Department of Education

11
DIVISION OF CITY OF BOGO
Buac, Cayang, Bogo City, Cebu

FILIPINO

QUARTER 2 – WEEK 1
 ALAMIN MO

Ang modyul na ito ay binuo upang lalong malinang ang iyong kaalaman sa
iba’t – ibang paggamit ng wika sa mga napakinggang pahayag mula sa mga
panayam at balita sa radio at telebisyon at nasusuri at naisa-alang –alang ang
mga linggwistiko at kultural na pakakaiba –iba sa lipunang Pilipino sa mga
pelikula at dulang napanood.

Pagkatapos ng modyul na ito, ikaw ay inaasahang:

1. Nasusuri ang iba’t –ibang teksto ng mass media tulad ng telebisyon.

2. Nauunawaan ang saklaw at impluwensya ng mass media.
3. Napapahalagahan ang tungkulin ng mass media sa Pilipinas.

I. ANONG NANGYARI?

KRUSIGRIMA
Subukin Basahin ang talaan ng kahulugan sa kolum na PAHALANG at PABABA.
Gamitin ang letra na nasa krusigrima bilang karagdagang palatandaan
upang matukoy ang salita.

V
P
S A
H
M S M D
L
O
G
R D O
N

PAHALANG

1. Pangmadlang media
5. Media ng masa

PABABA

2. Pinanonood
3. Print Media
4. Pinakikinggan

1
 II. ANO ANG DAPAT MALAMAN?

Tuklasin Wikang Filipino at Mass Media

Mass Media. Tinatawag rin na Pangmasang media o pangmadlang media.

Malaki ang impluwensiya ng Mass Media sa lipunan. Ito ay isa ring malaking
industriya at kinikilala bilang Ikaapat na Estado (Fourth Estate) kasunod ng
tatlong sangay ng pamahalaan at umiiral sa mga bansang Demokratiko.
Dahil na rin sa makabagong teknolohiya, mas napapadali na ang
paggamit ng mass media. Kasama sa sangay ng mass media ang pahayagan,
radyo, at telebisyon. Ito rin ang ginagawang libangan, pinagkukunan ng balita
at dahilan ng pagsikat ng ilan. Ang internet ang pumangalawa sa
pinakamagiting media sa pilipinas. Samkatuwid ,isa itong malaking negosyo.
Kumikita ito sa tulong at sa pamamagitan ng patalastas . Ang mga patalastas
sa telebisyon at radyo ay ginagawa ng mga advertising agency. Rating survey
ginagamit upang malaman ang mga patok na programa at palabas sa telebisyon
at radyo.

Ayon kay Marshall Mcluhan,

“Hinuhubog na tayo mismo ng mass media. Kailangang-
kailangan na natin ang mass media sa ating buhay.”
Mass media din ang dahilan kung bakit mas napapala.
Mass media din ang dahilan kung bakit mas
napapalawak pa natin ang ating kaalaman sa
makabagong teknolohiya. Sa tulong ng mga balita,
pahayagan, magazine at iba pang sangay ng mass media ay mas updated na tayo
sa kung ano ang mga bagong kagamitan o gadgets.
Kasama sa mass media ang siklo ng produksyon, distribusyon,
pagkonsmo ng impormasyon, produkto at serbisyo sa lipunan kung saan tayo
ay patuloy na nabubuhay. Hinuhubog tayo ng mass media, simula sa mga
impormasyon at balitang ating nakukuha, ang mga nababasa natin sa mga
tabloid at pahayagan, ang mga naririnig natin sa radyo, pati na rin ang
nababasa natin sa mga social networking sites.

Radyo ang media ng masa

Ang mga Pilipino ay namulat sa pakikinig ng radyo noong hindi pa

nauuso ang telebisyon. Ang mga programa sa radyo ang may pinakamalawak at
pinakamaraming naaabot na namamayan. Naaabot nito ang mga lugar na
malayo sa kabayanan at siyudad. Ang radyo ang pinakamurang kasangkapan
sa bahay. Madalas nakikirinig rito ang mga drayber ng taxi at ang mga nasa
pribadong sasakyan. Napapakinggan din ito sa mga tahanan, kainan at
karinderya at sa mga opisina. Ito ang pangunahing pinagkukunan ng tao ng
impormasyon, balita, payo, libangan at mga patalastas maliban sa dyaryo at
mga tabloid

2
 Bukod sa radyo, isa ring pangunahing pinagkukunan ng impormasyon
ang telebisyon. Ang panonood ng telebisyon o panonood ay isang mahabang
proseso ng pagbabasa, pagkuha at pag-unawa ng mensahe mula sa isang
programa o palabas. Ang panonood ay isang uri ng pag babasa sapagkat imbes
na mga letra o teksto ang nakalagay, mga tekstong biswal at awdyo ang iniintindi
at binibigyang interpretasyon ng mga manonood.

