlad

habang kasali sila sa makabuluhang larong batay sa mga karanasan (FKA Children’s Services).

Ang pagkahumaling ng mga mag-aaral sa mga laro sa online ay maaaring gamitin ng mga guro

upang ang pagtuturo ng wika ay maging mas epektibo. Kailangan nating mga guro na sumabay sa

agos ng pagbabago at samantalahin ang mabuting dulot ng teknolohiya.

3. Ang Pagtuturo ng Panitikan

Maraming mabubuting epekto ang pagbabasa. Sinasabi rito na ang pagbabasa ay isang

importanteng life skill. Nakatatalas ng pag-iisip, napa-uunlad ang bokabularyo at nakatutulong

upang maging malikhain ang isang tao (Nixon,2014). Malaking hamon sa ating mga guro ang

mahikayat ang mga mag-aaral na magbasa ng mga akdang katulad ng mga alamat, pabula, tula,

nobela at ilang mga panitikan na tiyak na kapupulutan ng gintong aral. Kalaban natin sa atensiyon

nila ay ang paggamit ng internet. Ang mga estudyante ngayon ay babad na sa

internet ni hindi na nga sila halos makabasa ng libro dahil ang katwiran nila ay may internet na.

Nakaasa na sila sa mga website na sa tingin nila ay makakatulong sa kanila (de Valle, et. al., n.d).

Maraming paraan upang maging kapana-panabik ang pagtuturo ng panitikan sa mga mag-aaral

ngayong online. May ilang kagamitang maaaring magamit upang ang pagtuturo niyo ay makaakit

sa mga mag-aaral upang magbasa. Ang mga sumusunod ay maaaring gamitin sa pag-prepresent

ng akdang babasahin:

1. PowerPoint Presentation
2. Nearpod Presentation
3. Canva
4. YouTube

4
 Ang panitikang Filipino ay bahagi ng ating kultura na dapat pagyamanin at isalin sa mga

susunod na henerasyon. Huwag nating hayaan na tuluyang mawala ang ilang panitikan na bahagi

na ng ating kasaysayan. Ang mga guro ay dapat maging handa sa mga pagbabagong biglaang

nagyayari. Kung ang guro ay hindi handa, maaaring hindi niya magampanan ang

responsibilidad ng isang guro. Ang guro ay dapat laging handa sa kanyang pagtuturo upang

makita ang ganap at epektibong relasyon ng pagtuturo at pagkatuto. Kung ang guro ay hindi handa,

hindi niya magagampanan ang resposibilidad ng pagiging guro. (Gurney, 2007).

4. Ang Pagtataya ng Pagkatuto sa Asignaturang Filipino

Isa sa mahalagang katuwang ng guro sa pagtuturo ang isang mabisang kagamitang panturo na

sasagot sa hamon ng pagbabago ng panahon, ang mga kagamitang panturo na magsisilbing

tagapaghatid ng kaalaman at tagapaglinang ng mga kasanayan sa isang mag-aaral. Isa sa mga

katangian na kailangang taglayin nito ay tumutugon sa pangangailangan ng isang kurikulum na

iniimplementa sa isang paaralan. Bagama’t talamak ang komersyalismo sa paglilimbag ng isang

teksbuk, hindi dapat nitong naisasantabi ang kredibilidad at kwalidad na taglay nito bilang isang

kagamitang panturo.(Lazaro-Zamora, 2016)

Malaking hamon sa panahon ng pandemyang ito ang pagtataya ng pagkatuto ng mga mag-

aaral. Sa isang modelo ng pagtataya ng pagkatuto na binuo ni Cabigao (2021) ngayong COVID-

19 pandemic, binigyang-diin niya ang tatluhang-ugnayan ng mga salik na nakaaapekto sa

pagtataya. Binanggit niya na upang maging epektibo sa pagtataya, mahalaga ang ugnayan ng (a)

pagsunod sa minimum [required] health standards, (b) alternative learning delivery modalities, at

