Sanchez Mira School of Arts and Trades Senior High

School
“KPOP: EPEKTO NITO SA PARAAN NG PAMUMUHAY NG MGA MAG-

AARAL SA SANCHEZ MIRA SCHOOL OF ARTS AND TRADES”

Isang Pamanahong-Papel na Iniharap sa

Kaguruan ng Senior Highschool

Sanchez Mira School of Arts and Trades

Sanchez Mira, Cagayan

Bilang Pagpapatupad sa Isa sa mga Pangangailangan ng

Asignaturang Filipino, Pagbasa at Pagsusuri ng Ibat’ ibang Teksto Tungo sa

Pananaliksik

VELERIE E. ABELLANOSA

NOVIE MEL A. DADUFALZA

AARON RANIEL C. DUMLAO

EDLEE JEAN C. MONTEMAYOR

APRIL AVIGAIL L. TRUMPO

PEBRERO 2020
 Sanchez Mira School of Arts and Trades Senior High
School

KABANATA I

ANG SULIRANIN AT KALIGIRAN NITO

PANIMULA

Ang ating bansa ay tanyag sa pagkakaroon ng mga kakaibang kasanayan sa

musika. Karamihan sa mga kabataan ngayon ay mahilig sa pakikinig ng ibat-ibang klase

ng musika. Sa modernong panahon, marami ang nabago at nadagdagan sa mga uri ng

musika na pinakikinggan ng karamihan dahil na rin sa mga makabagong teknolohiya.

Ang mga kabataan ngayon ay nakasanayan na nilang mapakinggan ang mga musika na

nagmula sa ibang bansa na may ibat-ibang wika.

Sa henerasyong ito ay nakatuon ang mga kabataan sa ibat-ibang uri at kategorya

ng musika. Sa mga nagdaaang panahon, ang musika ay napaunlad at ginagawang mas

nakaaaliw. Mula sa katutubong uri hanggang sa modernong uri ng musika kung saan ang

mga kabataan ay nahuhumaling at nagkakaroon ng idolo. Isa sa naging sikat at musikang

pumasok sa ating bansa ay ang K-POP o ang “Korean Pop Music”.

Ang K-POP ay isang kategorya ng musika na binubuo ng electro-pop, hip-hop,

pop, rock at R and B na nagsimula sa Timog Korea. Dagdag pa rito, ang K-POP ay

kasalukuyang sikat sa kamalayan ng mga kabataan sa buong mundo at ito’y nagbunga ng

laganap na interes sa pananamit at kilos ng mga hinahangaang grupo ng mga Koreano.

 Sanchez Mira School of Arts and Trades Senior High
School
Ayon rin kay Dong (2006), ang hallyu o ang Korean Wave ay naging laganap na

sa mga bansang Tsina, Taiwan, at Japan. Ang impluwensya ng kulturang Koreano sa

ibat-ibang rehiyon ng bansang ito ay dulot ng mga sikat na K-Drama, pagkatapos ay ang

simula ng pagsikat ng mga K-POP na kanta at mga pelikula kasabay ng pag-usbong ng

midya sa bansang Korea. Sa paglipas ng ilang tao, mas naging malawak ang

impluwensya ng kulturang Koreano. Umabot na ito sa mga bansang Singapore, Vietnam,

at Mangolia, na mas labas sa sakop ng East Asia at Southeast Asia.

Taong 2009, nang sumikat ang kantang “Nobody” mula sa isang Korean group na

tinatawag na “Wonder Girls”. Ang kantang ito ay naging paborito ng karamihang

Pilipino, bata man o matanda at nakikisayaw pa sa saliw nito. Mula noon hanggang

ngayon ay patuloy ang pagdami ng grupo ng Koreanong patuloy na pumapasok sa ating

bansa. Ang BTS, Superjunior, EXO, Twice at marami pang iba ang kilala at

kinahuhumalingan ng mga Pilipino lalo na ang mga kabataan.

Ayon rin kay Jacar (2018) mabent ang K-POP sa ibang lahi dahil sa lawak ng uri

ng musikang ginagawa ng mga artista. Mayroon silang sariling kategorya, may hip-hop,

rap, jazz, soul at iba pa. Dagdag pa nito, Mayroon silang “distinct flavor of their own” at

bukod sa mismong musika, malakas din ang hatak ng “visual element “ng K-POP, mas

nakakahimok ito sa mga tao na kahit hindi maintindihan ang kanta, mas nakukuha ang

mga tao sa biswal.

Dahil sa sikat na nga ang K-POP sa bansa, marami ng nakakakilala rito at

kadalasang mga mag-aaral pa, mapapansin ito sa kanilang kinakanta, sinasayaw,

 Sanchez Mira School of Arts and Trades Senior High
School
pananamit at pagsasalita. Minsan pag alam na may papalapit na “concert” ng kanilang

idolo ay pinag-iipunan na nila para lang makita ito. Ang iba naman sa sobrang

pagkahumaling dito, sobrang panggagaya na rin ang kanilang ginagawa na humahantong

sa pagbabago sa ilang aspeto ng kanilang personalidad.