Nakahiligan na ng mga Pilipino ang panood ng mga paborito nilang

programa. Makikitira ito sa pang-araw-araw na pamumuhay nila. Sa mga
tahanan, sa mga bus, sa sinehan, sa mga tindihan at sari-sari store, maging sa
mga restawrant at mga karinderya. Katulad ng radyo, isang malaking bahagi na
rin ng kulturang Pilipino ang panonood at pagsubaybay sa mga teleserye at
mga reality tv shows.

Ang mga palabas ay may apat na uri, ang tanghalan o teatro, mga
pelikula, telebisyon at youtube. Ang tanghalan o teatro ay isang palabas kung
saan aktwal na umaarte ang tauhan ayon sa isang script. Ito ay may iskoring ng
musika, may tunggalian, may tagpuan at wakas. Samantala, ang pelikula naman
ay ang palabas na kung saan nauna na ang pag-arte at inirekord na lamang
gamit ang kamera. Samakatuwid, ang pelikula ay mga palabas na hindi aktwal
na napapanood ang pagtatanghal. Tulad ng tanghalan, ang palabas rin ay may
iskoring ng musika at tagpuan. Sine ang tawag sa mga imaheng gumagalaw
o motion pictures.
3
Telebisyon, midyum ng mga programa upang maipalabas ito. Mraming uri ng
palabas sa telebisyon kabilang ang mga teleserye, komedya o komedi-serye,
telenovela, pelikula, mga balitang panglokal at pangdaigdig, mga
dokumetaryo, variety show at reality tv shows at game shows. Ang Youtube ay
isang popular na site kung saan maaaring mag-upload ng mga videos ang
mga netizens o mga taong gumagamit ng internet

Pagyamanin

Sagutin ang mga sumunsunod na tanong.

1. Ano ang mass media? Bakit sinasabing makapangyarihang institusyon ito ng
panlipunan?
2. Magbigay nga halimbawa ng mass media. Alin sa mga ito ang pinakatangkilik
mo ?at Bakit?
3. Bakit sinasabing ang radio ay “media ng masa”? Sino – sino ang karaniwang
tumatangkilik nito?
4. Ano-anong uri ng ng palabas ang tinalakay kaugnay ng panonood? Ilarawan
ang mga ito.

3
 Media at Pambansang Wika
Ni Roland Tolentino
Bulatlat.com

Media ang pangunahing daluyan ng Pambansang Wika, o ang popular

nitong bersyon, kolokyal na Tagalog, Filipino at Taglish. Maliban sa Evangelical
na palabas na nagbibigay-aral at nanghihimok ng kumbersyon sa ingles, ang
kalakhan ng free channels sa telebisyon ay gumagamit na nitong Filipino.
Dati ay primetime telebisyon lang ang gumagamit nito. At simula ng
pinakahuling balita sa gabi, lahat ay bumabalik sa ingles, lalo na ang news
magazine shows.
Pero nahigop ito ng Filipino, lumawak ang oras at palabas na tinaguriang
“primetime,” at kung gayon, mas maraming oras ng advertisement na
pinagkakakitaan ng may-ari ng kompanya.
Magkabilang pisngi ng iisang mukha ang telebisyon bilang lunduyan ng
pagpapalaganap ng pambansang wika. Sa isang banda, ito na ang
nakakapagpaunlad ng kontemporaryong Filipinong kauna-unawa sa buong
bansa. Ang kalakarang hindi kayang ilehislatura o isabatas hinggil sa
pambansang wika ay naisasakatuparan na ng popular na media.
At hindi nag-iisa ang telebisyon bilang pangunahing disseminator ng wika. Lahat
ng AM stations sa radyo ay gumagamit ng Filipino at mga wikang bernakular.
Ang FM stations ay kinakailangan ding gumamit ng Taglish kaysa ingles na may
twang at slang dahil masyadong nae-alienate ang tagapakinig, lalo na ang
Amerikanong tagapakinig kapag ang DJs ay “pretend” (nagpapanggap na
American native speaker).
Ito na rin ang nagsisiwalat ng isang Filipino ingles na binibigkas. Walang
American twang, tadtad ng idiomatikong expresyong pidgin o kakatwa lang sa
Pilipinas, at may rekurso sa Taglish bilang performatibong wika ng gitnang uring
tagapakinig ng FM station. Ang umuunlad na pinapakinggang Taglish ang siyang
benchmark ng isang wika aspirasyonal para sa mababang uri na kahit man
lamang ito—halong Tagalog at ingles—ay makayanang maabot, at sa mataas na
uri para makapagkomunikasyon sa sirkulo ng iniinugang mababang uri, tulad ng
kanilang katulong, driver, watch-your-car boy, nagbebenta ng sampaguita at
yosi, at iba pa.
Ang umuunlad na wika ay pragmatikong wikang kolokyal. Nasasapol nito
ang aspirasyonal na layunin ukol sa komunikatibong operasyon sa bansa. Na
ang abang uri ay maari ring umangat—at the very least, maging call cente
agent—kung makikinig lamang ito ng Taglish sa popular media, mga bagay na
hindi niya lubos na matutunan sa akademikong kalakaran na purong Filipino o
purong ingles lamang.
At ang mataas na uri ay maaring magkaroon ng reli (relevance) sa
kinakausap na abang uri, dahil marahil sa kauna-unahang pagkakataon, may
nauunawaang popular na wikang pinaghahalawan ang kumakausap at
kinakausap. Para itong wika ng popular na pelikula, kahit mamilipit na ang mga
karakter—na ginagampan ng pinakabatikang batang artista—na magdiretsahang
ingles, nakakapanghimok pa rin ang wika ng aspirasyonal na lifestyle choice:
edukasyon, career, pag-ibig, pamilya at gitnang uring buhay.
Na kahit nga abang uri ang mga tauhan at naratibo ng mga pelikulang
popular, sa pamamagitan ng gitnang uring panuntunan, ang punto-de-bista at

