1

EPP/ TLE
QUARTER -2
HOME ECONOMICS
PANGANGALAGA NG KASUOTAN
 2

EPP/TLE- Grade 5

Quarter 2-Module 3: Pangangalaga ng Kasuotan

Isinasaad sa Batas Republika 8293, Seksiyon 176 na: Hindi maaaring

magkaroon ng karapatang-sipi sa anomang akda ang Pamahalaan ng Pilipinas.
Gayonpaman, kailangan muna ang pahintulot ng ahensiya o tanggapan ng pamahalaan
na naghanda ng akda kung ito ay pagkakakitaan. Kabilang sa mga maaaring gawin ng
nasabing ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o
brand name, tatak o trademark, palabas sa telebisiyon, pelikula, atbp.) na ginamit sa
aklat na ito ay nagtataglay ng karapatang-ari ng mga iyon. Pinagsumikapang matunton
ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anomang
gamit maliban sa aklat na ito ay kinakailangan ng pahintulot mula sa mga orihinal na
may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran

Regional Director: Gilbert T. Sadsad

Assistant Regional Director: Jessie L. Amin

Development Team of Module

Writer: Erlinda O. Espares T-III Bagumbayan Central School

Editor: Santos Nunez, MT- II, Arimbay Elementary School
Illustrator:
Consultant: Raul B. Buendian, EPS EPP/TLE/TVL
Management Team:
Gilbert T. Sadsad, Regional Director
Jessie L. Amin, Assistant Regional Director
Francisco B. Bulalacao Jr., CLMD Chief, ROV
Christie L. Alvarez, Regional EPS EPP/TLE/TVL
Crestito M. Morcilla, Schools Division Superintendent
Fernando C. Macaraig, Assistant Schools Division Superintendent
Imelda R. Caunca, Division CID Chief
Raul B. Bendian, Division EPS EPP/TLE/TVL
 3

Napangangalagaan ang sariling Kasuotan.

Naisa –isa ang mga paraan upang mapanatiling malinis ang kasuotan.
Naisasa-ayos ang payak na sira ng damit sa pamamagitan ng pananahi sa
kamay ( hal. Pagsusulsi ng punit sa damit o pagtatahi ng tastas ).

Naisasagawa ang pagsusulsi ng iba’t ibang punit.

EPP5HE- Oc-6
 4

SUPPLEMENTARY LEARNING MATERIAL IN EPP-H.E 5

Pangkalahatang –Ideya
(Overview)

Ang maayos at angkop na pangangalaga ng sariling kasuotan ay

nagpapakita ng personalidad ng isang batang tulad mo. Mahalaga ang angkop
na kasuotan na dapat gamitin sa iba’t ibang uri ng panahon at okasyon.
Subalit ang pagkakaroon ng kaalaman sa pangangalaga ng sailing kasuotan ay
mas higit na mahalaga upang magamit ang mga ito sa matagal na panahon.

Ang modyul na ito ay para sa inyong mga bata na nasa ika-5 baitang. Sa
pamamagitan nito kayo ay matututo sa pangangalaga ng sariling kasuotan sa
pamamagitan ng pag-aalis ng mantsa sa damit at pagkukumpuni ng punit sa
damit ayon sa mga uri nito.

LAYUNIN:

Pagkatapos mabasa at mapag-aralan ang modyul na ito ikaw ay

inaasahang:

1. Nakapangangalaga ng sariling kasuotan

2. Naaisa-isa ang mga paraan upang mapanatiling malinis ang sariling
kasuotan sa pamamagitan ng pag-aalis ng matsa sa damit.
3. Naisasaayos ang mga iba’t ibang uri ng punit sa damit.
 5

Pagpapalawak ng
Talasalitaan

Damit Panloob - kabilang sa mga damit na isinusuot para maitago ang

maseselan na bahagi ng katawan .
Pagsusulsi - isang pamamaraan ng pagkukumpuni sa mga punit .
Nakakahawig ito sat ahi ng makina na kung saan gumagamit ng
Tahing patutos o “running stitch”.
. Pagtatagpi – isang pamamaraan ng pagkukumpuni sa damit na may
butas gamit ang panagpi.

Paunang Pasgsubok
(Pre-Test)

Sa pagsisimula ng mga gawain; sagutin nang wasto at maayos ang PRE-TEST

na para sa iyo; para malaman at matiyak ang inyong kaalaman ukol sa paksa o aralin.

Bawat tanong ay may isang (1) wastong sagot. Suriin at bilugan ang wastong
titik ng tamang sagot.

