DESKRIPTIBO

“Nangingibabaw ang Pagmamahalan”

Hindi perpekto ang pamilyang aking kinabibilangan. May mga problemang

pinagdadaanan na nagpapakita ng mga hindi magagandang katangian ng bawat isa sa amin.

Ngunit kahit ganoon, mas nangingibabaw pa rin ang mga magagandang katangian na siyang

dahilan kung bakit labis ko silang minamahal.

Ang aking ama ay lubos na mapagmahal sa aming mga anak niya lalong lalo na sa

aking ina. Nagsusumikap siya na palaguin ang aming negosyo upang maibigay niya ang mga

pangangailangan kasama na rin ang aming mga luho. Hindi man niya sinasabi na nahihirapan

na siya, alam ko at nakikita ko minsan sa kanya na pagod na siya at kahit ganoon,

pinagpapatuloy pa rin niya ito para sa amin.

Isa ring masipag na ina ang ibinigay sa akin ng May Kapal. Siya ay isang guro sa

elementarya at tumutulong din sa aming negosyo. Suportadong asawa ang aking ina,

tinutulungan niya ang aking ama sa mga bagay na nais nitong gawin. Siya rin ay may pagka-

istrikta, binabantayan niya palagi ang galaw at desisyon na ginagawa naming mga anak niya.

Hindi siya nakakalimot na magbigay paalala sa amin kung ano ba ang tama at mali.

Bilang karagdagan, may dalawang ate at isang nakababatang lalaking kapatid ako na

gumugulo at nagpapaligaya sa aking buhay. Palagi silang handa na tulungan ako kung sakaling

kailanganin ko man sila. Nagbibigay payo sila sa akin kapag gulong-gulo na ako sa mga

problemang pinagdaraanan ko.

Puno ng pagmamahalan ang nakagawian kong pamilya. Bukas sa anumang saloobin at

hindi nagtatago ng lihim sa bawat isa. Isa ito sa mga dahilan kung bakit matibay ang

pagsasamahan ng bawat isa sa amin. Nangingibabaw palagi ang damdamin ng

pagmamahalan.
 NARATIBO

“Kaarawang ‘Di Malimot”

Isang umaga ng Sabado, habang kumakanta ng sikat na kantang ‘Especially For

You’ ng MYMP, nahagip ng aking mga mata ang aking ina at ama na kasalukuyang

naglalaba ng aming mga damit. Sinabihan din ako nitong kumain na ng umagahan upang

ako’y hindi sakitan ng tiyan. Bigla kong naalala ang kaganapan sa araw ng aking kaarawan

noong nakaraang Pebrero.

Maaga akong gumising noong araw na iyon sapagkat may pasok kami sa paaralan.

Nahinuha kong babatiin agad ako ng aking ama sapagkat siya ang nagluluto ng aming

almusal. Pagkalabas ko ng aking kwarto, wala ang aking ama. Naisip kong maaaring

maaga siyang pumasok sa trabaho. Kaya’t nagmadali na lamang akong kumilos at baka

mahuli pa ako sa klase. Natapos ko na lahat ng dapat kong ayusin sa aking sarili at handa

na akong pumasok ngunit parang may hinihintay akong bumati sa akin. Umalis ako ng

bahay na biguan. Wala man lang ni-isa sa aking pamilya ang nakaalala sa aking kaarawan

Akala ko ay hindi na maganda ang magiging buong araw ko. Laking gulat ko sa

aking pag-uwi, may nakapaskil sa pader na “Hapy Birthday Ellaine”. Sinalubong ako ng

aking mga magulang at binati. Sinabihan akong ipinagmamalaki at mahal na mahal nila

ako. Naiiyak na ako ng mga oras na iyon dahil buong akala ko ay hindi nila naalala at hindi

importante sa kanila ang araw na iyon, ngunit mali ako. Maling-mali.

Isa ang araw na iyon sa mga hindi ko malilimutang pangyayari sa aking buhay

sapagkat naramdaman ko ang pagmamahal ng aking pamilya para sa akin. Handa silang

magsumikap upang maibigay sa akin ang mga bagay na aking ninanais. Iniisip ko ano

kayang kaganapan ang mangyayari sa aking susunod na kaarawan?

 EKSPOSITORI

“Kayamanang Walang Kapalit”

Bawat tao sa mundong ibabaw ay may pinakaiingatang bagay sa kanilang buhay.

