Sa mahigit kumulang dalawang taon na paninilbihan bilang
itinalagang Punong Guro ng Cagayan National High School, nasaksihan namin ang walang humpay mong pagbabahagi ng iyong oras, serbisyo, at pagmamahal bilang Ina ng ating paaralan. Lubos ang aming pasasalamat at pagpupugay sa walang sawang pag-gabay at pagpatnubay sa amin, upang mapabuti ang anumang adhikain na isinasagawa ng ating paaralan.
Inihahalintulad ka namin sa isang punong NARRA na sumisimbolo ng
tibay at katatagan. Anumang unos o bagyo na dumating, hindi ka natitinag laging kalmado at handang harapin ang mga pagsubok. Maraming salamat at naging kabahagi ka namin, at higit sa lahat naging parte ka na ng buhay ng bawat isa, lalo na sa aming mga mag-aaral. Mabuhay ka Maam.
Sa aming minamahal na Punong Departamento ng Filipino, Gng. Luzviminda T.
Pasion Ang halamang ito ay sumisimbolo sa amin ng inyong paghikayat upang maging malago at masagana sa pagbabahagi ng kaalaman sa aming mga mag-aaral. Nawa’y magampanan namin ang aming tungkulin sa tulong ng inyong mapagpalang kamay.
Sa aming mga Guro,
Na nagbibigay lakas at suporta sa mga adhikain alinsunod sakanilang sinumpaang tungkulin, Sana po patuloy kayong maghawak kamay sa ikatatagumpay naming mga mag-aaral at ng buong bansa.
Sa kapwa kong mag-aaral,
Na nagsisilbing inspirasyon sa ating mga guro’t magulang, patuloy nating ipakita na tayo’y nagsusumikap na makapag tapos upang mapawi ang mga pagod nila para sa atin. Nawa’y ipadama at ipakita natin ang pagpapahalaga at interes sa pagkatuto, dahil ang lahat ng ito ay para sa iyo, para sa akin, at para sa buong Pilipino.
Maraming Salamat at Mabuhay tayong lahat!
Lubos na nagmamahal,
Christian Joshua D. Catulin, ang
Banyuhay Club at ang buong mag- aaral ng Cagayan National High School.