1. Ang mga sumusunod ay mga uri ng damit, alin ang angkop para sa
pagpasok sa paaralan?
a. Uniporme c damit pambahay
b. Damit-pang Espesyal d. Damit panglaro
2. Sa madalas ginagamit ang mga damit tulad ng shorts, tshirts at jogging
pants?
a.Damit Uniporme c. Damit Pambahay
b.Damit Panlaro d. Damit-pang Espesyal

3. Ang mga barong at gown ay madalas na ginagamit sa mga kasalan,

 6

sa mga okasyon na espesyal, ano ang mga katangian ng maga ito?

a. Nasa moda o “fashion” at mamahalin ang tela

b. Magara at maganda ang tabas
c. Naiiba sa pangkaraniwang pananamit
d. Lahat ng nabanggit na mga katangian

4. Ang mga damit na may sira, tastas o punit ay kalian dapat kinunumpuni?
a. Bago labhan c. kahit kailan
b. Kung itatago d. kapag isusuot na
5. Alin ang pamamaraan na ginagamit sa pagkukumpuni ng mga butas sa damit?
a. Pagsusulsi c. pagtatagpi
b. Pag-aalmirol d. pamamalantsa
6. Sa pagsusulsi ng mga punit sa damit anong uri ng sinulid ang dapat gamitin?
a. Kasingkulay ng damit
b. Madaling mapansin ang sinulid
c. Marupok ang sinulid
d. Maitim ang kulay ng sinulid
7. Sa pangkalusugang gawi sa pananahi, ano ang madalas na ginagawa mo?
a.gumamit ng karayom na may kalawang
b. maging maingat sa paggamit ng matutulis na kagamitan sa pananahi
c. Pabayaan nakakalat ang mga kagamitan
d. Gumamit ng hindi angkop na kagamitan sa pananahi.

8. Sa pagsusulsi ng mga kasuotan ano ang kabutihang dulot nito maliban sa isa?

a. magagamit muli ang damit

b. makatitipid sa pagbili ng damit

c. magandang tingnan

d, hindi na gagastos pa ng malaki

 7

9. Paano mo mapapanatili na malinis ang iyong kasuotan sa oras na

isuot mo hanggang sa paghubad mo nito?

a. Ingatan sa lahat ng oras c. pabayaan ang suot na damit

b. Umupo sa maruming lugar d. Itago sa cabinet matapos hubarin

10. Sa pananahi sa kamay, hanggang saan ang haba ng sinulid kapag nananahi?

a. hanggang siko c. sobrang haba

b. sobrang maikli d. isang metro ang haba

Gawaing Pagkatuto
(Learning Activities

Aralin 1 : Wastong Pangangalaga at Pag-iingat sa Kasuotan

Ang pangangalaga ng kasuotan ay hindi mahirap na gawain. Ang kailangan

lamang ay pagsanayan ang iba’t ibang paraan ng pangangalaga ng mga kasuotan sa
murang edad pa lamang. Ang bawat isa ay naglalayong mapanatili ang kagandahan at
kapakinabangan ng damit sa loob ng mahabang panahon.
Narito ang ilang paraan upang mapangalagaan ang mga kasuotan:
1. Pahanginan ang damit na basa ng pawis bago ito ilagay
sa labahan.
2. Ihanger ang mga malinis na damit panlakad.
3. Tiklupin nang maayos ang mga damit-pambahay at isa-
lansan sa kabinet ayon sa kulay at gamit.
4. Tiklupin nang pabaliktad ang mga damit na hindi gaanong
ginagamit at ilagay sa plastic bag.
5. Tanggalin kaagad ang mantsa ng damit habang sariwa pa.
6. Kumpunihin ang sira ng damit tulad ng butas, punit, at
tastas bago ito labhan.
 8

8. Punasan muna ang upuang lugar bago umupo.

Uri ng Kasuotan o Damit

1. Damit Uniporme - Ito ang isinusuot sa

pagpasok sa paaralan. Blusa at palda sa
babae samantalang polo at shorts o
mahabang pantalon sa mga lalaki.

2. Damit Pantulog- Madalas na ginagamit ito

kapag matutulog. Ito ay ang padyama,
nighties, o damit na maluwag o manipis
kapag tag-init at makapal kung tagulan.