Bagay na nagpapasaya at kumukumpleto ng kanilang araw. Bagay na hinihiling nila na

huwag nang mawala pa. Maaaring ang bagay na ito ay isang pisikal na bagay gaya ng

alahas, gadgets, damit at marami pang iba. Ngunit, para sa akin, ang tinuturing kong

pinakaiingatang bagay ay ang aking pamilya. Pamilya na palaging nandiyan sa aking tabi

anumang oras na kailanganin ko sila.

Sa mahigit isang daang milyong tao sa buong Pilipinas, iilan lamang sa mga ito ang

mayroon ng isang kumpleto at masayang pamilya. Ang iba'y galing sa tinatawag nating

"broken family" at ang iba naman ay wala nang mga magulang, maaaring sumakabilang

buhay na o hindi naman ay itinakwil na ng kanilang ama o ina.

Mapalad ako sapagkat ipinagkaloob sa akin ng Diyos ang isang pamilyang punong-

puno ng pagmamahal at kaligayahan. Hindi man perpekto at marami mang problemang

pinagdaraanan, sama-sama ang bawat isa sa amin na harapin at labanan ito. Palagi nga

naming sinasabi na “Problema lang ito, Pamilya kami”. Isa pa’t may Diyos kaming kasama

sa anumang labang kahaharapin pa naming pagsubok sa hinaharap.

Parte na ng buong pagkatao ko ang aking pamilya sapagkat sila ang bumuo at

humulma sa Ellaine na nakikita ng ibang tao ngayon. Sila ang dahilan kung bakit araw-araw

ay bumabangon ako sa aking higaan at magsusumikap sa buhay upang marating at

matupad ang aking pangarap. Mamumuhay kami ng masagana sa hinaharap. Masasabi ko

nga na isa na akong mayamang tao sapagkat mayroon akong pamilya. Sila ang itinuturing

kong kayamanan na hinding-hindi ko ipagpapalit sa kahit anumang bagay.

 ARGUMENTATIB-PERSWEYSIB

“Walang Mahirap, Kung Sama-Sama”

Sa loob ng isang pamilya, hindi maiiwasan ang kawalan ng komunikasyon. Ito ay

maaaring magresulta sa pagkakaroon ng tinatawag nating “wall” sa relasyon ng bawat

miyembro ng pamilya. Isa itong napapanahong hamong kinahaharap sa lipunan na nararapat

solusyon upang mas mapagtibay pa ang pagkakapit-bisig ng bawat pamilyang Pilipino.

Bilang karagdagan, ilan sa mga maaring dahilan ng pagkakabuo ng problema sa

komunikasyon ay ang pagkakaroon ng takot ng mga bata na magsabi ng saloobin sa kanilang

mga kapatid lalong-lalo na sa kanilang magulang sapagkat nag-aalala silang baka sila’y

husgahan at pagalitan kung may mali mang nagawa. Isa pang dahilan ay ang kawalan ng oras

ng bawat miyembro sa isa’t isa. Maaaring maraming gawain sa paaralan o bahay ang nararapat

tapusin, lalo na ang oras ng mga magulang na halos umaga hanggang gabi ang trabaho.

Ang kawalan ng komunikasyon sa pamilya ay may masamang epekto sa buhay ng mga

miyembro nito. Isa sa mga epekto nito ay ang paglayo ng loob ng pamilya sa bawat isa.

Nagiging bukas ang iilan sa kanilang mga kaibigan ngunit hindi ito kadalasang masabi sa

pamilya. Ito ay maaring magresulta sa pagkabarkada ng bata.

Mapalad ako dahil bukas ang bawat miyembro ng aking pamilya sa isa’t isa. Hindi

nawawalan ng oras ang bawat isa sa amin. Palagi kaming may tinatawag na “Family Day”

tuwing linggo pagkatapos magsimba. Isa itong maganda at epektibong paraan upang

mapagtibay ang samahan ng pamilyang kinabiilabngan.

Samakatuwid, ang kawalan ng komunikasyon ay isang malaking hamong dapat harapin ng

mga miyembro ng pamilya. Hindi ito mahirap solusyunan kung pagtutulungan ito ng bawat isa dahil

walang mahirap kung lahat ay sama-sama. Nawa’y maging bukas na ang mga miyembro sa

kanilang pamilya dahil sila-sila lang din naman ang magkakasama sa bandang huli.