Ang pagkahilig sa K-POP ng isang mag-aaral ay hindi dapat husgahan dahil

pinapakita lamang nila ang kanilang tunay na nararamdaman sa bawat mag-aaral ng

humahanga sa K-POP, maaaring may maganda o hindi maganda itong naidudulot sa

kanila. Karamihan ay nagkakaroon ng lakas ng loob na ipakita ang mga talentong

mayroon sila sa maraming tao. Marami rin ang nagsasabing marami silang napapansing

pagbabago sa kanilang sarili. Marami ang nagkakaroon ng kompiyansa sa sarili at

maging sa kanilang mga talent. Sa pagsama-sama ng mga kaisipang nabuo mula sa pag-

aaral na isasagawa masasabing may ibat-ibang epekto ng K-POP sa mga mag-aaral

humahanga dito.

PAGLALAHAD NG SULIRANIN

Ang pag- aaral na ito ay naglalayong malaman ang mga epekto ng pagkahilig sa

K-POP ng mga piling mag-aaral sa Sanchez Mira School of Arts and Trades.

Hinahangad din ng pag-aaral na ito na matugunan ang mga sumusunod na

katanungan:

1. Ano ang propayl ng mga mag-aaral base sa mga sumusunod:

1.1 Edad
 Sanchez Mira School of Arts and Trades Senior High
School
1.2 Kasarian

1.3 Strand o track

2. Ano-ano ang mga dahilan sa pagkahilig sa K-POP?

3. Ano-ano ang epekto ang K-POP sa mga mag-aaral sa mga sumusunod na aspeto:

3.1 Pananamit

3.2 Pagkain

3.3 Pananalita

3.4 Libangan

3.5 Musika

KAHALAGAHAN NG PAG-AARAL

Ang pag-aaral na ito ay makatutulong sa mga sumusunod upang kanilang

malaman ang impluwensya at Epekto ng K-POP sa paraan ng pamumuhay ng mga mag-

aaral ng Sanchez Mira School of Arts and Trades na mahilig sa K-POP.

MAG-AARAL Sa pananaliksik na ito ay malalaman ng mag-aaral ang epekto ng K-POP

music sa kanila at mabibigyan sila ng ideya sa kung ano ang magagawa nila sa hinaharap

na panahon na ang musika ng K-POP ay makakatulong sa kanilang pag-aaral.

 Sanchez Mira School of Arts and Trades Senior High
School
MAGULANG Sa pag-aaral na ito, malalaman ng mga magulang ang epekto ng K-POP

sa kanilang mga anak.Dapat malaman ng mga magulang na ang pakikinig sa musika na

K-POP ay mapapahusay ang kanilang kasanayan sa pagsasalita o pagsusulat ng ingles.

GURO Sa pananaliksik na ito ay malalaman ng guro kung ano ang epekto ng “K-POP

music” at kung mayroong mabuting epekto, maaaring gamitin ng guro ang lakas ng

musika ng K-POP upang maging kawili-wili ang kanilang klase at, magkaroon ng interes

ang karamihan.

PARA SA MGA SUMUSUNOD NA MANANALIKSIK Ang pag-aaral na ito ay

maaaring magsilbing basehan para sa mga pananaliksik at interesadong maghatid sa mas

malawak pang kaalaman tungkol sa pagiging isang K-POP fan. Ang pag-aaral na ito ay

maaaring makatulong sa hinaharap na malaman ang epekto ng K-POP sa mga estudyante.

SAKLAW AT LIMITASYON

Ang pag-aaral na ito ay nakatuon sa mga epekto ng pagkahilig sa KPOP sa

paraan ng pamumuhay ng mga mag-aaral ng Sanchez Mira School of Arts and Trades.

Hinahangad din ng pag-aaral na ito na alamin ang propayl ng mga respondente at ang

mga dahilan ng pakakahumaling ng mga mag-aaral sa K-POP.

 Sanchez Mira School of Arts and Trades Senior High
School
Ang pag-aaral na ito ay sumasaklaw lamang sa tatlompung (30) estudyante ng

Sanchez Mira School of Arts and Trades na nahuhumaling sa K-POP dahil sila ang

makasasagot ng mga katanungang ihaharap ng mananaliksik para sa pag-aaral na ito.

DEPINISYON NG TERMINOLOHIYA

 Fans o tagahanga - mga taong sumusubaybay o nahuhumaling sa K-POP.

 Genre - uri o kategorya ng musika.

 Korean Wave (Hallyu o Korean Pop Culture) - tumutukoy sa pagkalat ng kulturang Korea

sa ibat- ibang bansa.

 K-POP o (Korean Pop) - uri ng musika sa Korea na nauuso at sikat sa ating bansa.

 Media - paraan ng pag hahatid ng impormasyon sa maraming tao sa ibat-ibang lugar sa

pamamagitan ng telebisyon o internet.

 Sanchez Mira School of Arts and Trades Senior High
School

KABANATA II

MGA KAUGNAY NA PAG-AARAL AT LITERATURA

Ang bahaging ito ng pananaliksik ay naglalaman ng mga pag-aaral at mga

artikulong may kaugnayan sa aming napiling paksa na makakatulong upang mas lalong

maunawaan ang aming gagawing pananaliksik.

Naging matunog sa publiko ang K-POP, dahil sa music video ng bandang Super

Juniors na nakakuha ng pangatlong posisyon sa Youtube’s Global Chart. Ang nasabing

“music video” ay pumangatlo sa “Most Viewed Webcast” matapos nina Lady Gaga at

Kanye West, na nagpatunay na unti-unting pagunlad at pagsikat ng KPOP Dance Group

(2011).

