Flexible Learning System - Buhay Estudyante sa "Bagong Normal"

Pangalan: Liera N. Sicad Iskor:

Digri Program: BAF 3-A

 "Bagong Normal sa Edukasyon"

Ibang-iba ang paraan ng pamumuhay natin ngayon kompara noon. Kung dati ay
malaya tayong nakakapaglakad sa gitna ng maraming tao na walang suot-sout na face mask
at faceshield, pero ngayon bawat galaw natin ay limitado. Maging ang pagpasok sa
paaralan ay hindi natin magawa bagama't patuloy parin tayong nakalugmok sa hirap, sakit,
at sagabal na dulot ng pandemya. Ngunit hindi ito magiging sapat na dahilan upang putulin
rin natin ang ating mga lubid sa pag-abot ng ating mga pangarap. "Bagong Normal" ang
kasalukuyang ganap ng ating buhay na maraming pagbabagong nararanasan lalong-lalo na
sa larangan ng edukasyon na mahigpit na ipinagbabawal parin ang pagkakaroon ng
harapang interaksyon ng mga estudyante at guro. Kaya't nakapag-isip ng isang
alternatibong solusyon ang Departamento ng Edukasyon na maipagpatuloy parin ang pag-
aaral ng mga estudyante sa pamamagitan ng "Online Class" at "Modular". Sa ngayon ay
sabay-sabay nating tuklasin kung ano nga ba ang mga pagsubok at kaganapan ng nga
estudyante sa panahon ng "Bagong Normal sa Edukasyon".

Upang maipagpatuloy ang pag-aaral sa gitna ng pandemya ay kinakailangang

magkaroon ng sapat na kagamitan sa pagsasagawa ng Online Class, kagaya na lamang ng
cellphone, laptop o kompyuter, mabilis na internet connection, tahimik na lugar na
pagsasagawaan ng online class, at higit sa lahat sapat na espasyo upang makapag-download
ng mga apps na kinakailangan upang maisagawa ito ng maayos. Ang mga litratong inilahad
sa collage ay iilan lamang sa mga kaganapan sa gitna ng online class na kung saan ay
makikita natin sa unang litrato ang kasabikan ng isang lalaking estudyante na matuto at
talagang gumawa pa siya ng isang maliit na pasilungan upang maisagawa niya ng maayos
ang kanyang pag-aaral. Kahit na nasa probinsya siya at hirap na makakalap ng signal ay
hindi ito naging hadlang upang ipagpatuloy niya ang kanyang pag-aaral at sa inyong
mapapansin ay nag-improvised siya ng mga kagamitan na makakatulong sa kanya. Tanging
dedikasyon at ang pagiging pursigido sa pag-abot ng kanyang mga pangarap ang
mailalarawan ko sa kanya. Sa kabilang banda ang pangalawang larawan naman ay salungat
sa pinakaunang larawan sapagkat nagpapakita lamang ito ng katamaram at iilan rin ito sa
mga karaniwang ganap sa tuwing nagkakaroon na ng aktwal na pagsasagawa ng online
class, na kung saan ay mismong ang guro na lamang ang sumasagot sa kanyang mga
katanunguan, akala ng guro na nakikinig ang mga estudyante sa kanya pero yun pala ay
puro scroll up at down sa facebook ang inaatupag, kapag pinag-oral ng guro sasabihing
hindi gumagana ng maayos yung mic o baka naman ay mahina ang signal at ang
pinakamalala ay nakakatulog pa habang napapaos na kakasalita ang guro sa pagtatalakay
ng kanyang leksyon. Ang ikatlong larawan naman ay naglalahad ng prokrastinasyon, ito
ay isa sa mga problema ng mga mag-aaral na hinaharap ngayon, dahil likas na sa mga
estudyante na ipagpaliban ang mga gawaing pampaaralan tulad ng mga takdang-aralin,
proyekto, aktibidad at maging ang paggawa ng bidyo na may kinalaman sa leksyon ng guro
hinggil sa mga samo’t saring dahilan ng mga estudyante. “Due Tomorrow, Do Tomorrow”,
iyan ang pinanghahawakang kasabihan ng mga estudyante na nakasanayan na ang
pagpapaliban ng mga gawain dahil nga ay mas gumagana ang kanilang utak kapag malapit
na ang huling araw ng pagpasa sa mga gawain. Mas inuuna nila ang hindi gaanong
importanteng gawain tulad ng paglilibang dahil mas madali at kasiya –siya itong gawin
kaysa sa paggawa ng mga takdang-aralin at proyekto. Lalong hinding-hindi rin maiiwasan
ang pandaraya sa online class dahil napakadali na lamang ang pagkopya ng mga naisaliksik
sa Google na hindi nagbibigay ng wastong pagsipi na mahihinuha natin sa pang-apat na
larawan. Kung may mga estudyanteng iresponsable dahil umaasa lamang sa luho ng
kanilang mga magulang, may iba namang hindi pinagpala na naging anak-dalita na walang
pag-aalinlangang pagsabayin ang pagtatrabaho at pag-aaral. “Mahirap ang maging mahirap
pero mas mahirap kung walang pangarap”, determinasyon, diskarte at pagsusumikap ang
ilan sa mga katangiang taglay ng estudyanteng crew ng Jollibee. Hindi niya iniinda ang
pagod at nagawa pang lumahok sa kanyang online class sa kalagitnaan ng kanyang
pagtatrabaho. Karapat-dapat lamang ng saluduhan ang mga taong ganito ang pananaw sa
buhay at tiyak na malayo ang kanilang mararating.

Mula sa mga pagsubok at kaganapan ng nga estudyante sa panahon ng "Bagong

Normal sa Edukasyon", mailalahad natin ng may katwiran na hindi lamang puro negatibo
ang epekto ng online class sa atin, sapagkat may mga positibo rin itong naidudulot. Nawa’y
magsilbing inspirasyon sa’tin ang mga estudyanteng handang suongin ang mga hamong
hatid ng buhay para lamang maihaon sa hirap ang kanilang pamilya. Ipagpatuloy lang natin
ang ating mga nasimulang kabutihan at kaligtaan ang mga masamang gawain dahil hindi
ito makakatulong sa ating pag-asenso. Matututo at matututo tayo kung patuloy tayong
lalaban at gagawin nating inspirasyon ang hirap na ating nararanasan upang maabot natin
ang ating mga mithiin.