HINDI IPINAGBIBILI

Department of Education
Region VII, Central Visayas
Division of City of Bogo
Buac, Cayang , Bogo City Cebu

FILIPINO SA PILING LARANGAN

(Tech – Voc)

SELF – LEARNING KIT

 PAUNANG SALITA

Ang Self – Learning Kit na ito ay inihanda para sa mga mag-aaral upang malinang
ang kanilang kahusayan sa pagsulat ng mga sulating manwal, liham pangnegosyo,
leaflets/flyers at promotional materials . Ang materyal na ito ay makatutulong sa
patuloy na pag –aaral at pananaliksik kaugnay ng kahulugan, kalikasan, at
katangian ng iba’t ibang anyo ng sulating teknikal-bokasyunal.

Ang mga gawain dito ay makapagpatibay ng kanilang kaalaman at kakayahan sa

mga iba’t – ibang katunayan sa nasabing learning competency na pwedeng gamitin
araw – araw at makakapag – unlad ng pang araw- araw na pamumuhay at ng
sariling karanasan.

MGA LAYUNIN:
 Nakapagpapaliwanag sa mga kahulugan, kalikasan at katanggian ng sulating
flyers/leaflets at promo materials.
 Nakabubuo ng mga sample na sulating flyers/leaflets at promo materials
ukol sa mga produktong nais ipakilala.
 Naipakikita ang pagpapahalaga sa kahulugan, kalikasan at katangian ng
sulating flyers/leaflets at promo materials.
 I. ANONG NANGYARI?

Gawain1. SURILAWAN
Tingnan at suriin ang larawan sa ibaba. Sa mga patlang sa ibaba, ipaliwanag ang
kung bakit ito mapanghikayat at ilahad kung ano sa inyong palagay ang mga
kulang pa o ang maaari pang paunlarin sa larawang ito. Isulat din kung ano sa
tingin mo ang sa promosyonal na materyal na ito.

_________________________________________________________________
_________________________________________________________________
_________________________________________________________________
_________________________________________________________________
_________________________________________________________________
_________________________________________________________________
1
II. ANO ANG DAPAT MALAMAN?
FLYERS, LEAFLETS AT PROMOSYONAL MATERIALS
Flyers ay isang karaniwang maliit na papel lamang na may lamang larawan at
maikling teksto, bagaman may mga disenyong maaaring isagawa, depende sa
nagpapakalat ng impormasyon.
Tips sa paggawa ng Flyer

1. Sumulat ng pamagat – Kailangang simple at malaki ang pamagat. Hindi ito

hihigit sa limang salita. Gumamit ng malaking titik. Maaaring lagyan ng kulay ang
pamagat.
2.Gawing simple ang mensahe – Dapat maunawaan kaagad ito ng titingin o babasa.
3. Magdagdag ng larawan o grapikong presentasyon - Mas natatandaan ng mga tao
ang mensahe sa tulong ng mga kasamang imahen. Iwasan ang sobrang daming
larawan.
4. Maglagay ng deskripsiyon sa ibaba ng larawan – Maaaring dalawa o hanggang
tatlong linya. Gumamit ng malalaking titik para sa mga susing salit at gumamit ng
mapanghikayat na mga salita.
5. Huwag kalimutan ilagay ang numerong dapat tawagan ng mga taong nais
tumugon o interesado sa nilalaman ng flyer.

Ang Leaflets
Ang leaflets ay higit na malaki at mas komprehensibo ang nilalaman kaysa flyers.
Karaniwan itong isang buong papel na itinupi sa dalawa o higit pang bahagi, na
may iba’t – ibang disenyo at teksto ayon sa particular na layunin.
Ang mga flyer at leaflet ay kadalasang inililimbag sa isang pahina lamang.
Kalimitang ginagamit ang mga ito bilang handout, ipinamimigay upang
maipakilala ang isang produkto o taong ikinakampanya. Ginagamit din ito bilang
pabatid sa mga okasyon o bilang talaan ng mga impormasyon tungkol sa isang
bagong kainan, pasyalan o produkto, at ibang patalastas.
Paggawa ng Leaflets

1. Planuhin ang mga detalyeng nais ilagay sa leaflet. Bumuo ng rough lay-out o
guhit na nagpapakita kung paano gustong iposisyon
2. Gumamit ng mga parirala para sa mga pamagat na teksto.
3. Kompara sa flyers, mas malaki ang espasyong inilalaan sa leaflets at maaaring
magdagdag ng impormasyon tungkol sa produkto.
4. Maaaring gumamit ng MS Word. Madali ring gumawa ng kolum sa MS Word at
maaari ding gamitin ang Microsft Publisher na mayroon nang nakahandang
templates ng mga disenyo na maaaring pagpipilian.

2
5. Magsama ng mga larawan upang maiwasan ang pagkakaroon ng bulto ng teksto
na hindi naman basahin ng mga tao.
6. Tingnan kung may mga pagkakamali sa baybay at sa gramatika. Ang anumang
pagkakamali ay nakakasira sa magandang naisagawa.
7. Maglimbag ng mga sampol bago ipamahagi ang kopya.