3. Damit Pambahay- ito ay isinusuot lamang

sa bahay tulad ng daster , apron, shorts at
blusa. Ito ay maaaring lumang damit, wala
sa moda ngunit magihawang isuot,
maluwang at angkop sa paggawa ng
gawaing bahay.
 9

4. Damit Pang-espesyal – mga kasuotang

ginagamit sa ibang’t ibang okasyon tulad ng
party, kasal, binyag, piyesta, kaarawan at iba
pang mahalagang okasyon. Ang kasuotang
ito ay maaaring magara, yari sa mamahaling
tela , at nasa moda ang tabas ng
pagkakayari. Maaaring gawa sa lace,
makintab at naiiba sa pangkaraniwang
pananamit.

5. Damit Panlaro- isinusuot kapag maglalaro

tulad ng shorts , t-shirts o kamiseta. Ito ay
maluwag upang makakilos nang maginhawa.
Madalas ang tela ay nakasisipsip ng pawis.

Pag-aayos ng Tastas, Punit at Butas

A. PAGSUSULSI
Ang pagsusulsi ay ang pagtatahi nang pinong-pino at paulit-ulit. Nakakahawig
ito sa tahi ng makina. Ginagamitan ito ng sinulid na kapareho ng kulay ng damit o
malapit na kulay. Pinong karayom din ang ginagamit dito.
 10

Uri ng Punit sa Damit

1. Tuwid na Punit

- Pagdikitin ang napunit na

bahagi.
- Gumawa ng maliit at paayong
tahi hanggang sa mabuo ang
sira.

2. Pahilis na Punit

- Pagdikitin ang dalawang

gilid ng punit.
- Simulan ang tahi sa karayagan ng
damit, ½ sm ang layo mula sa
dulo ng punit.
- Sundan ang punit ng tahi.
- Tapusin ang tahi sa kabaliktaran
ng damit.

Tatlong Sulok na Punit

-Sulsihan ang tuwid na punit.

-Pagsalubungin ang dalawang
gilid ng punit.
-Simulan ang tahi sa karayagan ng
damit, ½ sm mula sa dulo ng
punit.
- Sulsihan ang isang tuwid na punit.
 11

- Bigyang-pansin ang pagpatong ng mga tahi sa pang-

gitnang sulok ng punit.
-Tiyaking salitan ang mga tahi upang maging matibay
ang gitnang bahagi ng punit.
- Ibuhol ang sinulid sa kabaligtarang bahagi ng damit.

B. PAGTATAGPI
Ito ay ang pagtatapal ng kapirasong tela sa butas ng isang damit.

1. Plantsahin nang mabuti ang bahaging may butas.

2. Gumupit ng telang pantagpi na kapareha o kahawig ng kulay ng tatagpian.
Maaaring ito ay pakuwadro, parihaba o pabilog
3. Itugma ang tagpi sa butas at ihilbana ito sa lugar. Maglagay ng dalawang
sentimetro sa bawat gilid.
4. Ililip nang pinong-pino ang tagpi.
5. Baliktarin ang damit at ililip din ang tagpi.
6. Plantsahin muli ang damit na tingpian upang lumambot.

C. BUTAS
1. Gawing paikot o pabilog ang diagonal
hemming stitch.
2. Isuot sa anumang sinulid ang mga
sumusunod na hanay.
3. Gawin ito hanggang sa lumiit ang butas
 12

Pagsasanay Gawain 1
Isulat sa patlang ang TAMA kung wasto ang kaisipan at MALI kung hindi wasto.

____1. Mahalagang matutuhan ang wastong pagkukumpuni ng damit

sa murang edad.
____2. Sa pagsusulsi gumamit ng sinulid na kasing-kulay ng tela o damit.
____3. Ang pagtatagpi ay ginagawa sa mga damit na may punit.
____4. Labhan muna ang damit na may punit o tastas bago kumpunihin.
____5. Ilagay muna sa plastic bag ang mga damit na di na ginagamit
kung puno na ang cabinet.

Pagsasanay Gawain 2:

Magsanay manahi ng iba’t ibang punit sa pamamagitan ng retaso. Gamitin

ang sumusunod na rubric upang masukat ang kasanayan sa pananahi sa
kamay. Sundin ang mga panuntunan sa pangkaligtasan gawi sa pananahi sa
kamay.