Noong taong 2009, ang “Kpop Dance Group” na Wonder Girls naman ang

pumukaw sa atensyon ng Publiko matapos nilang makuha ang Rank no.1 sa “Year End

Charts Hot Single Sales Section” dahil dito napagdesisyunan na i-released ang kauna-

unahang “Billboard Kpop Chart” at “Youtube Kpop Channel” na ikinatuwa hindi lamang

ng mga Fans kundi maging ng Korean Music Industry. Ito din ang nag udyok sa iba pang

Koreano na bumuo ng KPOP Dance Group.

 Sanchez Mira School of Arts and Trades Senior High
School
Ang “KPOP” ay naging sikat sa kultura ng mga kabataan sa buong mundo, na

nagbunga ng laganap na panggagaya sa pananamit at estilo ng mga iniidolong grupo ng

Koreano at mga mang-aawit. Sa pamamagitan ng iba’t ibang “website” sa “internet,” gaya

ng mga “facebook fan pages,” “itunes,” “twitter,” at mga “music videos” sa “youtube,” ang

abilidad ng KPOP na maiparating sa lahat ng dati’y hindi maabot ng mga tagapakinig, sa

pamamagitan ng “internet” ay naging mas madali. Ang mga ito ang naging daan upang

makilala at sumikat ang KPOP sa kategorya ng musika. Ang paglabas ng “Seo Tai-ji &

Boys” sa taong 1992 ang nagsimula ng pagsikat ng musika ng Timog Korea, na may

pinagsamang “rap, rock at techno.” Kilala rin noong 1990’s ang mga “hiphop duos” kagaya

ng “Deux’. Ang pagkabuo ng pinakamalaking industriya ng talento ng Timog Korea, ang

“S.M. Entertainment,” noong 1995 ng isang Koreyanong negosyante na si Lee Soo Man,

ay naging daan upang mabuo ang kauna-unahang grupo ng mga kababaihang mang-aawit

at pati na rin ng mga lalaking mang-aawit. Sa mga huling taon ng 1990s, ang “YG

Entertainment,” “DSP Entertainment,” at “JYP Entertainment” ay biglang umusbong sa

industriya at naglabas sa publiko ng madaming mga bagong talento. Ang mga grupo tulad

ng “S.E.S.,” “Fin K.L,” “H.O.T,” “Sechs Kies,” “G.o.d” “Fly to the Sky” at “Shinhwa” ay

mga naging matagumpay noong 1990s. Sa dekada ring ito sumikat ang “hip hop” at

“R&B” sa Korea, na nagdulot ng Kasikatan ng mga mang-aawit katulad ng “Drunken

Tiger.” Ang paghubog ng mga talento ang pinaka-unang ginagawang estratehiya para

sumikat ang mga solong mang-aawit at grupo ng mga kababaihan at kalalakihan sa

industriya ng KPOP. Upang masigurado ang mataas na posibilidad ng pagsikat ng isang

 Sanchez Mira School of Arts and Trades Senior High
School
“talent,” may iba’t ibang ahensiyang tumutulong sa kanila na masusing nagbabantay at

nag-aalaga ng kanilang ‘career,” na halos gumagastos ng napakalaking pera para lamang

makapag-hubog at makapaglabas ng bagong “talent” sa industriya. Sa pamamagitan nito na

umaabot ng dalawang taon o mahigit, nahuhubog ang boses ng mga talentong ito at

gumaganda, natututo sila ng iba’t ibang sayaw, napapaganda ang hubog ng kanilang

katawan, at nakakapag-aral din sila ng iba-ibang wika na parang nag-aaral lamang sa

paaralan.

Madami na sa mga pinakasikat na mga grupo ng K-pop katulad ng BoA, TVXQ,

SS501, BIGBANG, KARA, Girls' Generation, BEAST, MBLAQ, 2PM, Super Junior,

SHINee, 2NE1, at EXO, ang nagsimulang pasukin ang industriya ng musika sa Japan. Ang

mga kasapi ng mga grupong ito ay nakikipag-usap at kumakanta na din ng Hapones. Ito

marahil ang kanilang estilo upang makuha ang atensyon ng mga tao sa bansang Japan.

Noong 2009, ang grupo ng mga kababaihan na “Wonder Girls,” isa sa mga

pinakamatagumpay sa industriya ng musika sa Asya, ay napasama din sa “Billboard Hot

100 Singles Chart” sa kanilang mga kantang “Tell Me”, “So Hot” at “Nobody”. May

mangilan-ngilan na nakikipagtrabaho na ang iba sa kanila sa iba’t ibang artista upang

maipakilala ang “KPOP” sa lahat. Bukod pa rito ay mayroon ding mga nakikipag-usap at

nakikipag-kontrata sa mga producers na tulad nina Kanye West, Teddy Rilet, Diplo,

Rodney Jerkins, Ludacris, at William.

Sa taong 2011, ang K-Pop ay naging popular na sa Japan, Malaysia, Poland,

Mexico, Philippines, Indonesia, Thailand, Taiwan, Singapore, France, Ireland, China,

 Sanchez Mira School of Arts and Trades Senior High
School
Canada, Brazil, Chile, Colombia, Argentina, Russia, Spain, Germany, Sweden, Romania,

Croatia, Australia, Vietnam, United Kingdom at United States.

