2

Filipino
Ikatlong Markahan – Modyul 3:
Paglalarawan ng mga Tauhan sa
Napakinggang Teksto Batay sa Kilos,
Sinabi o Pahayag
Filipino – Ikalawang Baitang
Alternative Delivery Mode
Ikatlong Markahan – Modyul 3: Paglalarawan ng mga tauhan sa napakinggang teksto
batay sa kilos, sinabi o pahayag.
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ang mga ito upang
makuha ang pahintulot sa paggamit ng materyales. Hindi inaangkin ng mga tagapaglathala
at mga may-akda ang karapatang-aring iyon. Ang anomang gamit maliban sa modyul na ito
ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: Grace L. Sotto
Editor: Carolyn R. Reyes, Donna S.Villanueva
Tagasuri: Marie Ann C. Ligsay PhD, Mila D. Calma
Tagaguhit: Freda D. Salavaria
Tagalapat: Bryan Jake C. Mangune
Tagapamahala: Nicolas T. Capulong, Ph.D, Ceso V
Librada M. Rubio, Ph.D
Ma. Editha R. Caparas, Ph.D
Nestor Nuesca, Ph.D
Milagros M. Peñaflor, Ph.D
Mila D. Calma
Edgar E. Garcia
Romeo M. Layug

Inilimbag sa Pilipinas ng Kagawaran ng Edukasyon – Rehiyon III

Office Address: Diosdado Macapagal Government Center,

Maimpis, City of San Fernando, Pampanga
Telefax: (045) 598-8580
E-mail Address: region3@deped.gov.ph
 2

Filipino
Ikatlong Markahan – Modyul 3:
Paglalarawan ng mga Tauhan sa
Napakinggan Teksto Batay sa Kilos,
Sinabi o Pahayag
Paunang Salita
Para sa tagapagdaloy:
Malugod na pagtanggap sa asignaturang Filipino
Ikalawang Baitang ng Alternative Delivery Mode (ADM) Modyul
para sa araling Paglalarawan ng mga Tauhan sa Napakinggang
Teksto Batay sa Kilos, Sinabi o Pahayag.
Ang modyul na ito ay pinagtulungang dinisenyo, nilinang at
sinuri ng mga edukador mula sa pambuliko at pampribadong
institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang
pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-
aaral sa mapatnubay at malayang pagkatuto na mga gawain
ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga
kasanayang pan-21 siglo habang isinasaalang-alang ang
kanilang mga pangangailangan at kalagayan.
Bilang karagdagan sa materyal ng pangunahing teksto,
makikita ninyo ang kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong o
estratehiyang magagamit sa paggabay sa mag-aaral.

i
 Bilang tagapagdaloy, inaasahang bibigyan mo ng paunang
kaalaman ang mag-aaral kung paano gamitin ang modyul na
ito. Kinakailangan ding subaybayan at itala ang pag-unlad nila
habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang
hikayatin at gabayan ang mag-aaral habang isinasagawa ang
mga gawaing nakapaloob sa modyul.
Para sa mag-aaral:
Malugod na pagtanggap sa Filipino Ikalawang Baitang ng
Alternative Delivery Mode (ADM) Modyul ukol sa Paglalarawan ng
mga Tauhan sa Napakinggang Teksto Batay sa Kilos, Sinabi o
Pahayag.
Ang modyul na ito ay ginawa bilang tugon sa iyong
pangangailangan. Layunin nitong matulungan ka sa iyong pag-
aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.

ii
 Alamin
Ang modyul na ito ay idinisenyo at isinulat upang
matutuhan ng mga mag-aaral kung paano
mailalarawan ang mga tauhan sa napakinggang teksto
batay sa kilos, sinabi o pahayag.
Sa modyul na ito, bibigyang pagkakataon ang mag-
aaral na matutuhan ang tamang pakikinig at magkaroon
ng kakayahan makilala at mailarawan ang mga tauhan.
Ang kompetensi na ito ay mahalaga upang maiugnay ito
sa pagbasa at pagbasang may pang-unawa.
Sa modyul na ito, inaasahang matututuhan ng mag-
aaral kung paano:
1. Mailalarawan ang mga tauhan sa napakinggang
teksto batay sa kilos, sinabi o pahayag (F2PN-Ii-j-12.1)
a. natutukoy ang mga tauhan sa tekstong
napakinggan;
b. naipahahayag ang sariling damdamin ukol sa
mga tauhan sa napakinggang teksto; at
c. naiguguhit ang mga tauhang nailarawan sa mga
napakinggang teksto.

