Republic of the Philippines

Department of Education
Region III
SCHOOLS DIVISION OF BULACAN
DISTRICT OF BULAKAN
TALIPTIP ELEMENTARY SCHOOL
Taliptip, Bulakan, Bulacan

FILIPINO 6
“PAG-IISA-ISA NG MGA ARGUMENTO SA BINASANG TEKSTO”

Pangalan: Marka:
Baitang/Seksyon: Petsa:

I. PANIMULA

Ikinagagalak kong batiin ka ng Maligayang Araw. Ikaw ay nasa Baitang 6 ng pag- aaral sa
Filipino! Sa Kagamitan sa Pinatnubayang Kasanayang Pampagkatuto na ito, magkakaroon ka pa ng
lalong kaalaman. Naranasan mo na bang bumasa ng talata o debate na may pinagtatalunan at may
kaniya-kaniyang argumento? Ano ang masasabi mo kung ang bawat isa ay may dahilan o argumento sa
paksang ipinapahayag?

Ang argumento na nababasa mo ay nagpapalawak ng kaalaman mo sa paksa na tinatalakay at

nakatutulong ito para magkaroon ka ng sarili mong ideya o pananaw. Sa araling ito, matututuhan mo
kung ano ang argumentong tinutukoy sa tekstong binasa.

II. KASANAYANG PAMPAGKATUTO

• Naiisa - isa ang mga argumento sa binasang teksto. (F6PB-IIIe.23)

III. GAWAIN

Paglaban sa COVID – 19; Nananalo ba tayo?

ni Rhona E. Adlawan, San Guillermo Elementary School

Malaking alalahanin sa ating lahat nang marinig sa balita ang Corona Virus 2019 (COVID-19) na lubhang
mapanganib at nakamamatay. Marahil ay marami ka nang narinig na mga kuwento tungkol sa sakit na ito
kamakailan. Walang tigil sa pagtatrabaho ang mga kagawaran ng pamahalaan. Kung mararanasan ang mga
sintomas gaya ng lagnat, pangangati ng lalamunan, ubo, sipon at pagtatae ay maaring komunsulta kaagad
sa malapit na ospital upang masuri ang kalagayan.

Dapat nating malaman ang mga paraan upang makaiwas at malabanan ang sakit na ito.

Mayroong dalawang paraan upang mapigilan ang paglaganap nito, ang una ay mag-quarantine o ibukod
ang iyong sarili at iwasan muna ang malapitan o pisikal na pakikisalamuha sa iba. Ang pangalawa ay
pagpapalakas ng katawan sa pamamagitan ng pag–inom ng mga bitamina upang tuluyang makagawa ang
ating katawan ng antibodies na tumutulong upang mapalakas ang ating imyunidad at tulungang malabanan
ang nasabing virus. Ang mga antibodies ay maaaring tumagal ng ilang araw o linggo upang mabuo
 pagkatapos magkaroon ng impeksyon at ito’y maaaring manatili sa dugo ng ilang linggo o higit pa
pagkatapos gumaling. Dahil dito, ang pag-eksperimento sa paggamit ng antibodies bilang lunas ay hindi
dapat basta–basta isinasagawa sa taong may COVID-19. Sa oras na ito, ay hindi pa alam ng mga
mananaliksik at dalubhasa sa larangan ng medisina kung ang pagkakaroon ng antibodies ay tiyak ng ligtas
sa covid ang isang tao sa hinaharap. Ang tanong, ito ba ay magiging epektibo at magiging sagot sa ating
suliranin? Marami pa rin ang nagdadalawang-isip sa pagpapaturok ng bakuna dahil sa pangamba ng
magiging epekto nito. Ang maaari nating gawin sa ngayon ay maghintay at magtiwala sa mga eksperto at
pamahalaan na patuloy na naghahanap ng lunas upang tuluyan nang mawala ang COVID -19.

A. Panuto: Basahin at sagutin ang mga sumusunod na tanong. Isulat ang sagot sa sagutang papel.
1. Ano ang paksang tinalakay sa editoryal na binasa?
2. Ano ang dalawang paraan para mapigilan ang paglaganap ng corona virus?
3. Ano ang katwiran ng dalawang paraan upang mapigilan ang paglaganap ng corona virus na
magkatulad?
4. Tama ba ang argumento ng bawat isa sa dalawang maaring gawin upang mapigilan ang corona virus?
Bakit?
5. Alin sa dalawa ang sa tingin mo, ang mas epektibong paraan upang mapigilan ang pagkalat ng corona
virus? Pangatwiranan.

B. Panuto: Basahin ang mga pahayag at suriin ang mga ito. Isulat sa sagutang papel kung ito ay Argumento o
Hindi-argumento sa binasang Editoryal.
_________1. Ang ibig sabihin ng COVID-19 ay isang sakit na wala pang lunas.
_________2. Malaking alalahanin sa ating lahat nang marinig sa balita ang COVID 19 na nakamamatay.
_________3. Sa iyong palagay, alin ang mas epektibong paraan upang malabanan ang COVID-19?
_________4. Sa ngayon ay hindi pa alam ng mga mananaliksik kung ang pagkakaroon at paggamit ng
antibodies ay tiyak nang ligtas panlaban sa COVID-19.
_________5. Ang tanong, ito ba ay magiging epektibo at magiging sagot na sa ating suliranin?

IV. SANGGUNIAN
FILIPINO Kagamitan sa Pinatnubayang Pagkatuto – Pag-Iisa-isa ng mga Argumento sa Binasang
Teksto pp. 8 - 10
https://drive.google.com/file/d/1ilgW9-_RSrkIrJwDEGOTrH-pk-ST9POu/view?usp=sharing
 Republic of the Philippines
Department of Education
Region III
SCHOOLS DIVISION OF BULACAN
DISTRICT OF BULAKAN
TALIPTIP ELEMENTARY SCHOOL
Taliptip, Bulakan, Bulacan

FILIPINO 6
“PAG-IISA-ISA NG MGA ARGUMENTO SA BINASANG TEKSTO”
SUSI NG PAGWAWASTO

A.
1. Angpaksang tinalakay ay ang paglaban sa COVID -19 nananalo ba tayo.
2. Una mag-quarantine at pangalawa palakasin ang katawan.
3. Sa quarantine o pagbubukod sa sarili maiiwasn ang pakikisalamuha. Sa pagpapalakas ng
katawan nakakagawa ng antibodies na tumutulong para palakasin ang imyunidad.
4. Tama,dahil ang bawat argumento ay nakapagbigay ng tamang ideya o kaisipan.
5. Lahat ng ito ay magiging epektibo para mapigilan ang pagkalat at pagkahawa sa corona virus.

B.
1. Argumento
2. Argumento
3 .Argumento
4. Argumento
5. Argumento

Inihanda ni:

MARIA LUISA P. MARTIN

Teacher III

Noted:

ARMIDA SJ. SANTOS

Principal I