Ayon kay Elkan (2017), Ang K-POP wave o korean pop wave ay ang sining at

musika mula sa mga kultura at tradisyon ng mga koreano, bilang partikular ay mula sa

south korea. Ang South Korea ay mula sa Timog- Silangang bahagi ng Asya. Ang

bansang ito ay kilala sa mga natatangi nitong kultura, pagkain, tradisyon at mga talento

na nagpapahumaling sa mga banyagang tao.

Tanyag at tinitingala ng mga tagahanga ay ang talento ng mga koreano sa pag-

awit at pagsayaw. Gaya na lamang ng mga grupong Wonder Girls, SNSD (Girl's

Generation), 2ne1, Twice at Black Pink ang mga grupong ito ay binubuo ng puro mga

babaeng miyembro. Para naman sa grupo ng mga kalalakihan ay ang Super Juniors,

Bigbang, Infinite, EXO, Seventeen at BTS. Ilan lamang ang mga grupong ito sa mga

iniidolo ng mga kabataan sa iba't-ibang panig ng mundo. May kanya kanyang tawag o

bansag sa mga tagahanga ng bawat grupo ng mga ito na tinatayang libo-libo sa bawat

bansa. Kaya ganun na lamang kung dumugin ang mga concert, fan meetings at world

tours ng mga ito. At hindi lamang sa parang ito naipapakita ng mga tagahanga ang

pagsuporta nila sa kanilang mga iniidolo, kundi pati narin sa pagbili, pagkolekta at pag

tangkilik sa mga bagay na may trademark ng bawat grupo. Ilan lamang ito sa mga

kinahahangaan ng maraming kabataan sa bansang South Korea.

 Sanchez Mira School of Arts and Trades Senior High
School
May mga masasama at mabuting epekto ang pagsibol ng K-POP sa mga

estudyante Para sa ilang Pilipino, ang pagkahumaling ng mga kabataan sa KPOP ay

nakasisira sa konsentrasyon ng mga kabataan sa kanilang pag-aaral.

Ang ilan pa'y sinasabing nakakasama ito dahil sa kanilang mga luho gaya ng mga

magazines, poster at albums ng mga idolo nila. May Ilan pang nagsasabi na ang KPOP ay

nakakaapekto sa sikolohikal at mentalidad ng estudyante. Pati na ang sarili nilang kultura

ay natatabunan na ng mga hirap na kultura mula sa bansang ito.

May mga bagay na ginagawa ang mga humahanga sa KPOP, kabilang na rito ang

mga:

 Panonood ng mga MV o Music Video at Pag- iistream

 Pagdalo sa mga konsyerto at Fan meeting.

 Pagsali sa mga Fansclub.

 Pagkilala sa bawat miyembro ng grupo, Gaya ng kanilang buong pangalan, taon,

kapanganakan, at iba pang impormasyon tungkol sa mga KPOP idols.

 Pagkolekta at Pagtangkilik sa mga Produktong Koreano.

 Pagtatanggol sa mga Idolo kung sila man ay nasasangkot sa Iba’t ibang isyu

Ayon kay Elkan (2017), Walang mabuti o masamang impluwensiya. Nasa sa atin

kung paano tayo magpapaapekto sa mga iniidolo at hinahangaan natin. Dahil kung iisipin

ang KPOP ay nagbibigay kalinangan sa mga talent. Gaya ng pagsasayaw na natutunan sa

KPOP.
 Sanchez Mira School of Arts and Trades Senior High
School
Walang masama sa paghanga sa mga banyaga. Walang masama sa

pagkahumaling sakanila. Ang masama ay ang magpaapekto sa mga posibleng negatibong

epekto nito.

Ngunit Ayon ulit kay Elkan (2017) Ang mga Millenials ay hindi madaling

maapektuhan o maimpluwensiyahan. Dahil sa may likas na katalinuhan ng bagong

henerasyon kaya’t ang mga kakayahan at kagalingan mali man o tama sa tingin ng iba ay

magpapaangat sa estado ng bansa.

Kaugnay na Pag-aaral

Tulad ng mga Korean dramas, ang mga Pilipino ay nahuhumaling din sa mga K-

Pop o Korean Pop Music. Mula sa unang henerasyon ng idol group tulad ng Seo Taiji &

And Boys, Sechs Kies, Turbo, S.E.S., Shinhwa, Fin.K.L. sa 90's sa Epik High, TVXQ,

Super Junior, BigBang, Brown Eyed Grils, Wonder Girls, Girls Generation sa 2000s at

Infinite, Sistar, ZE: A, EXO, AOA, BTS noong 2010 hanggang sa kasalukuyan at mga

mas bagong idol groups upang pasayahin, ang mga Pilipino.

Ang ilan sa mga grupong ito ay nasa kanilang ika-10 taon o higit pa mula noong

kanilang debut sa Korean entertainment industry. Ang mga taong nagmamahal at

sumusuporta sa kanila ay lumikha fan group para sa kanilang mga idolo sa Korea at sa

buong mundo. Mayroon ding mga tagahanga ang tinatawagnila sa K-Pop world bilang

"bias" o paborito. Ngunit ang mga Korean dramas ay naka dubbed or may Ingles na

subtitle, ang mga K-Pop na kanta ay nasa Hangul o Korean Alphabet.

 Sanchez Mira School of Arts and Trades Senior High
School
Sa isang artikulo mula sa The Freeman, ang manunulat na si Sonny Boy

Temblor ay nagpaliwanag kung bakit ang mga Pilipino ay nabihag ng K-Pop music.

