Si Fredo at ang Kanyang

Paniniwala

Siyang- siya si Fredo ng

panonood sa kanyang mga
kaklase. Ang pagiging isa niyang
pilay ay hindi niya ikinabahala.
Matatag ang kanyang loob.
Matibay ang kanyang paniniwala
sa Maykapal. Mayroon daw
magandang dahilan ang
Maykapal kung bakit naiba ang
kanyang ayos sa kanyang kapwa
bata.

“Hindi ko po dapat ikalungkot

ang pagkawala ng isa kong paa.
Mayroon pa ho akong kanang
paa para magawa ko ang gusto
kung gawin,” ang wika niya sa
kanyang Tito Maneng isang
araw.
 Higit pa nga akong mapalad
sa ibang bata. Ako po ay
nakapag- aaral ay may mababait
na nanay at tatay.” dagdag pa
niya.

Napangiti si G. Cuevas sa
sinabi ng pamangkin .

“Iho,” ang kanyang wika.

“Pinahahanga mo ako nang
labis. Sana, lahat ng mga batang
nay kapansanan ay katulad mo.
Tularan ka sana ng marami.”

Talagang totoo ang sinabi ni

Fredo sa kanyang tiyuhin. Hindi
siya nagyayabang.

Sa araw na walang pasok ay

katulong din siya ng ina sa
paglilinis ng bahay. Pati sa
kanilang manukan ay malaking
tulong siya sa kanyang Kuya
Ado. Siya ang tagapagpatuka ng
mga manok.

Pati sa paaralan ay katulad

din siya ng kanyang mga kamag-
aral. Isa pa nga siya sa mga lider
sa klase. Sa katunayan ay
kasama siya sa palarong
gaganapin sa susunod na lingo.

“Hindi ba tayo magsasanay?”

tanong niya kay Tony na kasama
nila sa “Karera ng sako.”

“Aba!” sagot ni Tony. “Kaya

nga ako naririto ay para sabihin
nga sa iyong sina Andy, Rey at
Gardo ay naghihintay na sa
atin.”

Tayo na kung ganoon,”

Masiglang sagot ni Fredo.
 Araw- araw ay kasama si
Fredo sa pagsasanay ng mga
batang kasali sa laro.

“Huwag kayong mag-alala,” sabi

pa niya sa mga kasama.
“Sisikapin kong maging matatag.
Hindi ninyo ako madadala o
maikikilos man lamang sa
inyong pag-ikot sa akin.”

Ang araw ng palaro ay

dumating. Punung–puno ng tao
ang buong paaralan nina Fredo.
Pati nanay at tatay ni Fredo ay
naroroon.

Nang ipakilala ang mga

manlalaro ang bawat pangkat na
maglalaban ay marami ang hindi
makapaniwala an ang isang
katulad ni Fredo ay kasama sa
laro.
 “Bakit nila isasali ang bata?
Baka lalo siyang mapahamak!”
Sabi ng isang matandang babae.

“Oo nga. Baka ang bata ay

lalong madisgrasya,” sabi
naman ng isang ina na may
kalung-kalong na anak.

“ Naku naman,” himutok ng

iba.

Subalit nagkamali ang lahat

ng tutol sa paglalaro ni Fredo.
Ginampanang mabuti ni Fredo
ang kanyang bahagi. Siya ay
naging matibay at matatag na
poste ng kanilang koponan. Sa
katunayan ay siya lamang ang
nanatiling nakatayo sa mga
batang nagposte hanggang
matapos ang karera ng sako.
 “Si Fredo po ang nagturo sa
amin para kami ay manalo. Siya
po ang aming naging inspirasyon
para makapaglaro ng mabuti,”
masiglang sabi ni Tony nang sila
ay nasa entablado na para kunin
ang kanilang gantimpala.

Lalo namang nagpalakpakan

ang mga tao sa kanilang narinig.
Subalit ang hindi nila alam ay
ang walang kapantay na
kaligayahang nadama ni Fredo
ng mga oras na iyon.

