KRITIKAL NA SANAYSAY

“Ang paglaganap ng paggamit ng Beki Language”

Tunay nga na malikhain at matalino ang tao kung kaya’t maraming wika ang nabuo at
umusbong mula noon hanggang ngayon. Sa kasalukuyan, marami na ang wika sa ating
bansa at patuloy pang nadaragdagan dahil sa ating mga kultura. Sa pagkakaiba-iba ng mga
kultura ay nakakabuo ng panibagong wika “Gay lingo” ito ang tinawag sa wika ng mga beki
na ngayon ay madalas na nating marinig na ginagamit sa radyo at telebisyon upang
magpatawa at mang-aliw sa mga tao. Ang gay lingo ay wikang nilikha ng mga bading na
tumatayong kanilang sosyolek. Ang wika ito ay napakakulay, napakamalikhain, at sadyang
napakalikot sa paraan ng pagbubuo ng salita.Ang wikang ito ay kanilang ginagamit upang
makapag-usap ng palihim patungkol sa kung ano ang kahulugan ng salitang kanilang
sinasambit. Ayon nga kay Hernandez (2010), ang “bekimon o beki language ay nagsisilbing
bagong sosyolek o jargon ng lipunan”. Sa pamamayagpag ng ganitong klaseng wika sa ating
lipunan ay kakaunti na lamang ang nakakaisip sa kapakanan ng sarili nating wikang Filipino. Ang
wikang ito man ay kakaiba, ang mahalaga nagmula ito sa atin at nagmula ito sa mayaman at
malawak na pag-iisip ng isang tao upang gumaan ang bigat na nararamdaman dulot ng
panghuhusga ng lipunan.Ang paggamit ng bagong kolokyal na kagaya ng ‘beki’ langguage ay
kasama sa pagbabago ng mga wika at hindi natin ito mapipigilan.

“ Pagkabihasa ng maraming mag aaral sa Ingles kaysa wikang Filipino”

Makikita sa kurikulum sa mga paaralan na may magkaparehong pagpapahalaga sa

dalawang pangunahing wika sa bansa sa wikang Filipino na siya nating sariling wika at sa wikang
English na tinaguriang International Language.Masasabi nating malaking papel na ginagampanan
ng wikang Ingles sa kasaysayang linggwistiko ng Pilipinas. Ang Ingles ay ginagamit sa mas
malawak na komunikasyon para sa mga edukadong sektor sa lipunan.Sa kasalukuyan, mas
kapansin-pansin talaga ang mga kabataang mas ginagamit o tinatangkilik ang wikang Ingles sa
wikang Filipino.Madalas na katwiran ng nakararami ay sinasabing ang pagtangkilik sa Wikang
Ingles kaysa sa Wikang Filipino ang nagsisilbing batayan ng oportunidad sa pag unlad. Sa
panahon ngayon karamihan sa mga tao ay nagkakaroon ng maling prinsipyo sa paggamit ng
wikang Ingles.Isa na dito ay ang paniniwala na matalino ka kung ikaw ay bihasa sa paggamit ng
wikang Ingles.Ang lumalaganap na kaugaliang ito ng mga Pilipino ay nararapat lamang na
mabago sa ating lipunan upang maiwasan ang pagmamaliit at paglimot sa ating sariling
wika.Sabi nga ni, Dr. Jose Rizal, “Ang hindi magmahal sa sariling wika ay masahol pa sa
malansang isda.Sapagkat tayong mga Pilipino ay nararapat lamang na gamitin at tangkilikin ang
ating sariling wikang Filipino dahil ito ang nagbubuklod sa ating pagkakakilanlan at pagiging
isang Pilipino.

“Ang pagkakaroon ng Mother Tounge Based Multilingual Education”

Ang pagkakaroon ng Mother Tongue-based Multilingual Education ay isang programa ng

Kagawaran ng Edukasyon ng Pilipinas.Ito ay mabisang ipinapatupad sa mga paaralan upang higit
na makatulong sa mga kabataang mag aaral upang mahasa at mapadali ang kanilang
pagkaunawa at magkaroon ng pagmamahal mula sa katutubong wika at sa sariling kultura. Ang
asignaturang ito ay naglalayong pahalagahan at pag aralan ang kanilang pangunahing wikang
nakagisnan sa kanilang tahanan. Ang paggamit ng unang wika ay tumutulong sa pagtamo ng
pag-unawa sa pag-linang ng kritikal na pag-iisp. Ang pagtuturo nito sa kabataan ay isang
solusyon upang matugunan ang pangangailangan ng mga mag aaral sa kawalan ng sapat na
kaalaman sa wika.Layunin nito na matulungan ang mga kabataan at matuto sila ng mga bagong
konsepto sa akademiko maging sa kalidad ng kakayahan ng isang kabataang Pilipino na
magkaroon ng matatag na pundasyon sa wikang nakasanayan, at pagkatapos ay unti-unting
ipinapakilala sa kanila ang bagong wika.Malaki ang papel na ginagampanan nito sa pagkakaroon
ng positibong epekto sa nagpapalawak ng pag-unawa at paggalang sa isa’t isa at tumutulong sa
pagpapanatili ng kayamanan ng kultura at tradisyunal na pamana na nakalagay sa bawat wika sa
buong mundo upang maging daan ang wika sa ating pagkakabuklod bilang isang Pilipino.
 KRITIKAL NA SANAYSAY
(Komunikasyon sa Akademiko)

Ipinasa kay:
Bb. Kyla L. Gurango
Ipinasa ni:
Lei B. Febrer
11 - St Paul (HUMSS)