Promosyonal Materyals

Ang mga promosyonal materyal ay nagsisilbing gabay tungkol sa isang produkto

o serbisyo. Ang promosyon o promo ay isang espesyal na serbisyo na ginagawa sa
larangan ng negosyo. Ginagawa ang promo upang makaakit ng mga potensyal na
kostumer. Karaniwang takaw – tawad ang mga mamimili . Mas mababa ang
presyo, mas dinudumog ito ng mga tao. Ito ang dahilan kung bakit ang mga
kompanyang nag-aalok ng produkto o serbisyo na higit kaysa sa makukuha ng mga
mamimili sa karaniwang araw.
Mga dapat isa-alang – alang sa paggawa ng Promosyonal na Materyal
1. Sa promosyon, kailangang isa – isip ang reputasyon at imahen ng kompanyang
habang inaakma ang mga gawain sa target market.
2. Paghandaang mabuti ang mga materyal na gagamitin. Magsagawa ng testing sa
particular na materyal hanggang maging matagumpay sa materyal na
pinakatanggap ng mga konsyumer at pinakamalapit ang representasyon sa
kompanya.
3. Kinakailangang bumuo ng tema na angkop sa layunin ng promosyong
isinasagawa. Ang tema ang nagsisilbing inspirasyon sa pagbuo ng mga ilalapat na
salita at disenyo sa materyal na pampromosyon.
4. Isipin kung paano makaaapekto sa buhay ng mga mamimili ang produkto o
serbisyong iniaalok . Isa-alang – alang ang kanilang mga nais at ang kanilang mga
pangangailangan.
5. Huwag maglagay ng mga hindi katotohanang pahayag sa mga pasulat na
patalastas.
6. Sumangguni sa mga empleyado at iba pang propesyonal kaugnay sa
gagawing materyal na pampromosyon. Makatutulong ang pagiging bukas
sa konstruktisibong kritisismo upang mapaunlad ang paglikha ng mabisang
promosyonal na materyal.

Kalimitang binubuo ang promotional materials ng pangalan ng produktong nais

ipakilala o ikampanya, mga tiyak na impormasyong hinggil dito, mga piling
larawan upang higit na maging malinaw ang pagpapakita sa ibig ipatangkilik,
tagline, at iba pang mahalagang impormasyong makatutulong sa layunin ng
ginagawang flyer o promotional material.
Pormal ang kadalasang paggamit ng wika sa pagsusulat ng flyer at promotional
materials at maaaring kakitaan ng mga salitang teknikal na kinakailangan sa isang
partikular na trabaho o larangan.
3
Gawain 1.

Isulat sa loob ng kahon ang hinihingi ng bilang.

1. Ano ang promosyon?

2. Ano ang dahilan ng pagsasagawa ng promosyon?

3. Ano ang kahalagahan ng paggawa ng flyers?

4. Ano ang kaibahan ng flyers sa leaflets?

5. Bakit kailangan ng promosyonal na materyal sa isang nesgosyo?

III. ANO ANG NATUTUNAN?

PAGSASANAY I
Pangalan _____________________________ Petsa ____________
Taon at Seksyon _______________________ Iskor ___________

A. KAHULAMAN (Kahon ng Kaalaman)

Isulat sa patlang ang angkp na salita. Tingnan sa loob ng kahon ang mga
pagpipilian.

Materyal Promosyon o promo Komprehensibo

Negosyo Gramatika Impormasyon
Mensahe Pamagat Adbokasiya
Layunin Flyer larawan Target market
Pangangailangan Desisyon Reputasyon

Ang 1. ______________ay isang espesyal na serbisyo na ginagawa sa larangan ng

2. __________________, kung saan nagbibigay ng mas mababang halaga ang mga
nagbebenta ng produkto o serbisyo sa itinakdang panahon. Sa promosyon,
kailangang isaisip ang 3. ____________at imahen kompanya habang iniaakma and
mga gawain sa 4. ____________________. Sa pagbuo ng promosyon, kailangang
paghandaang mabuti ang mga 5. ______________na gagamitin. Bumuo ng tema
na angkop sa 6._____________ ng promosyon. Isaalang – alang ang nais at ang
mga 7. ___________________ ng mamimili. May dalawang pangunahing uri ng
promosyonal na materyal . Ginagamit ang 8. ________________ sa desiminasyon
o pagpapakalat ng 9. ____________tungkol sa isang personal na gawain o sa isang
negosyo. Karaniwang isang maliit na papel lamang ito na may kasamang
10. ___________________ at maikling teksto. Kailangang simple at malaki ang
11. ______________________. Gawing simple ang 12. ____________________.
Higit na malaki at mas 13. _________________________ ang nilalaman ng
leaflets. Karaniwang ginagawa ito ng mga nagsisimula ng isang negosyo o kaya ay
para sa isang kampanyang pangkamalayan na may paniniwala o
14.__________________________. Kailangangg ingatan ang pagsulat ng teksto at
ang 15.________________________ng parehong materyal.

This material was contextualized by the Curriculum Implementation Division (CID)

 Learning Resource Management and Development Section (LRMDS)
Department of Education
Region VII
DIVISION OF CITY OF BOGO

ROSELLER N. GELIG
Schools Division Superintendent

NILO J. SENDRIJAS
Assistant Schools Division Superintendent

JOCELYN M. CONTA
Chief, Curriculum Implementation Division

LOURDESITA P. GUARDIARIO
Education Program Supervisor, LRMDS

CHARM VIDAMAE ABELLANA

Education Program Supervisor, FILIPINO

REGIONAL OFFICE

DR. SALUSTIANO T. JIMENEZ

Regional Director, RO7

DR. CRISTITO A. ECO

Assistant Regional Director, RO7

DR. MARIA JESUSA C. DESPOJO

Chief, Curriculum and Learning Management Division

MAURITA F. PONCE
Education Program Supervisor, LRMDS/MTB

Ang May – Akda: EMMA R. BERCERO

Ang may – akda sa Self Learning Kit na ito ay guro sa FILIPINO na nagtuturo sa
paaralang Odlot National High School, Odlot , Bogo City , Cebu. Isang Teacher II
ng Filipino (SHS). Nakapagtapos sa pag – aaral ng BSED - Major in Filipino sa
Northern Cebu Colleges noong March 25, 2011.
 Curriculum and Learning Management Division(CLMD)
Learning Resource Management and Development Center(LRMDC)
Department of Education Region VII

13