(c) learning resources. Nakaaapekto rin sa mabisang pagtataya ang ugnayang DepEd Vision-

Mission-Core Values, gayundin ang ugnayang Paaralan-Tahanan-Pamayanan, at ang ugnayan ng

5
tatlong anyo ng pagtataya, ang Assessment For-As-Of Learning. Kung maayos ang ugnayan ng

mga naturang salik, nakatitiyak na ang mga mag-aaral, bilang sentro sa proseso ng pagtuturo at

pagkatuto, ay lubos na matututo at makikinabang nang husto.

Ang pagtataya ang susukat sa kaalaman ng mga mag-aaral hinggil sa tinalakay na paksa.

Nararapat lamang na ang pagtatayang gagawin ng guro ay tiyak na masusukat ang lebel ng

kaalaman ng mga mag-aaral ayon sa paksang tinalakay. Bilang guro sa pribadong paaralan ang

pagtataya na aming ginagawa ay nasa loob ng aming platform, Schoology, may mga nakahandang

template na maaaring gamitin sa pagtataya at nakasisigurado na nakalinya ito sa matibay na

pagsukat ng pagkatuto ng mga mag-aaral.

5. Sanggunian

Albay, J. (2019) Epekto ng Modernisasyon ng Wikang Filipino sa Pag-aaral ng mga Senior High
School sa Universidad ng Pangasinan
https://www.academia.edu/33470031/Epekto_ng_modernisasyon_ng_wikang_filipino_sa
_pag_aaral_ng_mga_Senior_High_School_sa_Unibersidad_Ng_Pangasinan

Barker (2003) https://pdfcoffee.com/ang-epekto-ng-dayuhang-impluwensya-sa-wika-at-kultura-

ng-mga-estudyante-sa-gusa-regional-science-high-school-1docx-pdf-free.html

Cabigao, J. R. (2014). Improving Pupils' Academic Performance Through Strengthened School-

Home Partnership.
https://www.researchgate.net/publication/337111225_Improving_Pupils'_Academic_Perf
ormance_Through_Strengthened_School-Home_Partnership

Cabigao, J. R. (2021). Class Observation Post Conference Framework for Teachers. IJAMR
Volume 5. 256-258.
https://www.researchgate.net/publication/349692651_Class_Observation_Post_Conferen
ce_Framework_for_Teachers

Cabigao, J. R. (2021). School-Based Assessment Framework Version 2.0 (The New Normal).
International Journal of Multidisciplinary Research Review. Volume 5. 106-108.
https://www.researchgate.net/publication/349463546_School-
Based_Assessment_Framework_Version_20_The_New_Normal

de Valle et. al. (n.d) Bilang bahagi ng pananaliksik sa Filipino II Pagbasa at pagsulat tungo sa
pananaliksik

6
 https://www.academia.edu/11621043/Pagbaba_ng_Bilang_ng_mga_estudyanteng_nagba
basa_ng_libro

EYLF, (2009) https://www.acecqa.gov.au/sites/default/files/2018-

02/belonging_being_and_becoming_the_early_years_learning_framework_for_australia.
pdf

FKA Children’s Services, https://fka.org.au/cms_uploads/docs/learning_through_play---

tagalog.pdf

Gurney, P. (2007) Five Factors for Effective Teaching

https://www.researchgate.net/publication/252111838_Five_Factors_for_Effective_Teaching

Lazaro-Zamora N.C. (2016) Pagtataya sa Modularisasyon ng K-12 sa Asignaturang Filipino:

Tungo sa Pagbuo ng Modelo ng Ebalwasyon para Kagamitang Panturo na Tutugon sa Ika-
21 Siglong Kasanayan
https://po.pnuresearchportal.org/ejournal/index.php/normallights/article/viewFile/260/16
3

Nixon, G. (2014) https://www.gemmlearning.com/blog/reading/benefits-reading/

View publication stats