ИСТОРИЈА: МАКЕДОНИЈА ВО РАЗВИЕНИОТ СРЕДЕН ВЕК Дракуловска Анастасија II4
Самостојните феудални држави во Македонија во XIV век
Создавањето на Прилепското Кралство (Волкашин)
Српскиот цар Душан го прогласил моќниот феудалец Волкашин за управник на
областа меѓу Прилеп и Скопје. Поради должноста која ја извршувал Волкашин добил многу имоти и привилегии од царот Душан. По смррта на Душан, Волкашин ја зајакнува својата моќ и самостојно ја превзема целата власт помеѓу Прилеп и Скопје. Во 1365 година на оваа територија Волкашин се прогласува за крал и го формира неговото кралство, со престолнина во Прилеп, па затоа и често се споменува како Прилепско кралство. Волкашин добил поддршка од македонците и за брзо врема ги приклучил и Битола, Скопје, Охрид и Преспа во неговото кралство.
Создавањето на Серската држава
Паралелно со растењето на Прилепското кралство и моќта на Волкашин, расте
моќта и на неговиот брат Јован Углеша. Во 1365 година и тој се осамосотојува во градот Серес и формира своја држава – Серска држава. И тој успева доста брзо да ги прошири своите територии кон Источна Македонија, долниот тек на реката Вардар, како и Халкидичкиот Полуостров. Покрај Серската држава и Прилепското кралство, била формирана и државата на Константин и Јован Драгаш, со центар во Велбужд или денешен Ќустендил. Поради тоа што македонците не успеале да се обединат во една држава, тие станале лесна мета на Османлиите кои ја освоиле цела Македонија без проблеми.