Sinabi ni Temblor na ang K-Pop ay nakabuo ng isang natatanging katangian ng sarili nito

kahit na naglalaman ito ng mga impluwensyang pop music mula sa West.

Ang K-POP ay kadalasang iniharap sa nakamamanghang musika, at dynamic na

koreograpiya, na hindi binabanggit ang kanyang paulit-ulit na pakiramdam na

ginagawang mas madali para sa mga Pilipino na sundin at matandaan. Ang mga Korean

dramas at K-Pop na mga kanta ay kadalasang nakikitungo sa mga emosyon o damdamin

tulad ng pag-ibig, pag-asa, sakit at sakit at dahil ang mga Pilipino ay kilala na hinihimok

ng emosyon, madali naming tinanggap ang genre na ito.

Inaasahan din ng maraming tagahanga na Pilipino ang "kilig" sa loob ng K-Pop

na musika. Sa kabutihang-palad na tulong ng internet, ang mga Pilipinong tagahanga ay

maaaring malaman ang mga lyrics ng mga kanta at i-stream ang mga ito sa online.

Gustung-gusto ng mga Pilipino ang K-Pop na dinodownload nila ang mga kanta sa

kanilang mga iPod, iPhone at kompyuter at pakinggan sila sa halos lahat ng oras. Ang

ilan ay nanonood ng mga video ng musika sa online.

Ayon kay Temblor (2017), Kahit na may iba't ibang wika at kultura, ang mga

tagahanga ng K-Pop sa iba't ibang bahagi ng mundo ay hindi makapagpapatigil sa

pagmamahal sa kultura ng Hallyu. Ang mga Pilipino ay laging bukas upang matuto ng

ibang kultura na kung bakit ang ilan sa atin ay nais pumunta sa South Korea. Samantala,

walang sapat na gulang para sa K-Pop at K-Drama at ang pag-ibig ng mga Pilipino para
 Sanchez Mira School of Arts and Trades Senior High
School
sa kultura ng Hallyu ay tiyak na hindi magtatapos. Anuman ang mangyayari, ang mga

Pilipino ay palaging magiging isa sa mga tunay na tagahanga ng K-Pop / Hallyu sa

mundo. Gayunpaman, bilang mga Pilipino, huwag din nating kalimutan na patronize ang

ating sariling musika ang OPM o ang Original Pilipino Music, mga lokal na pelikula at

tele series na pinaghihirapan ng maraming artista sa Pilipinas.

K-pop: Ang Pagtangkilik at Epekto ng Musika ng mga Koreano sa mga Pilipino.

Isa sa mga libangan ng mga Pilipino ay ang kumanta. Mapatagalog, Ingles o kahit

anong lenggwahe pa iyan basta’t nagustuhan nila asahan mo’t kankantahin nila ito kahit

hindi nauunawaan ang liriko. Maliban sa mga awiting Pilipino marami pa ring mga

awitin na nagmula sa iba’t ibang bansa ang mas tinatangkilik ng mga Pilipino lalong-lalo

na ang mga kabataan sa panahon ngayon. Nandiyan ang A-pop (American Pop Music),

J-pop (Japan Pop Music) at higit sa lahat ang K-pop (Korean Pop Music). Ang K-pop ay

mga awiting nagmula sa bansang Korea partikular sa bahaging Timog ng Korea. Dahil

sa likas na hilig ng mga Pilipino sa iba’t ibang uri ng awitin madaling nakuha ng K-Pop

ang atensyon ng mga kabataang Pilipino. Karamihan sa mga nahuhumaling dito ay pauli-

ulit na pinapanuod o pinapatugtog ang mga music videos ng kanilang mga iniidolo. Ilan

sa mga mangangawit at mananayaw na tinatangkilik at hinahangaan ng mga Pilipino

lalong-lalo na ng mga kabataan ay ang Girls’ Generation, Super Junior, Exo, Shinee,
 Sanchez Mira School of Arts and Trades Senior High
School
Sistar, 2pm, 2am, 4minute, Big Bang at 2ne1 na kung saan kabilang si Sandara Park na

may dugong Pilipino.

Gumagastos ng malaki ang mga fan ng bawat K-pop group para lang makabili ng

mga album ng kanilang idolo o hindi naman ay tiket kung may gagawing pagtatanghal

ang kanilang idolo sa bansa. Ngunit hindi lang sa pagbili ng mga album at tiket natatapos

ang pagtangkilik ng mga Pinoy sa K-Pop, may ibang fan ang bumibili ng mga damit,

kuwentas, singsing, pamaypay, posters, notebooks, sticker at iba’t ibang produkto na

may imahe o kinalalaman sa kanilang idolo. Dahil din sa K-pop unti-unting nakikilala sa

Pilipinas ang wika ng mga Koreano. May mga K-Pop fan ang nag-aaral magsalita ng

wikang Koreano para maunawaan nila ang liriko ng isang awitin. Marami din ang

gumagaya sa pananamit at hairstyle ng kanilang mga K-Pop idol. Nagsusuot sila ng mga

damit at nagpapakulay ng buhok na katulad sa kanilang mga idolo ngunit hindi naman

bagay sa kanila. Ang mga ito ay isang patunay kung gaano kasikat ang K-Pop sa ating

bansa.