Rubrik sa Pananahi sa Kamay

Pamantayan Puntos Nakuhang
Puntos
-Nakasusunod sa wastong 10
hakbang
Sa pananahi.
-Nakagagawa ng akmang 10
pananahi
-Nakasusunod sa mga pangka-
lusugan at pangkaligtasan
sa paggawa. 5
-Naipakita ang kalinisan sa 5
pananahi
kabuuan 10
Pagpapakahulugan:
30-25 = Napakahusay
24-20 = Mahusay
19-15 = Mahusay-husay
14-10 = Kailangan pang Magsanay
 13

Post-Test)

Panuto:

Bawat tanong ay may isang (1) wastong sagot. Suriin at bilugan ang wastong titik
ng tamang sagot.

1. Ang mga sumusunod ay mga uri ng damit, alin ang angkop para sa pagpasok sa
paaralan? a. Uniporme c damit pambahay

b. Damit-pang Espesyal d. Damit panglaro

2. Sa madalas ginagamit ang mga damit tulad ng shorts, tshirts at jogging pants?
a.Damit Uniporme c. Damit Pambahay
b.Damit Panlaro d. Damit-pang Espesyal

3. Ang mga barong at gown ay madalas na ginagamit sa mga kasalan,

sa mga okasyon na espesyal, ano ang mga katangian ng maga ito?

a. Nasa moda o “fashion” at mamahalin ang tela

b. Magara at maganda ang tabas
c. Naiiba sa pangkaraniwang pananamit
d. Lahat ng nabanggit na mga katangian

4.Ang mga damit na may sira, tastas o punit ay kalian dapat kinunumpuni?

a.Bago labhan c. kahit kailan

b.Kung itatago d. kapag isusuot na

5. Alin ang pamamaraan na ginagamit sa pagkukumpuni ng mga butas sa damit?

a.Pagsusulsi c. pagtatagpi

b.Pag-aalmirol d. pamamalantsa
 14

6 .Sa pagsusulsi ng mga punit sa damit anong uri ng sinulid ang dapat gamitin?
a. Kasingkulay ng damit
b. Madaling mapansin ang sinulid
c. Marupok ang sinulid
d. Maitim ang kulay ng sinulid
7. Sa pangkalusugang gawi sa pananahi, ano ang madalas na ginagawa mo?
a.gumamit ng karayom na may kalawang
b. maging maingat sa paggamit ng matutulis na kagamitan sa pananahi
c. Pabayaan nakakalat ang mga kagamitan
d. Gumamit ng hindi angkop na kagamitan sa pananahi.

8. Sa pagsusulsi ng mga kasuotan ano ang kabutihang dulot nito maliban sa isa?

a. magagamit muli ang damit

b. makatitipid sa pagbili ng damit

c. magandang tingnan

d. gagastos pa ng malaki

9 .Paano mo mapapanatili na malinis ang iyong kasuotan sa oras na

isuot mo hanggang sa paghubad mo nito?

a. Ingatan sa lahat ng oras c. pabayaan ang suot na damit

b. Umupo sa maruming lugar d. Itago sa cabinet matapos hubarin

10. Sa pananahi sa kamay, hanggang saan ang haba ng sinulid kapag nananahi?

a. hanggang siko c. sobrang haba

b. sobrang maikli d. isang metro ang haba

 15

Takdang Gawain

Kung ikaw ay isang batang masinop at matiyaga,anu-ano ang mga

dapat mo gawin upang mapangalagaan ang sariling damit o Kasuotan? Bakit
mahalaga ang pagkakaroon ng kaalaman at kasanayan sa pananahi sa kamay.

TANDAAN MO!

May mga iba’t ibang sira ang mga damit na dapat kumpunihin sa pamamagitan
ng pagsusulsi ng punit at pagtatagpi ng butas. Ito ay ginagawa upang muling tumibay
ang bahagi ng damit na napunit o nabutas. Kumpunihin ang tastas o punit sa damit
bago labhan upang maiwasan ang tuluyang pagkasira nito.

Pre- Test

1. A 6. A
2. B 7. B
3. D 8. C
4. A 9. A
5. C 10.A

Post Test

1. A 6. A
2. B 7. B
3. D 8. C
4. A 9. A
5. C 10.A

References:

Barza, Maria A.etc, Edukasyong Pantahanan at Pangkabuhayan V, Binagong Edisyon 2010,

Sta. Teresa Publications, Inc. Manila 2012

Ventura, Ana B. Makabuluhang Gawaing Pantahanan at Pangkabuhayan V,

Adriana Publishing Co.,Inc.Cubao, Quezon City ,Manila 2006
Peralta, Gloria A.etc. Kaalaman at Kasanayan Tungo sa Kaunlaran V,
VICARISH Publilication and Trading, Inc. Sta.Ana, Manila 2016
16