Ang kapuluan ng bansang pilipinas ay binubuo ng higit kumulang
na pitong libo, isang daan at pitong mga pulo na may iba’t-ibang kultura. Sa kultura nakasalalay ang kalinangan ng lahi ng bawat etnikong grupo sa loob ng pilipinas. Ito rin ang nagsisilbing tanda ng kanilang pagkakalinlan sa lipunan. Kultura ang sumasalamin kung gaano kayaman at kakaiba ang isang bansa.
Ang mga Maranao ay makikita sa Mindanao. Nakatira sila sa
paligid ng lawa ng Lanao. Ang ‘ranao’ na nanggaling sa Maranao ay hinango sa salitang lawa kung saan hinango ang kanilang pangalan, kung kaya’t pangingisda at pagsasakay ang kalimitang ikinabubuhay ng mga Maranao. Maraming mga kultura ang pinasalinsalin na nila sa kanilang henerasyon, paniniwala sa sarimanok, paggawa ng Torogan, paggamit ng Kirim o pre-hispanic na pagsulat na nakabase sa Arabic na letra na binubuo ng 19 na katinig at 7 na patinig, pagsayaw ng singkil at marami pang iba.
Ang mga mananaliksik ay magpopokus sa kultura ng Maranao
noon at ngayon. Layunin ng pananaliksik na ito na alamin ang mga tradisyunal na materyal at kultura na makikita sa buhay ng mga Maranao maging ang mga pagbabagong nararanasan nito sa makabagong panahon. Ang kahalagahan ng pananaliksik na ito ay upang malaman ng iba’t-ibang pulo, ang kultura, pananamit, kaugalian, at ang kani- kanilang kapaligiran. Maari din itong repleksiyon para sa mga kapwa Pilipino kung gaano naapektuhan ng pagbabago ng panahon ang mga katutubong kultura na siya pang ipinasa sa atin. Maging sangkap rin sana ito ng pagkabukas ng kamalayan ng Pilipino na kailangan din nating pahalagahan an ating kultura. Mahalaga ang paksang ito para malaman natin ang kanilang tradisyon kung sakaling madayo natin ang kanilang lugar.