Dahilan ng pagsikat at pagtangkilik ng KPOP

Mapabata o matanda ay napapaindak sa tuwing pinapatugtog ang tinaguriang

World Phenomena Music na Gangnam Style na inawit at pinasikat ng isang Koreanong

mang-aawit na si Psy. Sa bawat okasyon hindi mawawala ang kantang ito. Ang mala-

horse riding step, nakakaindak na tugtog at madaling steps ng kanta ang naging dahilan

kung bakit ito nagustuhan ng mga tao. Ngunit bago pa man makilala ang Gangnam Style

sa bansa ay may iba’t ibang kantang Koreano na ang nauna pa dito.

 Sanchez Mira School of Arts and Trades Senior High
School
Ang mga K-Pop fans na nasa social networking sites na facebook, nakilala ang K-

Pop dahil sa mga Korean Novela o Drama na pinapalabas sa iba’t ibang istasyon sa ating

bansa, dahil dito mas lumawak ang kaalaman ng mga Pinoy sa kultura ng mga Koreano

at ito din ang naging daan para makilala ang kanilang musika. May mga nagsabi din

naman na dahil sa pagsikat at pagsali ni Sandara Park sa isang grupo ng mga kakabaihan

sa Korea na kilala sa tawag na 2ne1.

Taong 2003 na nagsimulang magpalabas ng mga Asianovela na kalimitan ay

galing sa Korea, kasabay din nito ay ang pagsulpot ng mga awiting Koreano tulad ng

‘Because I’m A Girl’ ng grupong KISS, nasundan pa ito ng mas matatandaan nating

awitin na‘Answer The Phone’ ni si Shim Mina, ang awiting ito ay madalas magamit sa

mga programa sa paaralan at sa kahit anong sayawan noon dito sa bansa. Ngunit hindi pa

naman ganun kasakit ang K-pop dahil sa mga banyagang mangangawit katulad nila

Britney Spears, Avril Lavigne at mga banda kagaya ng Goo Goo Dolls at Linkin Park.

Subalit sa paglipas ng panahon unti-unting nakikilala ng mga Pilipino ang K-Pop.

Nariyan si Rain na sinasabing unang Koreano na minahal ng mga Pilipino. Hanggang sa

dumating ang taong 2009 na sinasabing ang pagsilang ng K-Pop sa bansa. Sa panahong

ito ganap na nakilala ng mga Pinoy ang K-pop dahil sa awiting ‘Nobody’ ng grupo

Wonder Girls na naging patok sa mga Pilipino lalo na sa mga kabataan. At ang pagsulpot

ng kantang ‘Fire’ at ‘I don’t care’ na kinanta ng grupong 2ne1 na kung saan kabilang ang

pambansang krungkrung na si Sandara Park. Simula noon nagsunod-sunod na ang

pagsulpot ng iba’t ibang K-Pop group sa bansa at hindi na mawawala sa music chart ng
 Sanchez Mira School of Arts and Trades Senior High
School
MYX ang mga awiting Koreano na kung minsan ay nangunguna pa sa listahan.

Maraming mga K-Pop group ang pumupunta sa bansa para magtanghal, nariyan ang

Super Junior na limang beses nagtanghal sa bansa, ang “Dream K-Pop Fantasy Concert”

na isinagawa noong 2009 kung saan dinaluhan ng anim na K-Pop group na nagpatili sa

mga Pilipino. Sa madaling salita ang K-Pop ay nagsimula sa bansa dahil sa pagpapalabas

ng mga Korean drama sa telebisyon, mga music video ng mga K-pop group sa MYX at

maaaring dahil na din sa ibang Pinoy na gumagawa ng pangalan sa industriya ng musika

sa bansang Korea.

Ayon sa isang artikulo na sinulat ni Janyx (2016) , may tatlong dahilan kung bakit

patuloy na tinatangkilik ng mga tao ang K-pop.

 Ang una rito ay madaling matandaan ang mga kanta nila dahil may stratehiyang

ginagamit ang mga Korean musical composers lalo na sa mga pop songs nila.

 Nilalagyan nila ito ng mga elementong madaling masasabayan ang melodiya at ritmo.

 May ilang K-pop music ang madaling sabayan dahil ang ilang liriko dito ay paulit-ulit lang

at madaling tandaan o hindi naman ay nakasulat sa wikang Ingles. Katulad na lang sa kantang

Gee ng Girls’ Generation na paulit-ulit lang ang chorus at ang mga salitang Gee, Baby at No,

ganun din sa kantang Gangnam Style na paulit-ulit binanggit ang mga salitang Oppa Gangnam

Style at Oh, sexy lady.

Sinabi naman ni immortalsoul123 (2016) , na bagamat hindi naiintidihan ang

lyrics ng mga awiting K-POP, pero sulit naman itong pakinggan dahil sa maraming mga

“unique themes” at “wholesome lyrics”. Kompara sa mga awiting nagmula sa America

 Sanchez Mira School of Arts and Trades Senior High
School
na kalimitan ang tema ng awitin ay tungkol sa sex, drugs or alcohol na kung minsan ay

hindi maganda para sa mga kabataan. Ang pangalawan naman ay ang pisikal na anyo ng

mga K-pop artist. Masusi ang “screening at auditions” ng mga Koreano para maging

miyembro ng isang K-pop group. Bukod sa talento, ang isa sa mga mahalagang

requirement ng mga Star Companies management ay maganda’t gwapong mukha at

magandang hugis ng katawan. Kaya naman kahit saang lupalop ng mundo pumunta ay

pinagtitilian sila ng mga tao.