4
pagpapahalaga ay maglilikhang hindi nakikita at natutunghayan ang
materialidad ng abang uri.
Tanging ang aspirasyon ng gitnang uri ang tumitingkad. Kaya ang
ordinaryong assistant sa isang advertising company na babae ay mai-inlove sa
kanyang masungit na boss, at mai-inlove gamit ang wikang Taglish.
Sa internet, sinasabing ang sites na sa Filipino at bernakular ay mas maraming
trafiko at hits kaysa sa sites sa ingles. Umaariba na ang kolokyal na pambansang
wika, at ang panuntunan ng gatekeepers ng ofisyal na wikang pambansa ay, sa
pangunahin, nakasentro sa usaping standardisasyon (baybay, panunumbas na
kahulugan, gamit sa pangungusap, at iba pa).
Sa kabilang banda, sa mas pragmatikong usapin, ang pagpapalaganap ng
media ng kolokyal na pambansang wika ay hindi naman dahil sa pagmamahal ng
una sa huli. Mas atas pa ng pangangailangan ng higit na kita ng media—isa sa
mga huling negosyong nilinaw ng Konstitusyon na para sa mga Filipino lamang—
ang motibasyon ng pagtangkilik ng negosyong media sa wikang pambansa.
Narinig kong magsalita ang mga artista sa “The Buzz,” isang showbiz talk
show. Si Shaina Magdayao ay nagpapaliwanag kay Boy Abunda hinggil sa pang-
aalipustang siya ang dahilan ng pagka-setback sa career ni John Llyod Cruz.
Ewan ko kung tipong inaabot ni Shaina o Gerard Anderson—na nagpapaliwanag
naman sa korte ng popular na publikong opinyon hinggil sa paghihiwalay nila ni
Kim Chu–ang manonood na kalakhan ay galing sa mababang uri, pero hindi sila
makapagsalita ng tuwid na Filipino o ingles.
Ang kanyang rekurso ay paghaluin ito, at ito ang tagumpay ng pag-inhinyero
ng media conglomorates sa artista at wika: wala nang nasa labas ng kolokyal na
wika, at ang pagpaminta ng ingles sa Filipino ay ang pagsasanib ng higit na
aspirasyonal na halaga ng wikang ingles sa Filipino. Hindi rin kakatwa na wikang
ingles ang inaakalang literal na magpapayaman sa nagsasanib nito sa wikang
Filipino.
Hindi ba’t ingles ang siyang kolonyal na wika, at kasalukuyang tampok na
global na wika sa ating insular na mundo?
Kahit pa sa boom economies ng India at China at ang pangangailangan ng
maraming Filipinong marunong ng wika ng mga ito para sa engagement sa mga
bagong global na economic powers, patuloy lamang ang pinupuntirya ng mga
Filipino ay ang circuitous na pakikisalumuha via ingles?
Sa madaling salita, pambansang aspirasyon ang kolokyal na pambansang
wika. Ang sentral na impetus ay nanggagaling sa pambansang motibasyong
makaalinsabay sa globalisasyon, o ang paghahanap ng lokal na idioma sa global
na kapitalismo. Hindi ito dumidiretso sa kalakarang global, ang pagpasok sa
ekonomiya ng India, China at iba pang umuunlad at mas mauunlad na bansa.
Ang trajektori ng aspirasyon ay tungo sa katagumpayan ng globalisasyon sa
pambansang kondisyon: ang higit pang penetrasyon ng global sa lokal. Ang
kultural nitong pagsasalin ay nangangahulugan ng mobilisasyon sa
pamamagitan ng overseas contract work sa labas ng bansa at call center work sa
loob ng bansa. At media ang nagpako ng kasalukuyang estado ng pangarap ng
mamamayan.
Ang kahulugan ng paglaganap ng isang kolokyal na wikang pambansa sa
media ay nagsaad rin ng nasyonal na agenda: sa pamamagitan ng kolokyal na
wikang pambansa makakalahok ang bansa sa kolokyal na globalisasyon.
Nananatiling nasa laylayan ang bansa at ang wika nito tungo sa internalisasyon