“Salamat po Panginoon,” ang

taimtim niyang usal.
Pag-uusapan

1. Sino sa mga tauhan sa kwento

ang ktangi-tangi? Bakit?
2. Naging sagabal ba sa kanya
ang pagiging isang pilay? Bakit?
3. Paano siya tumululong sa
kanyang ina?
4. Paano niya tinutulungan ang
kanyang Kuya Ado?
5. Bakit nanalo ang kanilang
pangkat sa Karera ng sako?
6. Kung ikaw ang mga kaklase ni
Fredo, isasali mo ba siya sa
inyong mga laro? Bakit?
7. Ano kaya ang dahilan ng
sumulat ng kwento at kanyang
binigyang buhay ang batang
katulad ni Fredo?
8. Ano ang mensahe ng kwento?
Subukin Mong Gawin

A. Basahin nang malakas sa

kwento ang bahaging maaring
pagkunan ng kahuluganng
sumusunod na salita:

1. nais
2 mabubuti
3. partisan
4.nagbunyi
5.patnubay
6.bukas ang kalooban

B. Basahin at unawaing mabuti

ang sinasabi ng bawat
pangungusap para matukoy ang
kahulugan ng mga salitang
nakasulat nang pahilis. Hanapin
sa mga salitang nakakahon ang
kasingkahulugan nito.

Hirap
Takip
Sinira
Puno
Isinalaysay
Di sinabi
Halaman
Uso
Ngawit
Pinakamasaya

1. Ang aking mga kamay ay

ngalay na sa paghawak ng
silyang ito.
2.Inilahad ng bata sa ina ang
lahat ng kanyang naging
karanasan sa pagtatanim ng
pakwan.
3. Si Aton gang pinakamaligaya
sa lahat ng mga batang
pinarangalan kagabi.
4. Aking ikinaila sa aking ama
ang sinabi ni Mang Bestre para
hindi mag-init ang kanyang ulo.
5.Modelo raw ngayon ang
maigsing-maigsing buhok.
6. Diligin mo sana araw araw
ang iyong mga tanim.
7. Ang mga bahay ng mga tao
roon ay winasak ng nagdaang
malakas na bagyo.
8. Hitik sa bunga ang mga
punungkahoy sa amin .
9. Nilagyan ni Aling Metring ng
suklob ang mga pagkain sa
mesa para hindi langawin.
10. Nawala ang pagod ni Ana
nang makitang magaling na ang
kanyang Ate Celina.

C. Ibigay ang kahulugan ng mga

salitang nakakahon batay sa
pagkakagamit sa pangungusap.

1. Luoy na ang mga halaman sa

paso. Diligan mo naman .
2. Nakita kong pumatak ang
kanyang mga luha dahil sa
nangyari kay Kuya Carling.
3. Labis ang pag-aalaala ng
nanay kay Mang Tomas nang ito
ay madala sa ospital.
4. Bakit palaging maraming pera
si G. Eligio. Ano ba ang trabaho
niya?
5.Kaanib ba si Cita sa samahan
ng mga kababaihan?
6.Ang mga bata ay Matuling
tumakbo sa kani-kanilangina
nang dunating ang lalaking may
mahabang buhok.
7. Matayog ang
pangarapni.Gng. Benaflor para
sa nag-iisang anak.
8. Mahusay palang
tagapagpakilala sa palatuntunan
ang kapatid ni Larry.
9. Hindi ba mapanglaw sa lugar
na ito? Bakit tila wala man
lamang taong naglalakad?
10. Binigyan ko ng sabon at
tuwalya ang batang marungis
na iniuwi sa amin ni Kuya
Anselmo.

D. Bumuo ng sariling
pangungusap na ginagamit ang
mga salitang nasa ibaba.
Ipalagay pagkatapos sa mga
kamag-aral ang kahulugan.

1.pangarap
2.lumiham
3.napalundag
4.ayaw
5.nagunita
6.tumindig
7.iwagayway
8.dukha
9.itinaboy
10.saglit