Ang unang dahilan sa pagtangkilik ng K-pop ay dahil sa magaganda at gwapo ang

mga K-pop artist. Ang ganda kasi nilang panuorin habang sumasayaw at kumakanta,

napapaindak at napapakanta din sila. Ang pisikal na anyo ng mga K-pop artist ay isang

mahalagang salik kung bakit madaming tao ang tumatangkilik sa K-pop. At ang panghuli

ay kakaibang fashion at hair style ng mga K-pop artist. Sa tuwing nanunuod ang mga

kabataan ng mga music video ng mga paborito nilang K-pop group unang napapansin ay

ang kakaiba nilang mga suot na damit at ang makukulay nilang buhok. Masasabi na ang

astig nilang tingnan at parang kahit anong klaseng damit ang suotin nila at kahit anong

kulay ng buhok mayroon sila ay ang ganda at gwapo parin nilang tingnan. Sa sobrang

kasikatan ng mga K-pop groups sa bansa gumagawa ng mga fanpage ang mga fans ng

bawat grupo para makipagkomunikasyon sa kapwa fans nila.

May ilan din gumagawa ng mga meeting events na kung saan nagtitipon-tipon

ang mga tagahanga ng bawat grupo para makilala at makisalamuha ang iba pang mga

fans na nagmula sa ibang lugar at para ipagdiwang ang anibersaryo ng isang grupo.
 Sanchez Mira School of Arts and Trades Senior High
School
Gumagastos ng sobrang laki ang mga fans para lang makabili ng latest album ng

kanilang idolo o hindi naman ay makapunta sa concert. May ilang pumupunta pa sa

Korea para lang masilayan ng personal ang kanilang iniidolo.

Malaki ang naging impluwensya ng K-pop sa industriya ng musika sa Pilipinas.

Kung mapapansin ngayon may mga nagsusulputan na ding mga grupo ng kalalakihan at

kababaihan sa bansa na sumasayaw habang kumakanta. Ang isang magandang

halimbawa nito ay ang Gimme 5 at ang Chichers na pawang parehong boy group. Ang

paraang ng pananamit at porma nila ay parang katulad ng sa mga K-pop group. Noon

hindi pa uso ang pagbuo ng mga grupo pero simula nang dumating ang K-pop sa bansa,

nagsimula nang buo ng mga boy o girl group ang mga entertainment company sa bansa.

Hindi masama ang gumaya sa kung ano ang uso pero sana naman ay tingnan din

muna kung bagay ba ito. Hindi naman ibig sabihin na pag-ginaya ng Pilipinas ng K-pop

ay sisikat na din ang mga awiting Pilipino. Maraming usap-usapan na unti-unting

namamatay o natatabunan ang mga OPM songs dahil sa pagdating ng K-pop sa bansa.

Pero hindi naman tunay na namamatay ang OPM dahil habang mayroong mga

Pilipinong mangangawit, nagmamahal at nagpapahalaga sa mga awiting Pinoy, hindi ito

kailanman man mamatay.

Ayon sa OPM artist na si Jim Paredes (2013), ang paraan na ginagawa ng Korea

para ipalaganap ang kanilang musika ay maaaring maging modelo ng Pilipinas para

maibangon ang OPM. Maaaring maging modelo pero hindi gayahin. Katulad na lang ang

ginagawa ni Juris Fernandez na gumagawa ng pangalan sa Korea. Gumawa siya ng isang

 Sanchez Mira School of Arts and Trades Senior High
School
album na ang mga laman ay puro K-pop songs na binigyan niya ng sarili niyang

interpretation. Ilan sa mga kantang kasama sa album niya ay ang kantang “If”’na

pinasikat ni Kim Taeyeon na miyembro ng Girls’ Generation at ng awiting Don’t Forget

ni Baek Jiyoung. Isa lang itong patunay na hindi nating kailangang gayahin ang lahat ng

ginagawa ng mga K-pop artist, ang sumayaw habang nakanta, ang magpakulay ng buhok

at magsuot ng magagarang damit. Kung gusto nating makilala ng buong mundo ang

ating mga awitin, iwasan natin ang maging anino ng ibang bansa.

Sinabi pa ni Jim sa panayam ni Rida Reyes sa Balitanghali noong Enero 23 2013,

“Korean singing Korean, Chinese singing Chinese... tayo lang ang hindi ganun. Mobilize

Filipino who speaks Filipino to the world.” Ito maaari ang naging dahilan kung bakit

nagkaroon ng P-Pop sa ating bansa para itaguyod ang mga awiting Pinoy. Ano man ang

mangyari hindi na maaalis ang kulturang K-pop sa ating bansa lalo na ngayong lalong

lumalakas ang impluwensya nila sa buong mundo. Patuloy na mamamayagpag ang K-

pop sa ating bansa dahil patuloy ang pagsuporta ng mga Pilipino ditto.

Ayon kay Malinis (2014), ay mas maraming negatibo kaysa positibong epekto

ang K-POP.

Negatibong Epekto:

Nakakalimutan na at hindi na nabibigyang pansin ang OPM, mas napapamahal

ang mga kabataan sa mga banyaga at mas tinatangkilik sila at hindi ito nakakatulong sa

industriya ng bansa. Ilan lang ito sa mga negatibong epekto na mapapansin.