1
 Subukin
Panuto: Basahin ang kuwento. Isulat sa sagutang papel
ang mga mahahalagang tala na dapat matandaan.

Sina Kuku at Koko

ni Grace L. Sotto

Sina Kuku at Koko ay magkaibigang palaka. Mahilig

magbabad sa ilog si Kuku habang si Koko naman ay

2
mahilig maglaro sa lupa. Ibig nilang patunayan sa isa’t
isa kung saan nga ba sila talaga dapat nakatira. Madalas
silang magtalo.

“Sa lupa tayo nakatira,” ang sabi ni Koko.

“Hay, naku! Hindi ka pa ba naniniwala na sa tubig

tayo talaga nakatira?” tanong ni Kuku. Walang nais
magpatalo sa kanilang dalawa.

Maya-maya pa ay dumating si Apo Luning, ang

pinakamatandang palaka sa kanilang lahi.

Tinanong nina Kuku at Koko kung saan ba talaga

ang tirahan nilang mga palaka.

“Sa tubig man o sa lupa ay maaari tayong tumira at

mabuhay. Tayo ay mga ampibyan. Sa mga unang
bahagi ng ating buhay ay nabubuhay tayo sa tubig at sa
mga huling bahagi ay naninirahan tayo sa lupa. Dahil
diyan, wala kayong dapat pagtalunan,” sagot ni Apo
Luning.

Simula noon ay hindi na nagtalo ang magkaibigang

palaka na sina Kuku at Koko.

3
Sagutin ang mga tanong. Sa iyong papel, isulat ang letra
ng wastong sagot.
1. Sino ang tauhang maligaya sa tubigan?
a. Apo Luning
b. Kala
c. Koko
d. Kuku
2. Sino ang tauhang mahillig maglaro sa lupa?
a. Apo Luning
b. Kala
c. Koko
d. Kuku

3. Ano ang tawag sa kanilang uri?

a. ampibyan
b. Indian
c. Malaysian
d. Peruvian
4. Saan naganap ang kuwento?
a. sa kagubatan
b. sa kabukiran
c. sa malapit sa tubigan
d. sa malapit sa paaralan
5. Paano nasolusyunan ng magkaibigan ang kanilang
problema?
a. nag-away sila dalawa
b. humingi sila ng tulong sa pinakamatandang
palaka sa kanilang lahi
c. nagtanong sila sa kanilang magulang
d. wala sa nabanggit

4
 Paglalarawan sa mga
Aralin
Tauhan sa Napakinggan
1 Teksto Batay sa Kilos,
Sinabi o Pahayag

Ang bawat tauhan ay may kani-kaniyang katangian

na siyang nagbibigay-buhay at kulay sa kuwento.

Maaari nating makilala o mailarawan ang mga

katangian ng mga tauhan sa kuwento batay sa kanilang:

o ikinikilos sa kabuuan ng kuwento

o sinasabi sa kuwento
o ipinahahayag sa kuwento

5
 Balikan

Panuto: Hanapin sa Hanay B ang kilalang tauhan sa

kwentong iyong napakinggan na inilalarawan sa Hanay
A. Isulat ang letra ng wastong sagot sa iyong papel.

Hanay A Hanay B

1. Mahilig akong umakyat

a. langgam
sa puno, saging ang
paborito kong kainin.

2. Maliit man ako sa iyong

b. unggoy
paningin, masipag naman
ako mag ipon ng pagkain.

3. Ako ay kulay berde, hilig

c. pagong
ko ay maglaro at tumalon
talon sa mga halaman.

