#YesToSOGIEBill

Ang SOGIE Bill o Sexual Orientation and Gender Identity or

Expression ay isang batas na patungkol sa pagbabawal ng kahit
ano mang diskriminasyon o karahasan batay sa oryentasyong
seksuwal at pagkakakilanlang kasarian o pagpapahayag nito. Kung
ikaw ay mapapatunayan na naging dahilan ng diskriminasyon,
kailangan mong magbayad ng kaparusahang multa o ikaw ay
makukulong sa loob ng isa hanggang anim na taon. Ngunit bago
natin isa-isahin o himayin ang mga bagay na nakapaloob dito ay
bigyan muna natin ng kahulugan ang mga termino na ginamit dito.

Ano ang “oryentasyong seksuwal? (sexual orientation)” Ito

ay tumutukoy sa kakayahan ng isang tao na makaranas ng malalim
na atraksiyong apeksyonal, emosyonal, seksuwal at ng malalim na
pakikipagrelasyon sa taong ang kasarian ay maaaring katulad sa
kanya (homosexual orientation), iba sa kanya (heterosexual
orientation), kasariang higit sa isa (bisexual orientation), o
hindi kahit sa sinuman (asexual orientation).

Ano ang “pagkakakilanlang kasarian? (gender identity)” Ito

ay isang paraan ng isang indibidwal sa pagkilala sa kanyang
sarili sa isang kategoryang pangkasarian, naaayon man
(cisgender) o hindi (transgender) sa kanyang biyolohikal na
kasarian.

Ano ang “pagpapahayag ng kasarian? (gender expression)” Ito

ay tumutukoy sa pagpapakita ng mga ugali na may kaugnayan sa mga
panlalaki (masculine) o pambabaeng (feminine) kumbensyon.

At ano ang “diskriminasyon?” Ito ay anumang pagbubukod,

paghihigpit o pagtatangi batay sa SOGIE ng isang tao.

Naging maugong sa bansa ang SOGIE Bill simula ng mapabalita

ang pagbawal ng isang staff sa mall na pagamitin ng CR na
pambabae ang isang transgender woman at ito umano ay kinaladkad
palabas ng mall matapos itong harangin. Ang isyung ito ang
naging dahilan upang i-pasa muli sa kamara ang batas na SOGIE
bill. Bagaman umani ito ng iba’t-ibang mga opinyon. Totoo nga ba
na ito ay isa lamang batas na pumapabor sa mga miyembro ng LGBT+
o ito ba ay isang batas na dapat ipatupad sa bansa?
 Kumakalat sa iba’t-ibang midyum ng midya ang mga dahilan
kung bakit hindi dapat gawing batas ang SOGIE bill ngunit ang
mga dahilan na ito ba ay rasyonal at makabuluhan o nagpapakita
lamang ng takot sa pagbabago at takot na maungusan kaya
binabaluktot ang katotohanan?

Una, sinasabi ng mga kritiko na ang batas na ito ay hindi

na kailangan dahil may mga batas na naumiiral para sa pagbabawal
ng diskriminasyon. Ngunit sa tingin ba ninyo ay sapat na ang mga
batas na ito kung talamak pa rin na nangyayari ang iba’t-ibang
mga karahasan? Marahil ay mayroon nang mga batas na umiiral
ngunit saan ba nakasentro ang mga ito? Sa mga kababaihan at
kanilang mga anak, PWD at iba pa. Ngunit parehas lamang na
nakakaranas ng pang-aapi at malala pa ay pambubugbog,
pagpapalayas sa sariling tahanan, pang-iinsulto at pag-apak sa
katauhan ang mga taong iba sa paningin ng karamihan na sila ang
kadalasang biktima ng diskriminasyon. Kaya nandito ang batas na
ito ay upang itigil na ang mga hindi makatarungan na
diskriminasyon sa kasarian.

