payapang lugar na napapaligiran ng kabundukan at palayan. Mayroon ring iba’t ibang magagandang tanawin at anyong tubig na madalas dayuhin dito, pati na rin ang mga naglalakihan at nagagarbuhang resorts ay matatagpuan sa bayang ito. Ako, kasama ang aking pamilya ay napiling magbakasyong panandalian sa isang resort sa Bamban, Tarlac, Ang Goshen Resorts and Hotel. Sa katunayan ay matagal na nagplaplano kung saan kami pupunta, noong una ay sa La Union o di kaya’y sa Bataan subalit sa tuwinang nagpapareserb kami sa lugar ay lagging fully booked na daw. Ang aking akala ay baka hindi na matuloy ang aming outing, pero nirekomenda ng kaibigan ni ate na may magandang resort nga daw sa Bamban, malapit lang daw at siguradong sulit ang punta mo, para kang nasa Roma. Sabado, noong ika-11 ng Mayo bandang alas-nwebe ng umaga ng nagsimula kaming bumyahe tungong Tarlac. Sa loob ng sasakyan ay napupuna ko na medyo hindi ganoon ka excited ang aking kapatid dahil ang unang plano ay dagat ang punta at ngayon ay sa isang pool resort na lamang, naiintindihan ko naman siya dahil maging ako ay ganoon din ang nararamdaman. Lalo pang tumindi ang aking pagkadismaya nang ang aming sasakyan ay nasa Clark, Pampanga ay biglang bumuhos ang sobrang lakas na ulan, hanggang pagdating ng Bamban ay nagpatuloy ang sobrang malakas nap ag-ulan na ang mga daan papunta ng resort ay binaha. Aking naisip nang mga panahong ito na tuluyan nan gang nasira ang aming outing, pero pagdating namin sa resort, bandang ala- una ng tanghali, ay napawi ang malungkot na aking pag-iisip kahit na umuulan parin. Pagkapasok na pagkapasok ng sasakyan namin sa loob ng resort ay napamangha ako sa magandang lugar, tila ba ay nagdaan kami sa ibang dimension at napunta kami ng Roma. Sa pagpasok ay unang makikita ang imitasyon ng koleseyo ng Roma na tinatawag ng resort na dambana ni Yaweh. Pagkapark ng sasakyan ay may guard na nag guide sa amin tungong accommodation area kung saan kami magbabayad at dito din namin makukuha ang susi sa kwartong pinareserba namin. May malinaw at organisadong sistema ang resort, ang mga bakasyonista ay binibigyan ng strap na ilalagay sa kamay na may iba’t ibang kulay depende sa kung gaano katagal mananatili sa resort. Kulay na kahel kung hanggang umaga lamang mananatili ang mga bakasyonista o di kaya’y mula hapon hanggang gabi lamang; hindi sila mananatili sa resort. Kulay rosas kung may hotel na tutuluyan sa resort, ang mga strap ay ang gabay ng mga tagapagbantay ng resort. Matapos sa accommodation area ay hinatid kami papunta ng kwarto naming at masasabi kong maayos ang lugar, kumpleto ang mga gamit, may maayos na bentilasyon at malinis. Dahil nga patuloy pa rin ang pag-ulan ay nanatili pa muna kami ng ilang saglit sa kwarto bago inikot ang buong resort. Sa paglibot namin ay kapansin-pansin ang arkitektura ng resort dahil ginawa nitong inspirasyon ang bansang Roma. Ang resort ay mayroon apat na ektarya na binubuo ng iba’t ibang gusali at gawain na ihinawig sa mga gusaling makikita sa Roma. Ang Dambana ni Yaweh ay imitasyon ng koloseyo ng Roma, pagpasok namin sa gusaling ito ay para bang nakita ko na rin sa personal ang orihinal na koloseyo. Mayroon ding limang swimming pool na may iba’t ibang lalim na dinesenyuhan ng mga pader pang Roma. ang kainan na Café Roma na pagpasok mo sa loob ay kahawig ng mga restawrant na makikita sa mga pelikula. Hindi lamang ang pool at ang magarang arkitektura ang nagpaganda sa resort kundi mayroon din silang ATV na kung saan maari mong malibot ang buong lugar pati na rin ang parte kung nasaan ang farm. Para sa akin ay isa ito sa pinaka magagandang resort na aking napuntahan, bagay ito sa pamilya at magkakaibigan.