4. Mabagal akong
d. kuneho
lumakad, ngunit hindi ako
sumusuko sa pagsubok.

5. Ang kulay ko ay puti,

malakas akong tumalon,
e. tipaklong
ngunit ako ay antukin.

6
 Tuklasin

Basahin ang diyalogo.

Ang ganda ng Oo nga, Mariz.

binasa ni Ma’am na Nakakatuwa.
kuwento kanina no Kaya lang, ang
Franco? hirap ng
assignment.

Hindi naman
Paano
ah…madali lang
ang
‘yun. Ilalarawan
gagawin
lang daw ‘yung
?
mga tauhan.

Dapat aralin lang natin ‘yung

mga kilos nila. Paano ba sila Sige, Mariz
kumilos. Pati na ang mga susubukan ko,
sinasabi nila. Basta, makikilala pero itsek mo
at tapos ay mailalarawan mo mamaya kung
sila ayon sa kanilang kilos, tama ang gawa
sinabi o ipinahayag.

7
Sa iyong sagutang papel, isulat ang letra ng tamang sagot.
1. Sino ang mga pangunahing tauhan sa diyalogo?
a. Anna at Paulo
b. Carla at Luis
c. Jenny at Lito
d. Mariz at Franco

2. Sino ang may suliranin sa kanilang takdang-aralin?

a. Si Anna
b. Si Franco
c. Si Lito
d. Si Mariz

3. Sino ang tinatawag na tauhan sa kuwento?

a. ang siyang sumulat ng kuwento
b. ang mga gumaganap sa kuwento
c. kung saan ginanap ang kuwento
d. kung kailan naganap ang kuwento

4. Paano mailalarawan ang mga tauhan sa isang

kuwento?
a. Batay sa kanilang kilos
b. Batay sa kanilang mga pahayag o sinabi
c. Lahat ng nabanggit.
d. Wala sa nabanggit

5. Bakit mahalagang mailarawan natin ang mga

tauhang gumanap sa kuwento o teksto?
a. Dahil sikat sila
b. Upang tayo ay magpa-autograph
c. Upang masaulo natin ang buong kuwento
d. Upang mas maunawaan natin ang ugnayan nila
sa kuwento

8
 Suriin

Basahin ang mga pangungusap. Piliin sa loob ng

panaklong ang wastong damdaming ipinahahayag nito.
Isulat ang tamang sagot sa iyong sagutang papel.
1. Nakatutuwa ang ipinapakitang pagmamahal ni Rosa
sa kanyang ina.
( masaya, nagagalit, natatakot )

2. “Ang tagal naman nila! Kanina pa ako naghihintay.”

( nagulat, naiinis, masaya )

3. “Ang paa ko, naipit!”

( nasaktan, masaya, nagagalit )

4. “Huwag na, nakakahiya naman sa iyo”

( natutuwa, nahihiya, nagagalit )

5. “Naku! Napakalakas ng ulan baka bumaha sa atin.”

( masaya, nagagalit, natatakot )

Pagyamanin

Pakinggang mabuti ang kuwento.

Ipabasa sa magulang o nakatatandang kapatid

ang kuwento. Pakinggang mabuti ang kuwentong
babasahin. Isulat ang mga mahahalagang tala na
dapat matandaan sa iyong papel o kuwaderno.

9
 Ang Magkakaibigan
ni Grace L. Sotto
Magkakaibigan sa paaralan sina Sara, Lota at Karlo.
Madalas silang maglaro kapag may bakanteng oras.
Masaya sila sa tuwing magkakasama. Iba’t ibang
talento ang taglay ng tatlo. Mahilig kumanta si Lota
habang si Sara naman ay pagsayaw ang nais. Mahusay
naman si Karlo sa pagguhit. Makukulay na bulaklak at
magandang tanawin ang lagi niyang iginuguhit.
Iba-iba man ang kanilang nais, magkakasundo
naman sila sa isang bagay. Silang tatlo ay mahilig mag-
aral. Masaya sila kapag sila ay nasa paaralan.
Madalas ding purihin ng guro ang magkakaibigan,
sapagkat sila ay mababait at magagalang na mga bata.

