UP TALKS: Wikang Filipino sa Pananaw ng internasyonalisasyon at Globalisasyon
YouTube Channel: TVUP
Kahalagahan at Kapakinabangan ng Wika
Matapos panoorin ang video na ibinigay mula sa “UP Talks” aking natutunan na ang kahalagahan ng Wika ay ito ang nagsisilbing paraan para pagyamanin ang kaalaman at karunungan ng mamamayan sa isang bansa. Hindi magiging posible na tayo ay matuto sa mga bagay na kailangan natin matutunan kung wala tayong wika na gagamitin. Ito ang pangunahing sangkap sa pakikipag interaksyon at sa pag pasa ng karunungan mula sa isang tao patungo sa iba. Nag sisilbi din itong paraan upang pag bukludin ang mga tao sa isang nasyon o bansa. Magiging tunay lang na maunlad ang bansa kung nalalaman ng mga tao sa loob nito ang kahalagahan ng wika na meron sila at kung paano nila ito gagamitin sa mga bagay na mag dudulot ng pag unlad sa kanilang bansa. Malaki din ang ginagampanan ng wika sa pag aaral ng kultura ng isang bansa kung kaya’t ating masasabi na ang wika at kultura ay dalawang magkaugnay na bagay.
Kapanibangan at Limitasyon sa Paggamit ng ibang Wika
Kung ating pag mamasdan ating makikita na ang pag gamit ng ibang wika sa ating bansa o sa ating mga karatig na nasyon ay tunay na hindi maiiwasan at tinuturing na normal. Dulot ng malawakang globalisasyon, maraming mga bagay o termenolohiya na walang katumbas sa ating sariling wika kung kaya’t hindi natin maiiwasan na humiram o gamitin ang wikang banyaga. Subalit sa likod ng katotohanang ito, mahalaga na ating tandaan na kinakailangan magkaroon ng limitasyon ang ating paggamit ng wikang hindi atin sapagkat, kapag ang mga wikang ito ang nagging maunlad sa ating buhay, magiging mahirap para sa ating bansa ang makamtan ang gusto nating tagumpay. Ang limitasyon na ito ay sasaklaw sa mga mahahalagang aspekto ng ating lipunan katulad ng edukasyon at marami pang iba.