Panimula:

Nagsimula ang pagpili ng salita ng taon noong taong 2004 na itinaguyod ng Filipinas Institute of

Translation, ang pagpili ng salita ng taon ay tinatawag na "sawikaan". Bago magkaroon ng

Sawikaan, nagdaos ng kumperensya ang FIT na tinawag na Ambagan kung saan nag-ambagan ng

iba't-ibang salita mula sa iba't-ibang wika sa bansa upang mapagyabong ang wikang pambansa.

Ang proseso ng pagpili ng salita ng taon ay nagsisimula sa paglabas ng anunsyo o panawagan

upang maglahok ng mga salitang ginagamit ng mga mamamayan sa iba’t-ibang antas ng pagtukoy

at pag-unawa sa kanilang mga pansarili at panlipunang karanasan.

“Ang matalas nating pagsubaybay, paglitis, at pagsuri ng mga salita ay makatutulong sa atin

kahit paano upang maunawaan ang estado ng ating pambansang wika ngayon.” (Añonuevo, 2007,

viii)

Ang pag-aaral na ito ay nakatuon sa pagsusuri sa "sana ol" bilang salita ng taon batay sa mga

sumusunod na batayan na itinikda ng FIT.

1.) Bagong imbento

2.) Bagong hiram mula sa katutubo o banyagang wika

3.) Luma ngunit may bagong kahulugan

4.) Patay na salitang muling binuhay

Tatalakayin ng pag-aaral ang mga dahilan at mga salik upang manomina o maitakdang salita

ng taon ang “Sana Ol”.

 Kaligiran ng Pag-aaral

Ang pag-aaral sa mga namamayagpag na mga salita na pumukaw sa damdamin at atensyon

ng mga tao sa bansa ay napakahalaga upang maunawang lubos ang kalagayan ng pambansang

wika. Ayon kay Baquiran (2008), hindi lamang trabaho ng mga lingguwista ang pag-aaral sa wika

kundi tungkulin din ng mga gumagamit nito.

Ayon kay Prof. Michael Coroza, Opisyal ng FIT, nadadagdagan ang mga salita dulot ng

maraming elemento ng lipunan at pinatutunayan nito na buhay ang wikang Filipino.

Sa taong kasalukuyan (2019) ang “Sana Ol” ay isa sa sa mga namayaning salita sa mga

diskursiyon. Madalas itong marinig sa mga araw-araw na usapan at mga post sa social media.

Ayon kay James Lorenz, ang “Sana Ol” umano ang pinakamadalas na gamitin na salita sa taong

2019. (twitter.com/ItsJamesLorenz). Ang “Sana ol” ay nagmula sa pinagsamang salitang tagalog

na “sana” at ingles na “All” na ang ibig sabihin ay lahat kung kaya’t ang pakahulugan sa “Sana

Ol” ay “sana nararanasan ng lahat” (Urban Dictionary). Maaari rin itong iugnay sa pagka-inggit

sapagkat binabanggit ito madalas sa tuwing nais mong macaroon ng isang bagay na meron ang iba

o maranasan ang nararanasan ng iba.

Ayon sa pag-aaral ni Galvan at Belo, (2016) ang wikang Filipino ay patuloy na umuunlad at

nagbabago at gumagamit rin ang mga mamamayan ng iba’t-ibang paraan upang mas mapadali ang

pagbigkas o paggamit ng ating wika. Madalas rin dulot ito ng kulturang popular (Komisyon sa

Wikang Filipino)

Ang mga napiling salita ng taon sa nagdaan na mga taon ay sumasalamin sa mga

kontrobersiya at iskandalo sa pulitika, mga bagong usong dala ng teknolohiya , pop culture, at

mga usaping naging tatak ng nagdaang taon. (ABS-CBN News,2017).

Konseptwal na balangkas i

Input

 Mga batayan sa pagpili ng salita ng taon

 Mga salik na nakaapekto sa paggamit ng “Sana ol”
 Persepyon ng mga tao sa salitang “Sana ol”

Proseso

 Pasasagawa ng sarbey
 Pagkonsulta at pagsangguni sa mga kaugnay na
pag-aaral
 Pagkolekta ng datos
 Pag-interpreta sa mga resulta
 Pagbuo ng konklusyon
 Paglalagom

Osamutput
 Ang pag-aaral na ito ay naglalayong masuri ang
salitang “sana ol” at makapagbigay kaalaman sa
mga mambabasa at mabigyang kahalagahan ang
pagsusuri sa ating wikang pambansa.
 Tiyak na Layunin

1. Makuha ang kaalaman at persepyon ng mga mag-aaral sa salitang “Sana Ol”

2. Mapagtibay ang “Sana ol” bilang salita ng taon.

3.

Kahalagahan ng pag-aaral

1. Ang pag-aaral na ito ay magiging makabuluhan sa pagpapaunlad ng wikang

pambansa at pagsuri sa kalagayan ng ating wika .

2. Makapagbibigay ito ng kaalaman hindi lamang sa mga linggwista kundi sa maging

sa ordinaryong mamamayan na gumagamit n gating wika.

3. Paghubog sa kamalayan ukol sa wika o salita ng taon.

Metodolohiya

 Disenyo ng pag-aaral

Ang pag-aaral na ito ay kwantiteytib at may mga istatistikal na datos mula sa

sarbey na mayroong 10 katanungan.

 Lokal ng pag-aaral

Ang pag-aaral ay idinaos sa Don Honorio Ventura State University, Bacolor,

Pampanga

 Population Sampling

Ang pag-aaral na ito ay ginamitan ng random population sampling na nilahukan ng

100 mag-aaral mula sa DonHonrio Ventura State University.

Mga hakbang sa pag-aaral

1. Pagpili ng paksa

2. Pagbuo ng titulo

3. Pagbalangkas ng konsepto

4. Pagsasagawa ng sarbey

5. Pagsangguni sa ibang pag-aaral

6. Pagkolekta ng datos

7. Paglalagom

8. Pagbuo ng konklusyon

9. Pagbibihay rekomendasyon