 Sanchez Mira School of Arts and Trades Senior High
School
Positibong epekto:

Isa na rito ay, nagiging daan ito upang maging mas malawak ang impormasyon sa

karatig bansang Korea at mas nagiging malapit sa isa't isa. Nagsagawa si Malinis noong

2014 ng sarbey upang masagutan ang katanungang “Bakit Kinahuhumalingan ngayon

ang KPOP?”. Dahil raw ito ay nakakaindak at magandang pakinggan kahit na hindi

gaanong naiintindihan ng lahat ang mga lyrics nito, Pangalawa, dahil ito ay inaawit ng

mga kilala at mga gwapo at magaganda nilang idolo. Pangatlo, dahil sa impluwensya ng

mga Kaibigan at ayaw mapag-iwanan sa usapan at chikahan o ito ang uso. At panghuli,

dahil nakakasawa na ang mga tugtuging Pinoy.

KABANATA III

METODOLOHIYA AT PAMAMARAAN NG PANANALIKSIK

Ang kabanatang ito ay naglalahad ng mga pamamaraan na gagamitin sa pag-aaral.

Kasama rito ang disensyo ng pananaliksik, respondente, populasyon at lokal ng

pananaliksik, instrumento ng pananaliksik, paraan sa pangangalap ng datos at pagsusuri

ng mga datos upang alamin ang mga epekto ng K-POP sa mga mag-aaral na tagahanga

nito.

DISENYO NG PANANALIKSIK
 Sanchez Mira School of Arts and Trades Senior High
School
Ang pag-aaral na ito ay disenyong Deskriptibong Kwantitatibo. Kwantitatibo

sapagkat sinukat nito ang epekto ng K-POP sa mga estudyanteng humahanga rito.

Gayundin, inilarawan kung ano ang mga suliranin ng mga estudyante sa pagkahumaling

nila sa K-POP. Maraming uri ng kwantitatibo na pananaliksik, ngunit napili ng

mananaliksik na gumagamit ng survey questionnaire para makalikom ng datos.

Naniniwala ang mga mananaliksik na angkop na disenyong ito sapagkat mas mapapadali

ang pangangalap ng datos mula sa maraming respondente.

RESPONDENTE

Ang mga kalahok ay mapipili o hahanapin batay sa itinakda na pamantayan batay sa

tanong ng pananaliksik. Ang pamantayan ay dapat maging anumang mag-aaral na

nakatala sa Sanchez Mira School of Arts and Trades. Ang mga kalahok sa pananaliksik

ay binubuo ng taltlompu (30) na respondente. Walo (8) sa 11-Batino, Anim (6) sa 11-

Lamio, Sampo (10) sa 9- Camagon, Anim (6) sa 10-Narra.

Sila ang napili ng mga mananaliksik dahil sila ay may hilig sa Korean Pop.

Limitado lamang ang bilang ng mga tagasagot sa mga talatanungan, ngunit ang uri ng

disenyong ito ay hindi lamang nakadepende sa dami ng sumagot sa mga talatanungan.

Kung kaya lubos na nauunawaan ng mga mananaliksik na nababagay ito sa pag-aaral.

POPULASYON AT LOKAL NG PANANALIKSIK

Ang pag-aaral na ito ay isasagawa sa Sanchez Mira School of Arts and Trades.
 Sanchez Mira School of Arts and Trades Senior High
School

INSTRUMENTO NG PANANALIKSIIK

Ang mga mananaliksik ay gagamit ng survey questionnaire bilang pangunahing

instrumento sa pagkalap ng mga datos na magagamit sa pag-aaral. Ito ay nahahati sa

dalawang bahagi: and profile ng mga respondente at ang survey questions ukol sa

paksang pag-aaralan.

PARAAN NG PANGANGALAP NG DATOS

Bilang panimula, gagawa ang mga mananaliksik ng survey questionnaire bilang

instrumentong ginamit sa pananaliksik. Sa hanay ng mga mag-aaral, humingi ng

pahintulot ang mananaliksik sa ilang guro upang payagang mamahagi ng talatanungan sa

kanilang mga klase.

Ang mananaliksik ang mismong kakalap ng mga impormasyon upang lubos na

maunawaan ang mga saklaw at mga posibilidad sa pag-aaral upang matiyak ang kalidad

na ipepresentang datos.

Gagamit ng talatanungan sa pagkolekta ng mga datos upang mas mapadali sa mga

mananaliksik maging sa tagasagot.

Ang kabuuang pag-aaral ay magsisimula Pebrero ng taong kasalukuyan. Upang

masiguro ang mga impormasyong makakalap ay magsasagaw ang mga mananaliksik ng

interbyu.
 Sanchez Mira School of Arts and Trades Senior High
School
TRITMENT NG MGA DATOS

Ang talatanungan ay nasa format na Likert Scale kung saan ire-rate ang mga

talatanungan. 1 bilang pinakamababa at 5 bilang ang pinakamataas. Kinuha ang mga

datos gamit ang average o mean sa bawat tanong sa instrumento.

Ang simbolong X ay kkumakatawan sa mean o average ng mga datos. Habang

ang Y naman ay ang total ng element sa bawat katanungan. Ang ibig sabihin ng N ay

population size.