1.Anu-ano ang pundasyon sa masining na pagpapahayag?
1talata 10pts
Ang pagkakaroon ng isang masining na pagpapahayag ay nakabase sa gramatikal, retorikal at
lohikal na aspeto ng isang pahayag. Gramatikal o ang angkop na gamit ng mga salita. Isa ito sa mahalagang pundasyon sapagkat ito ang unang napapansin ng ating mga tagapakinig o mambabasa. Ito ang makapagbibigay sa kanila ng mas magandang impresyon at malinaw na mensahe kung saan maiintindihan nila ang damdamin ng iyong pahayag. Ang retorikal na aspeto naman ang nagbibigay buhay sa isang pahayag. Naglalayon itong makapanghikayat, makapagbigay-aliw at makapagbigay ng mas malinaw at komprehensibong pahayag kung saan hindi lamang isang tao ang makakaintindi kundi mas marami pang iba. Ang lohikal na aspeto naman ay responsable sa pagsang-ayon o pagtutol sa mga katotohanang naipabatid sa isang pahayag. Ito ay mahalaga upang makuha ng lubusan ang loob ng iyong mga mambabasa o tagapakinig. Kung wala ang tatlong elementong ito ay mawawalan ng buhay ang isang pahayag. Ito ang mga dahilan kung bakit kawili-wiling basahin o pakinggan ang isang pahayag kaya nangangailangan na matatag ang pundasyong nito.
2.Paano nakakaapekto ang mga elemento sa proseso ng retorika? 2talata 20pts
Ang mga elemento na nakakaapekto sa proseso ng retorika ay ang (1) ispiker (2) tagapakinig (3)konteksto (4) mensahe. Ang unang elemento ay may napakalaking epekto sa proseso ng retorika. Ang ispiker ang nagsisilbing simula kung bakit nagkakaroon ng pakikipagtalastasan. Siya ang naghahatid ng mensahe at magsisimula ng usapin. Kaya kung wala ito, maaring wala ding pagpapahayag dahil ispiker puno’t dulo ng pag-uusap. Pangalawa naman ay ang tagapakinig. Ang papel ng isang tagapakinig ay napakahalagang elemento din sa proseso ng retorika dahil sya ang magsasalo ng mensahe na ibabato ng ispiker. Kung walang tagapakinig ay hindi rin magkakaroon ng pakikipagtalasan dahil hindi naman maaaring kausapin ng ispiker ang kanyang sarili. Base sa depinisyon ng pakikipagtalasan, ito ay binubuo ng dalawa o higit pang tao kung saan nagaganap ang pakikipagpalitan ng impormasyon na naaayon sa layunin ng bawat isa.
Bukod sa mga elementong ito na tumutukoy sa tauhan ng pakikipagtalastasan, mahalaga din
na bigyang pansin ang mensahe at ang konteksto. Ang mensahe ay tumutukoy sa paksa or damdamin na nais maipabatid sa madla o sa taong kausap. Ito ay ang pangunahing dahilan kung bakit nagkakaroon ng pakikipagtalasan sa pagitan ng ispiker at tagapakinig. Ang mensahe ay ang mas malalim na kahulugan ng ating mga sinasabi. Mahalagang naiintindihang ng taong kausap mo ang mga salitang binibigkas mo. Ang mensahe ay ang nagbibigay ng saysay sa isang makabuluhang pag-uusap. Panghuli ay ang konteksto na may malaking epekto rin sa iba pang elemento at buong proseso ng komunikasyon. Ito ay binubuo ng mga dimensyon kasama na ang ang dimensyong pisikal, sosyal, kultural, at sikolohikal. Ang imensyong pisikal ay tumutukoy sa lokasyong ng pinangyariha ng pag-uusap. Sakop nito ang kondisyon ng panahaon, lebel ng mga hadlang sa pag-uusap, agwat ng taong nag-uusap at iba pa. Sa dimensyong sosyal naman nakapaloob ang relasyon ng ispiker sa kanyang tagapakinig. Maaaring sila ay magkapatid, magkaaway, mag-ina o iba pa na nagdidikta kung ano ang magiging takbo ng pag-uusap. Dimensyong kultural ay ang pagkakaiba ng paniniwala, kultura o relihiyon na maging sanhi ng hindi pagkakaunawaan ng dalawang nag-uusap. Panghuli ay ang dimensyong sikolohikal na tumutukoy sa damdamin at emosyon ng nagpapahayag. Ang dimensyong ito ay ang maaaring magdikta sa magiging resulta ng pag-uusap. Kung galit ang isang tao ay maaaring makadulot ito ng hindi maganda pag-uusap at kabaliktaran naman kung nasa magandang kalooban naman ang isang tao. 3. Anu-ano ang maaaring pagkunan ng nilalaman?.2talata 20pts Ang nilalaman ay tumutukoy sa buod ng pinag-uusapan. Maaaring magmula ito sa iba’t ibang aspeto ng buhay. Una rito ay ang karanasan ng isang tao. Sakop ng karanasang ito ang kanyang naging papel sa isang sitwasyon. Ika nga nila na ang karanasan ang pinakamagaling na guro kung kaya’y