Tinutulungan din nila ang kanilang mga kamag-aral

sa mga gawain sa eskwela at kung ang mga ito ay
nahihirapan sa aralin.

Sa tuwina, masayang umuuwi ang magkakaibigan,

sapagkat marami silang natututuhan na sabik nilang
kinukuwento sa kanilang pamilya.

10
 Panibagong umaga na naman ang kanilang
aabangan.Para sa mga bagong masasayang
karanasan.

Sagutin ang mga tanong. Isulat ang iyong mga sagot sa

sagutang papel.
1. Sino-sino ang magkakaibigan sa kuwento?
a. Lota, Carla at Sonya c. Sara, Karlo, at Lita
b. Karlo, Lota at Sara d. wala sa nabanggit

2. Ano ang taglay na talent ni Karlo?

a. pagsayaw c. pagguhit
b. pag-awit d. paglalaro

3. Kanino sila nagkukuwento ng mga natutuhan sa

paaralan?
a. Sa kanilang pamilya
b. Sa kanilang kalaro
c. sa kanilang kapit-bahay
d. sa kanilang guro
4. Bakit madalas purihin ng guro ang magkakaibigan?
a. Dahil sila ay masayahin sila
b. Dahil matatapat silang bata
c. dahil sa kanilang talento
d. dahil sila ay mababait at magagalang
5. Ano ang inaabangan nila sa panibagong umaga?
a. ang nagtitinda ng pandesal
b. ang mga kaklaseng dumadaan
c. ang bagong masasayang karanasan
d. ang guro nilang Si Gng. Sotto

11
 Isaisip

Mahalaga ang pakikinig o pagbabasa ng kuwento o

teksto. Sa pamamagitan ng mga kuwento ay marami
tayong nakikilalang mga tauhan, nararating na mga lugar
at nararanasang pangyayari batay sa mga bahagi ng
kuwento o teksto.
Habang nakikinig o nagbabasa ng kuwento,
natutuhan natin ang mga elemento ng naturang istorya.
Ang mga elementong ito ay ang:
o tauhan
o tagpuan
o tema
o pangyayari

Ang mga tauhan sa kuwento ang siyang

pinakamalaking bahagi ng kuwento. Sila ang gumaganap
at bumubuo sa bawat pangyayari sa kuwento. Sa mga
tauhang ito natin natutuhan ang mga aral na kalakip ng
kuwento. Ang mga tauhan ang kumikilos at nangungusap
upang lalo pa nating maintidihan ang daloy at tema ng
kuwento.
Makikilala natin at mailalarawan ang ugali, katangian
at gawain ng mga tauhan sa kuwento batay sa kanilang
kilos, sinasabi o pahayag.
Ang mga ugali, katangian at gawain ng mga tauhan
ay maaari rin nating maiugnay sa sarili nating mga buhay.
Mayroon ding mga pangyayari sa isang kuwento na
maaaring natin may kaugnayan o pagkakahawig sa ating
mga pansariling karanasan.
Mahalaga rin na ang bawat kuwento ating
napapakinggan o nababasa ay kapulutan natin ng mga
aral sa buhay.

12
 Isagawa

Ipabasa sa magulang o sa nakatatandang kapatid ang

teksto. Pakinggang mabuti ang tekstong babasahin at
isulat ang letra ng katangian ng mga tauhan sa inyong
sagutang papel.
1. “Walang makatatalo sa akin sa takbuhan. Ako ang
pinakamabilis sa lahat. Lahat sila ay matatalo ko.
Sisiw lang sila,” sabi ni Rani.
a. mabait b. mayabang c. masipag d. takot

2. “Opo, Lolo. Tapos na po ang aking proyekto.

Salamat po sa tulong ninyo,” nakangiting sagot ni Ella.
a. palabiro b. masunurin c. magalang d. mahina

3. “Naku po! Huwag ninyo po akong iwan dito. Madilim

po sa kuwarto. Wala pong kuryente. Ayoko ko pong
mag-isa!” sigaw ni Tintin.
a. Matatakotin b. matapang c. masipag d. tahimik

4. “Tapos ko na pong hugasan ang mga plato,Nanay.