5
 ng globalisasyon. At dahil magpakaganito, tumitingkad ang materialidad ng di-
pantay na penetrasyon ng globalisasyon sa buong mundo.
Kung titignan ang diyaryo, malinaw na ang broadsheets—ang lehitimong
peryodismo—ay nakasulat sa ingles. Sa mga tabloid, na higit na tinutunghayan
ng mas maraming bilang ng ordinaryong mamamayan, ay sadlak sa
sensationalismo, ang bulgar at bawal, sexual at bastos, at iba pa. Hindi ba’t ang
isinasaad nito ay ang di-opisyal at popular na motibasyon sa kaalaman-kultural
na dulot ng tabloid ay tungo sa mismong hindi aangkop sa kinikilalang ofisyal na
peryodismo sa bansa?
Kaya ito ang debacle sa wikang pambansa at media na nagpapalaganap ng
kolokyal na variasyon nito: ang pinapatingkad ay ang kabalintuan ng di
makapantay at makaagapay sa ofisyal na globalisasyon, at ang kasalukuyang
tereyn ng kolokyal na wikang pambansa ay nananatiling nasa bulgar,
ipinagbabawal, sexual at bastos. (Bulatlat.com)

Pagyamanin

1. Ano ang naging bahagi, ambag at impluwensiya ng wikang Filipino sa radio at

telebisyon?
2. Sa iyong palagay, ano ang dahilan kung bakit lumawak ang sakop ng Filipino
sa mga primetime na palabas?
3. Bakit mahalagang suriin ang kolokyal na wikang pambansa kaugnay ng
media?

Suriin II. ANO ANG NATUTUNAN?

Hanapin sa loob ng kahon ang tamang sagot.

A. Youtube F. Media
B. Radyo G. Internet
C. Mass Media H. Patalastas
D. Marshall Mcluhan I. Visual
E. Rating Survey J. Advertising Agency

6
____________1. Nagsabing Kailangang-kailangan na natin ang mass media sa
ating buhay.”
____________2. Ginagamit upang malaman ang mga patok na programa at
palabas sa telebisyon at radyo
____________3. Gumagawa ng mga patalastas
____________4. Pinakamalawak at may pinakamaraming naabot na mamamayan;
pinakamura.
____________5. Pumapangalawa sa pinakagamiting media sa Pilipinas.
____________6. Pinagmamasdan o pinapanood.
____________7. Kumikita ang media sa tulong at sa pamamagitan ng mga.
____________8. Kung saan in-uupload ang mga personal na video.
____________9. Pinakamaimpluwensiyal at pinakamakapangyarihang institusyon
sa ating lipunan.
____________10. Institusyong panlipunan na ang tungkulin ay maging
tagapagbantay, tagamasid, taga-ulat ng mga pangyayari sa lipunan, maging tinig
ng mamamayan at tagapaghatid ng mensahe sa kinauukulan.

7
SUSI SA PAGWAWASTO

Subukin Suriin Pagyamanin

Pahalang 1.D Answers may Vary
1. Mass Media 2. E
5. Radyo 3. J
Pababa 4. B
2. Visual 5. G
3. Pahayagan 6. I
4. Audio 7.H
8. A
9.C
10.F
SANGGUNIAN:

Sidhaya 11 (komunikasyon at pananaliksik sa wika at kulturang pilipino),

batayang aklat sa Filipino sa Senior High.

Mga May –akda:

Vilma Alcantara – Malabuyoc
Aileen Joy G. Saul,Ph.D.
Jean Marie Dealino-Gragasin et al..

https://www.google.com/search?q=Radyo&tbm=isch&ved=2ahUKEwi7u9v_mLjrA
hXUIaYKHSgpA1kQ2-cCegQIABAA

https://umtcshsabm1.wordpress.com/2016/09/22/aralin-1-wikang-filipino-at-
mass-media/

http://iklikfilipino.blogspot.com/2016/10/ang-mass-media.html

media.htmlhttps://www.bulatlat.com/2010/09/06/media-at-pambansang-wika/

Inihanda ni:

EMMA R. BERCERO

8
9
Curriculum and Learning Management Division(CLMD)
Learning Resource Management and Development
Center(LRMDC)
Department of Education Region VII

10
11