Sa panahon ng instant messaging, napakadaling makipag-usap sa napakaraming
tao sa ngayon. Ang ating teknolohiya ay masasabing isang milagro sapagkat kung ikaw ay babalik dalawang dekada sa nakaraan ay sasabihing imposible ang mga ito. Ang isang manlalakbay na babalik sa nakaraan ay ituturing na pantas dahil sa kakaibang kagamitang kayang magpakita ng kaalaman ng mundo mula sa isang maliit na salamin na may ilaw (kung siya ay makakita ng signal) Ngunit ang maaring kapalit ng modernong pamumuhay ay ang ating sariling pagkakakilanlan bilang isang baying Pilipino. Kasabay sa paglawak ng teknolohiya ay siyang paglawak din ng impluwensiya ng ibang bansa sa atin. Sa gitna ng mga ito, maibabahagi pa rin ba natin ang ating sariling kultura at pagpapahalaga na ipinamana ng ating mga ninuno. Ang araling ito ay tungkol sa mga kayamanang ipinamana sa ating mga ninuno-ang karunungang bayan, tulad ng salawikain, sawikain, at bugtong, nasumasalamin sa kulturang Pilipino. Malaking tulong din sa iyo ang araling ito, na matutunan mo ang paggamit ng mga salitang magandang pakinggan sa pandinig, at maging mas maliwanag ang iyong paglalarawan ng mga bagay o mga pangyayari, sa pamamagitan ng paggamit ng iba’t ibang paraan ng paghahambing. TARA, ARAL NA!