Ako na po ang magtutupi ng mga damit.
Magpahinga na po kayo,” sabi ni Tina.
a. masipag b. matalino c. magalang d. matapat

5. “Glenda, ilaw ka ba?” tanong ni Ricky.

“Bakit!” ang sigaw ng lahat.
“Kasi ikaw ang liwanag ng buhay ko...BOOOM!” wika
ni Ricky. Nagtawanan ang lahat.
Ano ang katangian ni Ricky?
a. masunurin b. matiyaga c. masayahin d. sakitin

13
 Tayahin
Pagtambalin ang pangungusap sa Hanay A at sa mga
larawan sa hanay B. Isulat ang letra ng sagot sa
sagutang papel.
Hanay A Hanay B

1. Sakitin si Lucy. a.

2. Matapat na bata si Liza. b.

3. Masipag si Helen. c.

4. Matulungin si Sonny. d.

5. Matalino si Henry
e.

14
 Karagdagang Gawain

Ilarawan ang mga tauhan sa pamamagitan ng pagguhit

ng kanilang nararamdaman ayon sa pangungusap.
Iguhit ang iyong sagot sa sagutang papel.

1. Batang panay lumuluha kapag nabiro

ng iba.

2. Batang panay na lamang naghihikab

habang nagkaklase.

3. Batang nalungkot dahil natalo sa

pakikipaglaro sa ibang bata.

4. Batang mataas ang nakuha sa test

nila sa Filipino.

5. Batang binilhan ng bagong laruan ng

Nanay.

15
 16
Karagdagang Tayahin: Isagawa: Pagyamanin:
Gawain:
1. c 1. B 1. b
1. umiiyak 2. C 2. c
2. a
2. antukin 3. A 3. a
3. malungkot 3. b 4. A 4. d
4. masaya 5. C 5. c
4. e
5. masaya
5. d
Tuklasin Balikan: Suriin: Subukin:
1. d 1. masaya
1. D 2. a 1. D
2. B 3. e 2. naiinis 2. C
3. B 4. c 3. A
4. C 5. d 3. nasaktan 4. C
5. D 4. nahihiya 5. B
5.natakot
Susi sa Pagwawasto
Sanggunian
Garcia, Nilda, Jackelyn Aligante, Melany Ola, Aida Cruz, Erlinda
Castro, Virginia Cruz, Matilde Padalla, Galcoso Alburo, and
Estela Cruz. 2013. Ang Bagong Batang Pinoy Filipino 2
(Kagamitan Ng Mag-Aaral). 1st ed. Meralco Avenue, Pasig
City: Rex Book Store, Inc.

Garcia, Nilda, Jackelyn Aligante, Melany Ola, Aida Cruz, Erlinda

Castro, Virginia Cruz, Matilde Padalla, Galcoso Alburo, and
Estela Cruz. 2013. Ang Bagong Batang Pinoy Filipino 2
(Teacher’s Guide). 1st ed. Meralco Avenue, Pasig City: Rex
Book Store, Inc.

Liwanag, Lydia. 2011. Landas Sa Wika At Pagbasa. 1st ed. Visayas

Avenue Quezon City: EduResources Publishing, Inc.

Salvatus, Grace, Babylen Soner, Nida Santos, and Rianne Tiñana.

2013. Mother Tongue-Based Multilingual Education 2
(Kagamitan Ng Mag-Aaral). 1st ed. Meralco Avenue, Pasig
City: MGO Enterprises.

Updates, N., Materials, T., Articles, R. and Contributor, B., 2020. Most
Essential Learning Competencies (MELC) KG To Grade 12 SY
2020-2021. [online] DepEd Click. Available at:
<https://www.deped-click.com/2020/05/most-essential-
learning-competencies.html>

17
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: blr.lrqad@deped.gov.ph * blr.lrpd@deped.gov.ph