Pangalawa, ito daw ay hindi makatarungan sa mga “straight

people” dahil sila ay paparusahan para lang sa pananakit ng
damdamin ng mga miyembro ng LGBT+. Hindi ganito kababaw ang
nilalaman ng SOGIE Bill. Ikaw lamang ay parurusahan kapag ikaw
ay napatunayang nagkasala sa paggawa ng diskriminasyon sa iyong
kapwa at hindi sa pananakit ng damdamin. Magkaiba ang dalawang
ito. At kailanman hindi ito magiging hindi makatarungan, dahil
sakop ng SOGIE Bill ang lahat ng kasarian. Ibig sabihin,
makikinabang din at maaaring kasuhan ng mga “straight people”
ang mga LGBT+ kung sila ay nakagawa ng kamalian. At bakit ka
matatakot sa parusa kung wala ka namang balak na ituring na mali
ang iyong kapwa?

Pangatlo, ito lamang daw ay isang batas na magiging daan

upang mapasa ang “same-sex marriage bill.” Ang batas na ito ay
para sa diskriminasyon, at wala nakapaloob na kahit ano mang may
kinalaman sa same-sex marriage. Kung iniisip niyo na ang
pagbawal sa pagtanggi sa pagbibigay ng lisensya ang magiging
daan dito ay nagkakamali kayo. Dahil hindi magbabago ang mga
kriterya sa pagkuha ng lisensya, pagtatrabaho, sa paaralan, at
medika bagkus iniiwasan lamang na gamitin ang kasarian upang
hindi ito maipagkaloob ang mga serbisyong ito.
 Pang-apat, hinadlangan umano nito ang “religious freedom”
at “academic freedom.” Para sa kaalaman ng lahat hindi
kokontrolin ng SOGIE BILL ang mga turo sa paaralan o simbahan.
Maaari paring magsalita o magturo ang mga guro o lider sa
simbahan ng mga aralin o salita ng Diyos patungkol o hindi man
sa LGBT+, huwag lamang itong gamiting daan upang mang-atake at
mag-insulto. Hindi “freedom of speech” ang “hatred speech.”

Panglima, ito daw ay papayagang baguhin ang “gender-

markers” sa “birth certificate.” Ito ay isang malaking maling
pag-unawa. Dahil ang gagawin ng batas na ito ay protektahan ang
mga bata sa pamamagitan ng mga programa na magtuturo sa kanila
patungkol sa SOGIE ng isang tao upang hindi maging mangmang at
sarado ang utak tulad ng kasalukuyang lipunan.

Pang-anim, ito daw ay nagbibigay ng chansa na mapahamak ang

tunay na mga babae sa sarili nilang palikuran kung papayagan
itong gamitin ng mga transwoman, dahil maaari itong gawing
“advantage” upang harasin o rape-in ang isang kababaihan. Sa
datos na aking nakalap isa lamang sa loob ng 35 taon ang
napatunayang naging biktima ng ganitong kaso, mas marami pa nga
ang na harass na LGBT upang matuwid ang kanilang kasarian. Ang
pangunguna at “pag-ro-romanticized” na walang pruweba ng isang
sitwasyon ay hindi nakatutulong sa ating paglago.

Kung papansinin ang bawat bato ng argumento ng kalaban,

takot sa pagbabago at takot na maungusan ang mga nakapailalim na
dahilan. Marami sa atin ang gusto ng pagbabago, pag-unlad at
katarungan ngunit takot na lisanin ang nakasanayan. Marami sa
atin ang sumasalungat ng walang sapat na nalalaman sa takot na
maungusan. Ang sa akin lamang walang dapat katakutan kung ang
pagbabago naman ay para sa ikabubuti ng karamihan. At walang
dapat katakutan dahil ang pagbibigay ng karapatan at proteksiyon
sa isang grupo o sektor ng lipunan ay hindi kabawasan sa iyong
karapatan. Hindi mo kailangan pagdamutan ang mga nakararanas ng
kakulangan ng oportunidad sa karapatan, hindi ka naman mawawalan
niyan. Huwag nating ugaliing maging makasarili. Ang
diskriminasyon ay seryosong usapin at hindi lamang basta-basta
ang mga epekto kaya kailangan din nito ng seryosong solusyon at
batas na po-protekta sa mga taong nangangailan.

Ipasa ang SOGIE Equality Bill, ngayon na!